بيجو 301 ولا ستروين c-elysee

**Ahmed_m7md_A5** · 07-11-2013 05:50 PM

المشاركة الأصلية كتبت بواسطة badr.aboali

انا استلمت البيجو 301 والصراحة السيارة جميلة جدا جدا ومفيهاش غلطة ولكن السيارة بسماعتين اماميتين فقط والسيارة سحبها قوي جداجدا ثباتها عالي علي السرعات العالية واهم واكتر حاجة عاجبتني فيها الفرامل بتاعتها قوية جدا جدا جدا وروحت التوكيل والمعاملة بتاعتة ممتازة والعربية الشنطة واسعة جدا جدا ولكن العربية جاية بمفتاح كمبيوتر واحد والتاني عادي

خلاص عرفنا 3 مرات xd
النت مهنج معاك و لا ايه ؟ (:

**Ahmed_m7md_A5** · 07-11-2013 05:51 PM

المشاركة الأصلية كتبت بواسطة j a g u a r

بيجو 301 كويسه وهاتنتشر

مفيش كلام طبعا هتنتشر
العربية وصلت المركز التانى فى مبيعات شهر 6
بالنسبة لبيجو فتمام التمام

**ALshahba** · 03-12-2013 02:41 PM

حتي الان الاكثر انتشارا هي : البيجو 301
ليس عيبا ابدا فى السيتروين ....ولكن اسم بيجو يبيع اسرع ويثق الناس فيع اكثر

ولكن الفارق الجوهري (من وجهة نظري) ان مقاس الجنوط فى البيجو 16بوصه وهي اكبر من السيتروين 15بوصه ....مما يساعد فى الثبات والاتزان

**Yousef.Kamel** · 03-01-2014 10:03 PM

بس بصراحه بغض النظر عن اعاده البيع الستروين شكلها اجمل

**برنس الليالي** · 14-02-2014 06:10 AM

العربيتين زي بعض ... هنا بقى الشكل والتوكيل هما اللي بيلعبو في المقارنة وانا مع السيتروين كشكل خارجي اشيك ودي طبيعة سيتروين بشكل عام في كل فئاتها

**برنس الليالي** · 14-02-2014 06:16 AM

المشاركة الأصلية كتبت بواسطة badr.aboali

انا استلمت البيجو 301 والصراحة السيارة جميلة جدا جدا ومفيهاش غلطة ولكن السيارة بسماعتين اماميتين فقط والسيارة سحبها قوي جداجدا ثباتها عالي علب السرعات العالية واهم واكتر حاجة عاجبتني فيها الفرامل بتاعتها قوية جدا جدا جدا وروحت التوكيل والمعاملة بتاعتة ممتازة والعربية واسعة جدا جدا والشنطة واسعة جدا جدا جدا جدا ولكن السيارة جاي معاها مفتاح واحد كمبيوتر والتاني عادي

ازاي ؟؟؟؟ دا انا شفت بنفسي ان في ناس بتشتكي من السحب العربية بدأت تتباع مستعمل بشكل ملحوظ والسبب انهم بيحولو لإليزيه

وبعدين سمعت ان التكييف بيطلع ريحة زبالة وصوت الموتور عالي والله اعلم

**amrelsaqqa** · 15-02-2014 12:00 AM

المشاركة الأصلية كتبت بواسطة برنس الليالي

ازاي ؟؟؟؟ دا انا شفت بنفسي ان في ناس بتشتكي من السحب العربية بدأت تتباع مستعمل بشكل ملحوظ والسبب انهم بيحولو لإليزيه

وبعدين سمعت ان التكييف بيطلع ريحة زبالة وصوت الموتور عالي والله اعلم

ياباشا بلاش كلمة سمعت اللى موديانا في داهية دى :d
قد يكون المشاكل دى حصلت مع بعض الناس انما ما ينفعش نعمم وكمان نقول ان الناس بتبيعها وتجيب الاليزيه ، ماهم اصلا عربية واحدة وموتور واحد وشاسيه واحد وعفشة واحدة
يعنى لو بطة هتبقى الاليزيه بطة زيها ، لو خفيفة هتبقى الاليزيه زيها ، لو ضيقة، لو صوت الموتور عالى ...... ........ الخ
الاختلاف في الشكل والقطع الخارجية والتوكيل والسوق وبس

انا مثلا معايا 301 معنديش مشاكل ريحة التكييف خالص ، والسحب جميل جدا (مانيوال) وصوت الموتور مش ازمة زي ما الناس متخيلة ومستنى اغير الزيت بتاع 10 الاف اشوف الدنيا فيها ايه

**smsm2004w** · 15-02-2014 02:54 PM

شوف الكلام ده
http://www.nilemotors.net/Nile/40370...post3875409632

**islam.3bada** · 16-02-2014 11:44 AM

المشاركة الأصلية كتبت بواسطة برنس الليالي

ازاي ؟؟؟؟ دا انا شفت بنفسي ان في ناس بتشتكي من السحب العربية بدأت تتباع مستعمل بشكل ملحوظ والسبب انهم بيحولو لإليزيه

وبعدين سمعت ان التكييف بيطلع ريحة زبالة وصوت الموتور عالي والله اعلم

الناس اللى بتحول للاليزيه بتحول عشان فترة التسليم اقل فى التوكيل و الاوفر برايس فى المعارض للتسليم الفورى اقل من بيجو
اللى فارق معاه الوقت و الفلوس بيحول للاليزيه لو كان من الناس اللى اختارت البيجو من الاول

هذا و االله اعلم