الموضوع: بيجو 301 ولا ستروين c-elysee

لحد دلوقتى البيجو كسبانة ب 11 صوت مقابل 4 للإليزيه، ممكن اللى صوتوا لأى واحدة منهم يقوللنا سبب اختياره ليها ?!

أنا أيضاً أرى البيجو أشيك و طبعاً دىمسألة أذواق و أيضاً سمعة توكيل الستروين عز العرب و المشاكل التى رأيتها فى الكثير من المنتديات من مالكى بروتون من عدم توافر قطع الغيار و سوء المعاملة ولكن الحق يقال أننى رأيت أحد التعليقات بأن معاملة مالكى سيتروين مختلفة عن بروتون. كل ذلك جعلنى أختار البيجو بالإضافة أنه يوجد خبرة سابقة مع أحد أقاربى أثناء محاولتة بيع سيارتة السيتروين و أعرف كم من الوقت و المشاكل و خسارة المال التى حدثت حتى باعها.
بإختصار لو كان توكيل السى إليزية مع شركة أخرى لم أكن قد ترددت بأن إخترت السيتروين عن البيجو. والأن أرى أن تواجد سيارتين مثل البيجو 301 و السى إليزية بكل إمكانياتهم الأكثر من ممتازة و سعرهم الرائع المنافس للكثير من الشركات المغالية فى أثمان سيارتهم فرصة لا تعوض لأى من التوكيلين لإثبات جدارتة و كسب ثقة الناس .

يعنى لحد دلوقتى اللى أفهمه من حضراتكم هو إن الفرق الوحيد الحقيقى بينهم هيبقى التوكيل ؟!
طيب ماذا عن توافر قطع الغيار و مراكز الصيانة ؟!
و سعر إعادة البيع ؟! دى نقطة هتبقى مهمة جدا ..
و بعدين لو الاتنين زى بعض بالظبط ليه البيجو أغلى حوالى 5000 ؟!

يا اخوانا أنتم بتتكلموا في إيه ؟؟

توكيل بيجو ميفرقش حاجة عن عز العرب
أنا صاحبـي والله فضل مستني أكتر من شهرين على حتة فبرة في الكسدام
و علامة بيجو اللي قدام

وكان قبلها مستني أكتر من شهر على باب

ده لعربية 308 , يعني نازلة من زمان

أما بالنسبة لإعادة البيع :
شوفوا اسعار ال c4 وال 307
البيجو أعلى آه بحاجة بسيطة بس مش زي ما أنتم بتتكلموا

أنتم حسستوني إن بيجو أحسن من الكوري LOL

وعموما عمر فرق اعادة البيع ما هيعدي فرق السعر
اللي هو 3 أو 5 الاف جنيه

ده غير إن الناس حابة ال elysee أكتر وده هيخلي اعادة بيعها تبقى أحسن

هقول رأيي و ربنا يكرم كل اللى بيفكر للاتجاه الأنسب ليه خاصةً...

العربيتين زى ما الزملاء قالوا نسخة من بعض ، الاختلاف فى الشكل و الجنط 16 للبيجو و كروم من جوه للسيتروين ، فى ما عدا ذالك توأم ، يعنى عفشة ، أداء ، ثبات ، أعطال ، اعتمادية....الخ كله واحد..

الفرق هيبقى فى التوكيل مع انه من وجهة نظرى المتواضعة ممكن ميفرقش حاجة خالص ، خاصةً من ناحية توافر قطع الغيار اللى هى أهم حاجة (ملحوظة: عز العرب مع سيتروين حاجة تانية خالص غير بروتون...توكيل تانى أصلاً)

يعنى من الاخر الفرق الوحيد هو الشكل ، و الله أعلى و أعلم و الاستخارة قبل أى شئ...