الموضوع: محدش يشتري بريدجستون نهائي

ركبت بريجستون بناء علي نصائح ناس هنا فالمنتدي وعند خروجي من مكان التركيب وهو تابع لهم وبدون ذكر أسماء لقيت العربية زي الزفت لدرجه أن الكوتشوك اللي كان راكب فيها وعامل بيه ٥٠ ألف أنضف ١٠٠ مره
أداء زفت وتسارع أزفت واهتزاز ورعشه فالدريكسيون وبدال البنزين ورعشه مع الفرمله يا نهار اسود أنا شكيت أن العربية بايظه
رحت قيست كل حاجه فى العفشه ومحدشى يقولى يمكن عفشه لأني مغير عفشه كامله ومرقط ورابط زوايا وقيست الشاسيه وعملت ما يمكن عمله طبعا ضيعت يومين فى الحوار دا وجربت ضغط هوا اقل واكتر وعكسي وكل ما يمكن تخيله وعشان متروحوش بعيد رحت كشفت على العجل بعيد عن بريجستون سليم وتاريخ إنتاج جديد ومقياس ستساندارد يعني مال آخر العربية يزور وأنا أصلا محسوك ومحافظ عليها جداً
مكنش قدامي غير أني أكلم الوكيل بتاع الزفت العجل دا عشان ارجع العجل وكان الرد عدي علينا بكره قولتلوا ومالوا ورحت غيرت لدانلوب ومقياس اعرض وضغط هوا أعلي وإذ المفاجأة
العربية بحمد الله تحولت للأفضل حال والحمد لله
نيجي بقي للباشوات بتوع بريدجستون وحوار أعاده الكوتشوك الزفت بتاعهم
ودا اللي هقولهولكوا فى الحلقة الجايه بعد ما اسمع منكم الرد
والله بريجستون دي خدعه كبيره مش بس فمصر لا وأوروبا كمان لأني عملت بحث فاليومين دول وفكذا فورم زي المنتدي بتاعنا وكله ليشتكي منه
اللهم بلغت اللهم فاشهد