بيجو 301 ولا ستروين c-elysee

**elhygan** · 25-05-2013 02:50 AM

هو تقريبا العربيتين متشابهين في حاجات كتير يبقي المقارنة في التوكيل
طبعا عز العرب سمعته سبقاه دة الجين تو قطع غيارها مش موجودة في التوكيل و العربية موجود في السوق من 2005 تقريبا بس الصراحة انا معرفش حاجة عن توكيل بيجو الجديد

**gebreel** · 26-05-2013 11:42 PM

انا بدأت اشوف ال301 في الشارع و في المعارض

**Formulator** · 27-05-2013 04:01 PM

المشاركة الأصلية كتبت بواسطة koj@k

و فرق بسيط قوي في ال option زي إن ال 301 بجنط 16 مثلا مش 15
وال elysee فيها كروم أكتر

بالنسبالى:
الجنوط الـ"16 كفيلة إنها تخلينى أختار البيجو301

خصوصا: لو مع كاوتش أعرض وlow-profile؟!!
الهاندلينج وفرق الثبات (ولو بسيط) مش optional!

Rgds،

**tarekfarid55** · 16-06-2013 12:26 PM

السلام عليكم الإخوة الكرام
أنا متابع الموضوع وشكرا لكل الأعضاء اللى حاولوا يضيفوا للموضوع
أنا حجزت بيجو 301 ولكن الإستلام الأسبوع القادم إن شاء الله
المعرض قال لى إنه عنده برضه ستروين إليس وعلى فكرة هى أرخص بعشر آلاف جنيه
وإن عندى فرصة لو عايز ممكن آخد الستروين
بعد قراءتى للموضوع مازلت فى حيرة ولم أجد أى رد يساعدنى فى اتخاذ القرار...حاولت أبحث فى المنتديات الأجنبية عن المقارنة بين الاتنين..لكن نظرا لإن السيارتين جداد مافيش مقارنات حاسمة.. وبرضه السوق المصرى له اعتبارات وحسابات مختلفة!
أنا بصراحة ماعنديش أى فكرة عن الشركتين بيجو أوستروين ..ولا التوكيل بتاعهم ..وبرضه ولا عن فرص إعادة البيع بالنسبة لهم !! كل اللى أعرفه إن بيجو منتشرة شوية عن ستروين ولها تاريخها فى السوق المصرى ... وفقط أميل للبيجو من ناحية الشكل.
هل ممكن حد يفيدنا بإجابة شافية تساعد امثالى فى إتخاذ القرار .. وتكون بموضوعية وشكرا

**El Prince** · 16-06-2013 01:53 PM

مفيش ريفيوهات للعربيتين دول بره مصر فى الأسواق الاجنبية - اعتقد ده هيساعد كتير

**hamaka** · 16-06-2013 01:59 PM

المشاركة الأصلية كتبت بواسطة tarekfarid55

السلام عليكم الإخوة الكرام
أنا متابع الموضوع وشكرا لكل الأعضاء اللى حاولوا يضيفوا للموضوع
أنا حجزت بيجو 301 ولكن الإستلام الأسبوع القادم إن شاء الله
المعرض قال لى إنه عنده برضه ستروين إليس وعلى فكرة هى أرخص بعشر آلاف جنيه
وإن عندى فرصة لو عايز ممكن آخد الستروين
بعد قراءتى للموضوع مازلت فى حيرة ولم أجد أى رد يساعدنى فى اتخاذ القرار...حاولت أبحث فى المنتديات الأجنبية عن المقارنة بين الاتنين..لكن نظرا لإن السيارتين جداد مافيش مقارنات حاسمة.. وبرضه السوق المصرى له اعتبارات وحسابات مختلفة!
أنا بصراحة ماعنديش أى فكرة عن الشركتين بيجو أوستروين ..ولا التوكيل بتاعهم ..وبرضه ولا عن فرص إعادة البيع بالنسبة لهم !! كل اللى أعرفه إن بيجو منتشرة شوية عن ستروين ولها تاريخها فى السوق المصرى ... وفقط أميل للبيجو من ناحية الشكل.
هل ممكن حد يفيدنا بإجابة شافية تساعد امثالى فى إتخاذ القرار .. وتكون بموضوعية وشكرا

يا باشا العربيتين زى بعض فى كل حاجة ، الفرق فى الشكل و الجنوط للبيجو و الكروم الداخلى للسيتروين ، أنا لو مكانك هستحرم أدفع 10000 زيادة بدون أى اضافة واضحة ، لكن لو الجنوط فارقة معاك يبقى تتوكل على الله فى البيجو ، مش فارقة معاك يبقى انت أولى بفرق الفلوس عشان مش هيرجعلك الفرق ده لما تيجى تبيع ، و بالنسبة لحوارات اعادة البيع و الكلام ده الاتنين يا اما ينتشروا مع بعض يا اما الاتنين مش هينتشروا ، الاتنين نفس قطع الغيار و نفس الصيانة و الميكانيكى اللى هيفهم فى دى هيعرف فى دى...