الموضوع: انت بتركن ليه تحت البيت بتاعي-مقال لظاهرة صعبة ف الشارع المصري

المشاركة الأصلية كتبت بواسطة msobhy

طبعا انا أول واحد هاعترف ان كل الشتيمه والتريقه اللى فاتت عليا انا طبعا وعلى امثالى
طيب سؤال وحضرتك ترد
انا فعلا املك امام منزلى بالأوراق الرسميه
بمعنى والدى رحمه الله لما اشترى على نظام زمان - نص الشارع اللى هو تقريبا 30 متر احنا دافعين ثمنهم
سيبك من ديه
انا قدام عمارتى ينفع تركن عربيتين بالعافيه - عمارتى 5 أدوار وانا ساكن فيها لواحدى انا ووالدتى
جارى ربنا يبارك له هدم بيته وبنى 17 دور - الدور فيه 3 شقق - أقصى عدد عربيات ممكن تتركن عند عمارته 6 عربيات ----------------- نعم
هل المفروض انى اقولهم اتفضلوا عندى وانا اولع بجاز
ناصية الشارع عندى برجين - وكالمعتاد مفيش ركنه - انا مظبط قدام بيتى - ودايما بنظف الشارع بنفسى - مش بخلى حد ينظفه - بالاضافه انى زارع قدام بيتى وبعتنى جدا بمنظر البيت - تخيل بقى كل ده وواحده ساكنه فى اخر الشارع مصره انها لازم تركن عندى علشان الشكل العام محترم ومنظر الركنه عند بيتى اماااااااااااااان -------------------------------- نعم
يا جدعان انا عارف ان اللى بعمله غلط لكن انا ساكن فى منطقه تقريبا الركنه فيها شبه بيكون عليها حرب - وبجد فى منطقه قريبه جدا منى بدون هزار - الركنه هناك ممكن توصل لحد ضرب النار - على سبيل المثال اقصى عدد عربيات ممكن يستوعبه المكان هناك 20 عربيه وعدد العربيات فوق ال 100 عربيه

بخصوص انى اخد العربيه فى حضنى - والله لو قدرت هاعملها - ان شاء الله ربنا يكرمنى وهاحول الدور الارضى عندى جراج لسببين
السبب الاول انى مش عارف اخد العربيه فى حضنى وده هايكون اقرب حل
السبب التانى اننا هانجيب عربيه تانيه ومش عايزين نخنق الشارع

معاك عربيه - ساكن فى شقه - اشترك فى جراج
معاك عربيه - ساكن فى بيتك - اللى يركن مكانك قطعه (وربنا يقوينا على الشر)
وفى النهايه لو حد يعرف دكتور نفسى ممكن اتعامل معاه علشان ابويا فعلا كان بيعذبنى وانا صغير علشان كده طلعت بحافظ على ركنتى - يبقى كتر خيره

والله العظيم متفق معاك في كل كلمة كتبتها

ودة رد ليا فى موضوع مشابه

http://www.nilemotors.net/Nile/35778...post3874998997
+++++++++++++++++++++++


بالراحة شوية يا زميلي العزيز

بص م الاخر دي وجهات نظر لو أتفقت أو إختلفت معايا

أنا يا جماعة كلامي كله على منطقة زي اللى أنا ساكن فيها تميل أكتر للشعبية

أغلبنا بيكون ساكن فى البيت وهوة فى نفس الوقت صاحب البيت

أديني عقلك بقي تبقي صاحب البيت ومش عارف تركن عربيتك
وتسيب حد تاني يركن قدامه
بالعقل والله متجيش

بالنسبالنا بنعرف نفرق بين الملكية العامة والخاصة
بس فى الحالة اللى انا بتكلم فبها وتكون مالك العقار اللى ساكن فيه
يبقي ركنة عربيتك ومكان عربيتك ملكية خاصة
لان فى المناطق الشعبية دي لما بتاخد أرض وتبنيها لازم تسيب مترين فى الشارع
علشان الشارع يبقي واسع وتعرف تركن عربيتك براحتك

يبقي بعد كلامي دة قدام بيتي ملكية عامة ولا خاصة

طيب بالله عليك لما واحد بارد يركن قدام بيتك ويقفلك مدخل البيت وتروح أنتا تركن قدام بيت حد تاني
وتلاقيه عمل الواجب معاك رمالك عليها زبالة وقشر لب علشان يفهمك بالمحسوس أنك نتركنش عندو تاني
قولي تصرفك يبقي ازاي


بص يا زميلي م الاخر بعد اللى قولتهولك دة يبقي لو حد ركن مكاني رخامة غتاتة إستلواح برود يبقي يستحمل اللى يجراله

ياريت أكون وضحت للجميع الصورة كاملة ومحدش يتفلسف ويقولي ملكيه عامة والكلام اللى لا يودي ولا يجيب

وفي النهاية أحنا مش ملايكة للدرجة دي ولا أحنا مثاليين أوي كدة

اللى مش لاقي راكنة يدور على جراج واللى مش لاقي ميجبش عربية ويقرفنا بيها

هوة اجيب عربية وارميها لجاري مكان عربيته وقدام بيته واقول ملكيه عامة

عمة فى عين اللى مبيفهمش بعيد عنكم