الموضوع: الجمال ولا النسب والعائله ..... ساعدونى !!!!

متظلمش واحده ملهاش ذنب معاك هتفضل صورتها قدامك فى مقارنه مع التانيه سيب التنين و خد فتره نقاهه

يعني واحدة سابتك وراحت لواحد والواحد معجبهاش تقوم ترجعلك تاني وانت لسه بتفكر يا راجل عيب الكلام ده انساها خاااااااالص
وشوف البنت التانيه لو مش حاببها متظلمهاش معاك

المشاركة الأصلية كتبت بواسطة zangry

بداية كده لازم تنسي الاولى دي خالص :d لانها مش مناسبة ليك اجتماعيا ولا علميا ولا في اي حاجة ! + اخلاقها عليها علامات استفهام كتيرة زى ما قال شريف بيه

التانية متتسبش طبعا محترمة وبتصلي وبنت ناس كويسين وكفاية ان اهل حضرتك كمان موافقين عليها ومناسبة ليك وفي نفس المستوي وعيلة تشرف

والف مبروك مقدما

المشاركة الأصلية كتبت بواسطة أحمد كمال

انت بتقارن بين ايه و ايه؟

بص


الاولانية دي تنساها اساسا

ما ينفعش


التانية بقى تقيمها بعيدا عن وجود الاولانية من عدمه لانك وافقت عالتانية او ما وافقتش برضه ما انتاش راجع للاولانية



يا جدعان انا مش مصدق تفسي البت تبقى شمال و الواحد بيفاضل بينها و بين واحدة تانية


شمال دي زي الضرب في صفر في الرياضة ..... ما ينفعش اساسا


التانية بقى مقتنع بيها توكل على الله مش مقتنع ما تظلمهاش معاك

المشاركة الأصلية كتبت بواسطة minicooper20

متظلمش واحده ملهاش ذنب معاك هتفضل صورتها قدامك فى مقارنه مع التانيه سيب التنين و خد فتره نقاهه

المشاركة الأصلية كتبت بواسطة m.elgergawy

يعني واحدة سابتك وراحت لواحد والواحد معجبهاش تقوم ترجعلك تاني وانت لسه بتفكر يا راجل عيب الكلام ده انساها خاااااااالص
وشوف البنت التانيه لو مش حاببها متظلمهاش معاك

ربنا يقدم اللى فيه الخير
وخلاص الواحد استقر وخد الرأى والمشوره واقتنع

وبأذن الله تباركولى قريب قوى (:

هقولك حاجة

بما انك بتدور على الجمال اكتر يبقى عمرك ماهترتاح

لانك لو اتجوزت اجمل واحدة هيجي يوم عليك تقفل منها لانك هتلاقي واحدة احسن منها

بالنسبة للتانية انا لو مكانك مش هفكر . . . ده انا هاخد خطوة دلوقتي قبل بكرة

حد يلاقي بنت محترمة وكسوف ووشها يحمر من الخجل والكسوف ويفكر تاني في جمال.،؟

هو ده الجمال الحقيقي في الانثى

السلام عليكم ورحمة الله وبركاته ...
اخى الكريم انا كنت فى الحيرة بتاعتك دى من حوالى ست سنين وتقريبا كنت فى نفس عمرك ...
الحب والجمال ولا الطيبة والمستوى الاجتماعى ...
هقولك حاجة مراية الحب عامية مابتشوفش فيها غير اللى انت عايز تشوفه وعمرك ما تشوف فيها عيوب ...
واخ كريم قاللى كلمه فعلا هى اللى غيرت رأيى ...
(((مش عريس بيتجوز عروسة دى عيلة ببتجوز عيلة)))
بمعنى لازم العريس يبص على جد وجدة وخال وخالة اولاده . والعروسة لازم تبص على جد وجدة وعم وعمة اولادها .
وعاوز اقولك عن تجرية قعدت اول فترة الخطوبة لسه فاكر الحب بس بعد فترة الواحد اتحول تماما بعد ما عرف الفرق وترحيب اهلها وكده كده الحب هييجى هييجى بس اهم حاجة تقطع علاقتك بالاولى تماما علشان ميصحاش القديم وانت فى مرحلة الخطوبة خطر جدا جدا جدا ...
وفى الاخر اعمل الاستخارة وتوكل على الله وربنا شيلك الافضل ان شاء الله ...
واسف على الاطالة ...