انت بتركن ليه تحت البيت بتاعي-مقال لظاهرة صعبة ف الشارع المصري

**Sharky** · 20-05-2013 03:59 PM

الحق باين بس الناس بتحب تدور حواليه
من الاخرالشارع ملكية عاااااااامة

ليس من حق اى مواطن يمتلك عقار انه لازم يركن امام بيته !

اى مواطن يحجز مكان فى الشارع امام بيته يبقى غلطان

حتقولى الشارع مابيكفيش العربيات حقولك محدش ضربك على ايدك ووداك غصبا عنك و قالك لازم تسكن فى بيتك و انت عارف انه مافيش جراج لعمارتك !

حتقولى جارى سايب الشارع فاضى و غاوى يركن قدام بيتك حقولك اللى يجى الاول من حقه يركن فى اى مكان حتى لو قدام بيتك اللى بعيد عن بيته

ليه
لأن الشارع مرة تانية ملكية عاااااااااااااااااامة

و الغريب ان فيه ناس ممكن تقل ادبك و تنح على اللى يجى يركن مكانها كأنه هو الغلطان !!

كلامى دا ممكن يزعل الطرف الغلطان لكن هى دى الحقيقة انت بتاخد حاجة مش من حقك

**fidobido** · 20-05-2013 04:08 PM

المشاركة الأصلية كتبت بواسطة sharky

الحق باين بس الناس بتحب تدور حواليه
من الاخرالشارع ملكية عاااااااامة

ليس من حق اى مواطن يمتلك عقار انه لازم يركن امام بيته !

اى مواطن يحجز مكان فى الشارع امام بيته يبقى غلطان

حتقولى الشارع مابيكفيش العربيات حقولك محدش ضربك على ايدك ووداك غصبا عنك و قالك لازم تسكن فى بيتك و انت عارف انه مافيش جراج لعمارتك !

حتقولى جارى سايب الشارع فاضى و غاوى يركن قدام بيتك حقولك اللى يجى الاول من حقه يركن فى اى مكان حتى لو قدام بيتك اللى بعيد عن بيته

ليه
لأن الشارع مرة تانية ملكية عاااااااااااااااااامة

و الغريب ان فيه ناس ممكن تقل ادبك و تنح على اللى يجى يركن مكانها كأنه هو الغلطان !!

كلامى دا ممكن يزعل الطرف الغلطان لكن هى دى الحقيقة انت بتاخد حاجة مش من حقك

+ 10000000000000000

**al_qassam2003** · 20-05-2013 04:13 PM

بيتك انت حر تركن جواه
لكن امامه ده شارع ملك الجميع
اللى يلاقى مكان يركن فيه
لكن كل واحد علشان بيركن ساعتين بالليل يحجز المكان اليوم كله

**SaimOnatoR** · 20-05-2013 04:55 PM

في أمريكا بيتصلوا بالشرطة تيجي تشيل العربيات الغربية اللي راكنة قدام بيوتهم و دة مش فتي، حضرتك ممكن تعمل بحث على مشكلة الباركينج في ضواحي أمريكا مش في المدن و هتلاقي خناقات من دي للصبح.

**sas5** · 20-05-2013 05:13 PM

السلام عليكم ورحمه الله
ده انتا شايل اوى فى نفسك قول لنا مين اللى ركن مكانك وعمل فيك كده
مين زعلك بس
يعنى لما تروح تسكن فى عماره 12 دور واسفلها محلات ولايوجد بها جراج وتروح تتسلبط امام بيوت الجيران
من حقهم يقولوا لك يلا امشى من امام بيتى.
لماذا لم تفكر قبل ان تشترى شقه لايوجد بها جراج او مكان ركنه .
هل المفروض ان الجيران يستحملوا قصر النظر فى موضوع ركنه السياره

**miro77** · 20-05-2013 05:29 PM

الحقيقة الموضوع ده منتشر كتير فعلا بس اعتقد انه كتر الفترة دى بسبب السرقات اللى بتحصل الواحد يصحى يلاقى عربيته اتسرقت من تحت البيت... المهم هو حصل موقف ان جبنا المحكمة والنيابات المهم وكلاء النيابة يجوا يركنوا تحت البيت قال عشان محدش من الناس يقعودوا عليها او الشمس خصوصا انه بيبقى ضله عندنا ومنظر الصبيان شايلين الشنطة لهم هههه المهم جارنا طبعا اتغاظ راح كاحت لوكيل النيابة ده عربيته طبعا رجع بليل بعد ما خلص شغل لاقي المنظر فضل يطقس للحد ما عرف اللى عمل فى عربيته كده راح حاب ينتقم منه فى عربيته عرف انهى واحدة راكنة بعت الصبيان اللى بيشيلوا له الشنطة والبدلة وبتاع وراح عملوا ايه..تخيلوووووا دلقوا عليها مايه نااااااااااااار .....تخيلووووووا وصل الانتقام لايه...طبعا العربية باظت خااالص وادى نموذج للى بشوووفه بسبب الركن :(( ....

**houras1010** · 20-05-2013 06:36 PM

احنا نعمل زى امريكا فى بدايتها العربيات تقف صف واحد ونعمل سبق واللى يلحق مكان يبقى بتاعه وياخد سك ملكيه زى فيلم far and away

**ashouhdy** · 20-05-2013 06:44 PM

برضة مع اختلاف الاسباب الشارع ملكية عامة شئنا ام ابينا

**M I D O** · 20-05-2013 07:47 PM

ههههههههههههه انت شكلك مفروس منهم جداااااا بس بصراحة عندك حق الناس دي عندها كمية تناحة وبجاحة مش عند حد

**msobhy** · 20-05-2013 08:19 PM

طيب يا رجاله انا فيه توضيح بسيط جدا أحب أقوله
طبعا بما انى من ممثلى الناس الانانيه اللى بتركن قدام بيتها
أولا انا عمرى ما حطيت حجر أو اى حاجه احجز بيها مكانى
ثانيا انا عمرى ما اعترضت ان حد يركن مكانى وانا مش موجود
ثالثا انا عمرى ما سيبت عربيتى بايته فى مكان وانا عارف انه بتاع ناس
رابعا اذا كان الشارع ملكيه عامه والكل بينتهكها - جت عليه انا وانا باخد حقى اللى الكل بياخده

بمعنى
انا ساكن فى شارع عرضه 12 متر - اقصى ارتفاع تقريبا 5 أدوار - ممكن حضرتك تفهمنى انا اتحمل ان واحد طالع 17 دور - يعنى 12 دور مخالف - وعلى فكره من وجهة نظرى هو مش غلطان - الغلطان اللى بجد هو اللى راح سكن عنده وهو عارف ان كل حاجه غلط

يا اساتذه فى زمن العشوئيات وقلة الادب وعدم احترام الغير ملكش غير حل واحد - تاخد حقك بالقوه وتمثل انك محترم - والله العظيم انا مسالم جدا وفعلا بتقى ربنا فى الناس - لكن اجبارى كل فتره (تقريبا كل 6 شهور) لازم تثبت للناس انت ايه لمجرد انك تحافظ على حقوقك - ليس اكتر ولا أقل

الموضوع: انت بتركن ليه تحت البيت بتاعي-مقال لظاهرة صعبة ف الشارع المصري

LinkBack

أدوات الموضوع

عرض

-

-

-

-

-

المواضيع المتشابهه

استفتاء بتركن في الشارع ولا في جراج و بكام؟؟

استفتاء بتركن فى أى مكان فاضى تلاقيه فى الشارع ؟؟

هيونداي النترا غريبة مركونة من اكتر من اسبوعين في الشارع بتاعي

مقال أعجبنى(رجل الشارع)

بتركن عربيتك فى جراج ولا بتسيبها مرمية فى الشارع؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة