الموضوع: بيجو 301 ولا ستروين c-elysee

المشاركة الأصلية كتبت بواسطة mohjarr

رأيى صاحب المعرض عاوزك تاخد الستروين علشان أسهل يجيبهالك عن البيجو.. معرضين حاجز بهم بيجو 301 لأحد أقاربى حاولوا معايا يخلونى أغير من بيجو لسيتروين بمختلف الطرق لتوافرها لديهم فى ذلك الوقت.
محدش ينكر أن الإقبال على البيجو أكبر بكثير عن السى إليزية و ده مش بسبب أية عيب بالسيارة ولكن ثقافة الشراء عند الناس لإسم بيجو و ربطها بالموديلات القديمة منها مثل 504 و 505 بدون معرفة أن السيارتين من مصدر واحد و إنتاج شركة واحدة و ن مصنع واحد.
السيارة معى ولم ألاحظ هذه النتشة حتى الأن و على فكرة الفتيس بتاع 307 غير بتاع البيجو ال 301 .
أتمنى من كل قلبى أن يكون التوكيلين على المستوى المطلوب و أن يعملوا على كسب ثقة الناس لأننى أرى أن وجود سيارتين مثل السى إليزية و البيجو ال 301 فى السوق سيحدث تغييراً كبيراً فى السوق و أسعارة المبالغ بها و تغيير ثقافة الناس نحو السيارات الأوربية.

شكرا أخى العزيز على مشاركتك المفيدة.. وكلام حضرتك فعلا صح..اللى خلانى أحجز البيجو هو بس الإسم..رغم إنى لم أركب بيجو أو ستروين من قبل وماعرفش عنهم أى حاجة.
باعتبار إن حضرتك معاك العربية..إيه ملاحظاتك عليها وهل وجدت أى مشاكل.. وأخبار مراكز الخدمة إيه..وخلاصة رأى حضرتك إيه..عشان الواحد يخلص من الحيرة..
وعلى فكرة الستروين أقل بعشر ة آلاف جنيه بعد البيجو مازادت خمسة ألاف من كام يوم
وألف شكر

المشاركة الأصلية كتبت بواسطة mohjarr

مبروك مقدماً أياً كان إختيارك.. السيارتين متطابقتين إلا من الشكل الخارجى و الجنوط و بعض الطول البسيط جداً فى البيجو ولكن كما ذكرت المشكلة هى طبيعة السوق المصرى العجيب .
لم أجد أية مشاكل فى السيارة حتى الأن و ربنا يديمها نعمة حتى الموتور أصبح تسارعة أفضل بكثير عن ما إشتريتها و لم أذهب للصيانة حتى الأن و مستنى لما أذهب للتوكيل حتى أقول رأيي ككل فى السيارة و التوكيل.
بالنسبة للسعر لو مش مستعجل إحجز فى التوكيل فلم يزيد السعر به و الزيادات كلها من جشع التجار و الأوفر برايس الذى يطلبوه ولكننى أتوقع زيادة سعر السيارتين عن قريب ولكن بعد الدفعتين القادمتين ده لو كان التوكيل صاحب كلمة و لن يزيد السعر على الناس الحاجزين الأن.

شكرا ياباشا على الإفادة..ربنا يبارك لك فيها ويحفظها... وفى إنتظار التقرير إن شاء الله

سألت اليوم في توكيل بيجو المهندسين و قالي إن الفئة الأولى بوسادتين في الأمام بدل من وسادة هوائية واحده في السيتروين.

واللة انا شايف ان مفيش ولا كلمة بعد كلمة بيجو

المشاركة الأصلية كتبت بواسطة mohjarr

ده حفبقة فعلا تجهيز الفئة الاولى فى البيجو به 2 وساده هواء وفى الستروين واحدة فقط

طيب ممكن اعرف سعر البيجو الفئة الاولي كام النهاردة

المشاركة الأصلية كتبت بواسطة ahmedz310

متابع وفي انتظار مقارنة بين التوكيلين لأن العربيتين تقريباً واحد واسم بيجو في مصر وانتشارها اكتر من ستروين ودي نقطة طبعا هترجح كفة البيجو في سعر اعادة البيع

ولأضافة الستروين جميع السيور جنزير ماعدا سير الدينمو