الموضوع: رفع الدعم عن البنزين وجمارك السيارات

المشاركة الأصلية كتبت بواسطة kareem_eg

ا/tutankhamoun
بالضبط زي ما حضرتك قلت "ما فيش دولة مرتبتها بتكفيها "
انا مكنتش بتكلم عن المرتبات علي وجه الخصوص "وحضرتك عندك حق في كل كلمه قلتها و انا استفدت من تعليقاتك "
بس انا اقصد نسبة و تناسب .. بمعني انا قصدي انه لو عايز انه يلغي الدعم معنديش مانع . طيب يوفرلي البديل
بمعني هل حضرتك تقارن مواصلات بريطانيا بمواصلاتنا .. او حتي شوارعنا ممكن امشي فيها بعجلة عشان اوصل مشواري ؟ " علي فكرة و انا مسافر كنت بستعمل العجلة في المشاوير مع اني كنت 10 سنين , بس بروح و باجي لان فيه اماكن مخصصة لكدة و مافيش عربية حتيجي تخبطني مثلا "

مثلا :انا طالب جامعي حاولت اروح و ارجع بالمواصلات لقيت ان اليوم بيضيع ..فعلا والله الاتوبيس اقف استناه في المحطة ساعتين و طريق ساعة مثلا و ارجع انام . يبقي مافيش مذاكرة .

و انا فاهم قصد حضرتك بان الدعم ممكن يكون واحد فقير محتاجه اكثر مني " علي اساس اننا عائلة عندنا عربية و غيرنا معندوش " بس هل هو حيشيل الدعم من البنزين و يحطه علي سلع اخري يستفيد منها الفقراء

اتمني ذلك !

بالنسبة لبريطانيا هي كانت حتعلن افلاسها فعلا لولا بير البترول اللي لقوه في بحر الشمال .عشان مفقدوش الامل و اشتغلو .. زي ما حضرتك قلت لازم نشتغل عشان نوصل لمصر اللي عايزنها :)

ا/ most_h
معلش خرجنا من صلب الموضوع

يعني فكر حضرتك لما الدعم يتشال المنتجات هترخص للفقرا و الغلابه :) .... لو مزادتش الضعف يبقي ليك الكلام .

المشاركة الأصلية كتبت بواسطة midnightman_74

دول أوروبا وكل دول العالم بيفرضوا ضرائب على العربيات زى اى سلعة
إنما فى مصر الدولة بتشاركك فى العربية ... الضرائب لية تعريف بس إللى بيحصل فى مصر أسمة إتاوة ....

يعنى لما تدفع ٤٥٪ من تمن العربية جمارك لعربية ١٦٠٠ سى سى دى مش أسمة ضرائب !!!!!!! :n_no[1]:
ولما تدفع ١٣٥ ٪ من تمن العربية جمارك لعربية ٢٠٠٠ سى سى ....... يعنى لما تيجى تشترى عربية ٢٠٠٠ سى سى بتدفع تمن عربية وحته كمان للحكومة .... كدة الحكومة بتشاركك فى فلوسك وكمان هتدييك البنزين بتمنة الحقيقى

+١١١١١١١ اي حد مقتنع ان الدعم لازم يتشال ممكن كلامه يبقي صح في ظروف معينه غير متوفره علي الاطلاق في مصر و مش هتتوفر ... علشان لو وفروها و شالوا الدعم هيخسروا اكتر من لو سابوا الدعم كده .... مش كل الدول بتخلي المرتبات تعيشك مرتاح طبعا بس اي دوله هتعيشك علي الاقل في مستوي متوسط بمعني سكن و اكل و مواصلات ادميه محترمه مضبوطه في مواعيدها و طرق جاهزه مش مجموعة حفر ماشيه ورا بعض و علاج تبع تأمين صحي زيه زي الخاص .... قبل ما حد يقول وجهة نظره يفكر في البني ادم اللي متمرمط و طالع عينه ده هيعرف يعيش ازاي .....

المشاركة الأصلية كتبت بواسطة kareem_eg

يبدو ان حضرتك مش متابع الموضوع من الاول .. انا من الناس اللي بتقول ان رفع الدعم محدش حيستفيد بيه .. بس انا قلت " اتمني دلك "

لا يا فندم متابعه من لاول و عارف ان حضرتك ضده بس انا بعقب علي كلامك لاستاذ توت عنخ امون :)

المشاركة الأصلية كتبت بواسطة mahmoud_anwar

طيب خاليني معاك وبعض الدول المتقدمة التانية بيخدو ضريبة سي سي ؟؟؟؟؟؟
يعني بيدفعة كل سنة ضريبة علي سعه الماتور ياباشا ده شوية شوية هيخدو ضريبة شكمان وضريبة فتيس وضريبة رداتير وضريبة تكيف ومش بعيد هيعملو عداد كهربا للعربية علشان نقلل من استهلاك النور والكلاكس والتكيف

الضريبة في مصر على العربيات 1600 سي سي هي 230 جنيها سنويا
الضريبة في أنجلترا على العربيات 1300 سي سي هي 150 (جنيه أسترليني ) يعني 1600 جنيه مصري
و التأمين هناك أجباري (اللي هو التأمين الأختياري هنا ) و ممكن ثمنه يعدي 400 أو 600 جنيه أسترليني في السنة
الحكومة هنا تقريبا مقارنة بالخارج مش بتدفعك حاجة زي برة

المشاركة الأصلية كتبت بواسطة midnightman_74

دول أوروبا وكل دول العالم بيفرضوا ضرائب على العربيات زى اى سلعة
إنما فى مصر الدولة بتشاركك فى العربية ... الضرائب لية تعريف بس إللى بيحصل فى مصر أسمة إتاوة ....

يعنى لما تدفع ٤٥٪ من تمن العربية جمارك لعربية ١٦٠٠ سى سى دى مش أسمة ضرائب !!!!!!! :n_no[1]:
ولما تدفع ١٣٥ ٪ من تمن العربية جمارك لعربية ٢٠٠٠ سى سى ....... يعنى لما تيجى تشترى عربية ٢٠٠٠ سى سى بتدفع تمن عربية وحته كمان للحكومة .... كدة الحكومة بتشاركك فى فلوسك وكمان هتدييك البنزين بتمنة الحقيقى

أصلا المفروض أحنا نأخد البنزين بثمنه الحقيقي (ما حدث كان مهزلة من مهازل تدمير الأقتصاد ) و خلت ناس كتيرة تفتكر أن الدعم ده حق مكتسب .
ثانيا
عايز تعرف أسعار العربيات في أنجلترا كام للفئات اللي حضرتك أشرت إليها ؟
أتفضل

مصر ..... بروتون جين 2 سعة الموتور 1600 أوتوماتيك كاملة ...... 110 ألف
أنجلترا .... بروتون جين 2 سعة المحرك 1600 أوتوماتيك كاملة ....... 12 ألف أسترليني (126000 ألف جندي مصري ) يعني كمان أغلى من مصر ب 16 ألف جنيه كاملين .

ده ثمن عربية مصنوعة في أنجلترا (مش مستوردة كمان )
فوكسهول (أوبل ) أنسينيا 2000 سي سي .......... 25180 ألف أسترليني ...... يعني بالمصري تعمل 264390 جنيه مصري

أسعار الفولكس فاجن بداية من الموتور 1400 تي أس أي إلى 2000 سي سي
البداية هي 25000 ألف أسترليني و زود أنت صفر على الرقم بالمصري
و تنتهي ب 30000 ألف أسترليني و زود صفر على الرقم علشان يطلعلك بالمصري (الجنيه الأسترليني يساوي 10.5 جنيه مصري )

الضرائب و الجمارك مش مشاركة لنا في العربية
الضرائب و الجمارك للمساعدة في بناء الطرق و انارتها و بناء الكباري
اللي أنت هاتسوق عليها العربية ....... لو عايز ما تدفعش جمارك
يبقى المفروض الحكومة لو معندهاش موارد دخل أخرى ....... ما تبنيش طرق
و نسوق على الرملة !!!!

المشاركة الأصلية كتبت بواسطة hossam_elwani

السؤال

هو ايه نسبة الضرايب الى بتتدفه بره كام للعربيات ؟؟؟

بتدحدد يا أستاذ حسام حسب السي سي و عمر العربية تقريبا داخل في المعادلة .
كل لما السي سي يعلى .... الضريبة تعلى ...... و كل لما لاعربية تقدم الضريبة تعلى كمان .

المشاركة الأصلية كتبت بواسطة m.ayman

+١١١١١١١ اي حد مقتنع ان الدعم لازم يتشال ممكن كلامه يبقي صح في ظروف معينه غير متوفره علي الاطلاق في مصر و مش هتتوفر ... علشان لو وفروها و شالوا الدعم هيخسروا اكتر من لو سابوا الدعم كده .... مش كل الدول بتخلي المرتبات تعيشك مرتاح طبعا بس اي دوله هتعيشك علي الاقل في مستوي متوسط بمعني سكن و اكل و مواصلات ادميه محترمه مضبوطه في مواعيدها و طرق جاهزه مش مجموعة حفر ماشيه ورا بعض و علاج تبع تأمين صحي زيه زي الخاص .... قبل ما حد يقول وجهة نظره يفكر في البني ادم اللي متمرمط و طالع عينه ده هيعرف يعيش ازاي .....

ازالة الدعم فجائيا بالطبع هايخرب و يقلب الأقتصاد رأسا على عقب .
ثانيا أنا بتكلم عم مبدء الدعم نفسه مش التطبيق ..... و البني الغلبان في مخيلتي و أنا بتكلم اللي أنا و أنت بنأخد حقه في الدعم بسبب منظومة الدعم الفاشلة .
ثالثا طبعا لما يشيل الدعم لازم يكون فيه بديل للي مش هايقدر يستعمل البنزين بالأسعار الجديدو و تكون مواصلات محترمة . (المهم أنا بتكلم عن مبدء و ليس كيفية التطبيق )
تقبل تحياتي .

المشاركة الأصلية كتبت بواسطة m.ayman

لا يا فندم متابعه من لاول و عارف ان حضرتك ضده بس انا بعقب علي كلامك لاستاذ توت عنخ امون :)

تحياتي للجميع
يا جماعة الدعم ده كارثة كارة كارثة و خراب للأقتصاد
أحنا دلوقتي بنستورد البنزين و السولار و الكلام ده من 2002
ميزانية دعم الطاقة لوحدها 20 مليار جنيه في السنة !!!!!!!!!!!!!

يعني الحكومة كدا تديني مع كل تفويلة 80 جنيه هدية (فرضا أن لتر البنزين ثمنه الأصلي 4 جنيه و أنا بحط 40 لتر) يبقى أنا دفعت 1.85 قرش و الحكومة كلمتلي الباقي .

يعني أنا بأخد فلوس من الحكومة أكتر من الغلبان اللي بيكنس الشارع و يقف يتحايل علينا في الاشارات نديلة حاجة لله !!! أو واحد بتبيع مناديل في الاشارة و الحكومة مش بتديها تعريفة دعم زي اللي و أنت أصحاب العربيات بنحصل عليها لمجرد أن معانا عربية !!
فين العدل !!!!!!!!!!!!!!!!!!!

طيب برضه أنا هاكرر كلامي
أنا مش بناقش كيفية التطبيق و بناقش فقط لا غير المبدء

أنا من رأيي أن الحكومة تشيل الدعم خالص من على البنزين كمرحلة أولى و حتى مش عايز كوبونات و مع توفير الآتي :

توفير مواصلات محترمة في كل المدن الكبيرة و تكون بسواقين محترمين و بمواعيد .
تفعيل خدمة القطارات و الخطوط الداخلية لخدمة سكان المدن الواقعة على خطوط القطارات .
تثبيت الدعم على الديزل أو السولار و أزالته تدريجيا مع تحسن الأقتصاد حتى لا ترتفع الأسعار فجائيا .

طبعا 20 مليار بتوع الدعم لو راحوا في مشاريع عملاقة نستفيد بها بدل ما بنحرقهم في الهوا احسن بكتير من الدعم لأن هايكون مشروع له عائد مستمر بعكس الدعم اللي ملوش أي عائد .

أنا مش شايف ازاي الحكومة تديني دعم علشان أركب عربية لوحدى و مشغل التكييف و أروح و أجي للشغل و فيه ناس تانية ممكن تكون محتاجة فلوس تعمل عملية أو تحسين المدارس أو ا لمستشفيات أو البحث العلمي و أحنا زعلانيين أن الدعم هايتشال .!

يا جماعة أنت عايز مشفى حكومى محترم (عايزة فلوس )
عايز مدارس حكومية محترمة (عايز فلوس )
عايز خدمات حكومية محترمة (عايزة فلوس)

لازم نبدء من نقطة ما علشان نوصل

إنما الشعب يقعد يقول يوفرلي كله الأول وبعدين يأخد الدعم (اللي هو مش من حقه أصلا ) !!!

أي منطق !؟ نتحدث ؟!

المشاركة الأصلية كتبت بواسطة aymanshebl

افلحت الحكومة ان صدقت و ما ادراك ان الدولة هتحول الدعم الى التنمية مش ممكن توجهه لسد عجز الموازنة مثلا او الصرف على الانتخابات او المستشارببن فى الدولة او او .... الخ و لو الدعم اتلغى ما ادراك ان الدولة بعد كام سنة ما فيش موارد كافية للميزانية تعمل ايه ممكن تفرض ضريبة تحت اى مسمى مش هتغلب على البنزين لزيادة موارد الدولة و سد العجز المشكلة مش فى الدعم المشكلة الاساسية فى الفكر و العقول موارد مصر عبارة عن ثروات طبيعية البترول الاثار قناة السويس فين الفكر اللى يجيب فلوس من صناعة حقيقية مبنية على علم مش مصانع بسكويت و صناعات غذائية و ورش تجميع السيارات و قنوات غنائية و مسلسلات و افلام امريكا بكل ما لديها من قوة بفضل العلم كوريا الجنوبية اللى مساحتها صغيرة جدا رابع اقووووى اقتصاد فى العالم و احنا هنا بنعتبر العلم مضيعة للوقت و الفلوس و كمان مجال للتريقة على العلماء نظارة كعب كوبية و ما شابه احنا عايزين ناس واعية و جادة و شعب متعاون للوصول الى الهدف المنشود و واحد زى مهاتير محمد

حضرتك بتتكلم عن آليات تنفيذ

أنا بتكلم عن مبدء فقط ليس إلا .

الدعم غلط و خراب للأقتصاد

تنفيذ ازالته ازاي ........... دي قصة تانية .
=================
و بعدين أحنا دلوقتي بنشحط ........... نقوم نستلف علشان ندعم العربيات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

أما بقى موضوع الانتاج .... ده كلام لا خلاف عليه
و الأقتصاد القوي لا يُبنى على الدعم ..... أو بمعنى آخر مفيش دولة أقتصادها قوي فيها دعم لأي سلعة .

آليات التنفيذ طبعا لازم تكون سلسلة و واحدة واحدة علشان الناس ما تحسسش بده بسرعة و يحصل ارتفاع للأسعار مفاجئ .
مع تحياتي