رقم العضوية : 109288
تاريخ التسجيل : 03Aug2011
المشاركات : 1,612
النوع : ذكر
الاقامة : any country
السيارة: بيجو 508
السيارة[2]: بيجو 505
دراجة بخارية: no
الحالة :
هى المشكله بقيت فى الناس مش فى الشارع ولا انه ملكيه عامه او خاصه
يعنى لما واحد يركن مكانك وانت تقوله ان ده مكانك ممكن يقولك اسف او كنت مستعجل ويرد بزوق
لكن المشكله تلقيه بيرد يقولك اعملك ايه يعنى مكان وفاضى ولو مش عاجبك انا معايا عربيه تانى ومش عايز دى وخليها بقى هنا وورينى هاتعمل ايه
احنا شعب محتاج وعى وادراك للمواقف واحسان التصرف فيها مش اكتر
eleanor
رقم العضوية : 109288
تاريخ التسجيل : 03Aug2011
المشاركات : 1,612
النوع : ذكر
الاقامة : any country
السيارة: بيجو 508
السيارة[2]: بيجو 505
دراجة بخارية: no
الحالة :
رقم العضوية : 47775
تاريخ التسجيل : 26Sep2009
المشاركات : 67
النوع : ذكر
الاقامة : zagazig
السيارة: Boeing 737
السيارة[2]: felicia combi 98
دراجة بخارية: BMX
الحالة :
الحل الوحيد هو التقنين للقضاء على العشوائية
وعلشان القانون ده يعيش لازم يبقى فيه مقابل مادى لإيجار أماكن الإنتظار يدفع لهيثة متخصصة تابعة للحى وكمان يكون فيه عقوبه للمخالف او اللى بيستعبط.
وأهم حاجه إن أولوية الإيجار تتحط ليها قواعد محترمة يرضى عنها الجميع ويتم مناقشتها كويس فى مجلس الشعب.
وعلى فكرة عائد الإيجارات دى لازم يتوجه لخدمة شوارع الحى وبكده حيبقى الكل مستفيد.
يعنى مثلا أنا حقول شوية أمثلة (والموضوع إجتهادى قابل للصواب أو الخطأ )
#واحد بانى بيت وعمل تحتيه 6 محلات وعنده فى البيت عربيتين وخدلهم محلين من الست محلات يعملهم جراج,
أنا شايف إن مش من العدل مثلا يحط طوب فى الشارع قصاد ال6 محلات ويكتب عليهم جراجات وممنوع الإنتظار والحركات دى,
أظن إن العدل إنه يدفع مثلا ايجار شهرى لجزء الشارع المقابل للجراجين وبكده يبقى من حقه يدخل ويخرج فى أى وقت ,وأى حد تسول له نفسه الوقوف أمام الجراج يعاقب معاقبة المنتظر فى الممنوع,
وفى نفس الوقت الأربع أماكن الفاضين يمكن للآخرين الإستفاده منهم.
#واحد بانى بيت ومش عامل جراجات تحت, بس حوالين البيت فى 10 أماكن إنتظار فى الشارع الملاصق للعمارة, وفى البيت ده ست عربيات موجودين دايما وتلات عربيات بيجوا كل فين وفين,
أنا شايف إن مش من العدل إنه يعمل حديد وجنازير وطوب وبواب ..إلخ لمنع الناس من الركنه حوالين البيت فى العشر أماكن,
أظن إن العدل يكون إنه يكون ليه الأولوية المطلقة فى إيجار أماكن الإنتظار الملاصقة لبيته, يعنى مثلا يأجر سبع أماكن سته للسيارات الدائمة ومكان للزوار, عايز يأجر العشر أماكن براحته بس بعد مراجعة باقى الجيران ومرجعة الضوابط علشان الموضوع ميتقلبش لماديه بحته
#معرض تجارى كبير وقدامه فى الشارع خمس أماكن إنتظار مكان منهم قصاد مدخل الزبائن ومكان آخر قصاد مدخل البضاعة,
أنا شايف إنه مش من العدل إنه يمنع الإنتظار فى الخمس أماكن ,
أظن أن العدل يكون إنه يأجر مكان قصاد مدخل الزبائن (يسيبه فاضى أو للزباثن براحته) وممكن برده يأجر مكان قصاد مدخل البضاعة وتكون القيمة بالأسعار التجارية, والناس تستفيد بالتلات أماكن البقية , وكل ده بعد مراجعة الألولويات لساكنى العقار
دى أمثله قد يكون الموضوع غير عملى فى ظل الوضع الحالى حيث البلطجة هى القانون وقد أكون مخصأ فى وجهة نظرى
د/ أحمد عواد
رقم العضوية : 70100
تاريخ التسجيل : 09May2010
المشاركات : 4,215
النوع : ذكر
الاقامة : المحله الكبرى
السيارة: kia.carens
السيارة[2]: octavia fantazia
دراجة بخارية: ......................
الحالة :
يعنى هبقى سايب فى الشارع وادفع ايجار كمان
انا مش عارف الموضوع ده عندنا بس ولا النظام ماشى فى مصر كلها كده
من ناحيه الكلام فى موضوع الملكيه العامه للشارع احنا مااختلفناش ماشى هنقول ملكيه عامه
بس انا اللى شارى قدام بيتى وانا رديت فى الموضوع ده قبل كده
يعنى انا بانى فى شارع عرضه 8 متر وانا بشترى الارض بشتريها كلها على بعضها (بالشوارع)
وبسيب 4 متر (نصف عرض الشارع) والبيت اللى قدامى بيسيب 4 متر زيى بالظبط
يعنى 4 متر فى عرض البيت 12 متر سعر المتر 5الاف جنيه
يعنى دافع مايقارب ربع مليون جنيه فى الشارع قدام بيتى ويجيى واحد يركن مكانى ويقولى ملكيه عامه ومش عايزنى احط عربيتى قدام بيتى فى مكان انا دافع ثمنه طيب ازااااااااااااااى ياجماعه اعقلوها بالله عليكم
رقم العضوية : 95704
تاريخ التسجيل : 21Apr2011
المشاركات : 2,310
النوع : ذكر
الاقامة : cairo حلوان
السيارة: BMW إنشاء الله
السيارة[2]: سكودا فليشيا 96
الحالة :
والله ياعم طارق قولت الكلام دة كتير أوي ومش عارف الناس مبتحكمش العقل والمنطق فى ردودها ويقولك الشارع ملكية عامة
فعلا ملكية عاملة ومقدرش أقولك متعديش من الشارع علشان انا دافع تمنة
بس مينفعش تركن قدام بيتي فى مللكي وتقولي ملكية عامة
ربنا يهدي الكائنات البيضوحباطية اللى زهقتنا في عيشتنا وخلت ملكي الخاص ملكية عامة لكل من هب ودب
مع تحياتي / أحمد أبو ميزو
[img2]http://www5.0zz0.com/2014/05/05/06/544429690.jpg[/img2]
رقم العضوية : 58964
تاريخ التسجيل : 15Jan2010
المشاركات : 3,927
النوع : ذكر
الاقامة : سـكـــــودا فورمان 1994
السيارة: سكـودافليشيا 1996
السيارة[2]: سـكــــودا كومبى 1996
دراجة بخارية: سكـــودا فابيا 2002
الحالة :
الموضوع ده رخم رخامة يا بايييييييييييي
بص انا هقولك على الحاجة الناس بقى معندهاش دم خلى بالك منن الموضوع و الدى معاه عربية سكودا كومبى اللى هى وش فليشيا تمام اللى هى الطويلة ياعم فا حاجة خنقة كدة فى الركنة احنا البيت واخد نصيتين و النصيتين ياخدو عربيتين مرتحين و قدامنا و الجنب التانى ياخد عربية تالته معاه
ربنا رزقنى بجار رخم لالالالالا دة غلسسسسس مش عارف اقول عليه اية الراجل بيجى يركن عندنا فى تحت البيت مفيش مشكلة فى مكان تانى هركن فيه المهم بقى بيجى يركن حتى لو لاقى عربية ركنة فى المكان التانى كل ده علشان يحجز مكان لابنه يجى يركن تحت بيتهم هوووووووو
و انا اولع اخبط دماغى فى الحيط
دى حاجة
واحد ركن عندى تحت البيت المهم قولت خليه روحت ركنت تحت البيت قريبه عادى بقى انتا عندى انا عندك اتارى الناس بتصتنع الرخامة و الغلاسة اه و الله لقيت ابن اخوه جى بيقولى تعالى شيل عربيتك نعم يبنى ماهو خالك راكن عندنا عادى مليش دعوه
حاضر
حاجة تالتة
واحد ركن عربيته و قفل على مكان العربيتين هيونداى متاركس المهم ناديت عليه رديت عليا مراتو نعم قولتاله استئذنك قولى للا ستاذ يطلع عربيته لقدام لانى المكان عربيتين مش عربية واحده بعلو صوتو قولولى نايم و لسة راجع من السفر
و انا سمعه و جارتى بتقولى دة قاعد بيتفرج على الماتش شايفه
قولت عافية بعافية و رخامة برخامة و غلاسة بغلاسة
روحت مش جايب ماسورة جيبت مواسير بتاع 5 مواسير
دقيت اتنين على وجهة العمارة
و دقيت النحاية التانية 3 علشان جارى الرخم
و صيبتهم خراسانة مسلحة و الدكر يقرب اخرج ارجع افك و اركن براحتى
انا عاوز اوصلك اية اللى و صلنى لكدة
الناس بتصتنع الرخامة و الغلاسة
و بسافر بعربية الحج اسبوع اسبوعين و المكان مقفول فاضى
دة انا كان هيجلى الضغط
ياراجل دة انا كنت مبرداش اخرج بيها علشان لما اجى ارجع
ربنا يهدى
جارى الرخم ده بيقولى تيبقى تسيب المفتاح لو انتا مش موجود
قالتالو
لالالالالالالالالالالالال الالالالالالالالالالالالا لالالا
دة كان بيطلع عينى دة مرة كنت مراوح وشافنى ودخل من شارع تانى و جرى علشان يروح يوقف الاول و يقفل و يطلع يجرى طيب ماهو تحت بيتك فاضى و عربيتى متجيش عربيتك انتا او ابنك هى اللى تيجى علشان صغيرة
ربنا يهدى
رقم العضوية : 144454
تاريخ التسجيل : 26May2013
المشاركات : 627
النوع : ذكر
الاقامة : السعودية
السيارة: لسه بدري
السيارة[2]: ACCENT 2014
الحالة :
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
كلام جميل بس فيه حالات مش هينفع فيها الكلام ده
ع سبيل المثال عندنا كلنا متفقين مع بعض كل واحد ليه مكانه يركن فيه بالترتيب و لو جيه ضيف لأي حد و ركن محدش بيكلمه حتي لو بات لحد ما يخرج او حتي اي عربية غريبة و لو المكان متاخد من ضيف محدش يركن مكان التاني يعني كله بيحترم بعضه
لكن لما تلاقي واحد ساكن في عمارة خارج الباركينج و العمارة ليها جراج تحت و قدامها مكان لـ3 عربيات مرتاح و يسيب كل ده و يسيب كل الباركينج اللي فاضي و يروح يركن مكانك و يكررها كذا مرة و هو عارف النظام بين الناس و عارف انه مكانك و يركن العربية معووجة تاخد مكانيين ديه اسمها قلة ذوق و وقاحة و تروح تكلمه بذوق و تقوله بعد اذنك عايز اركن مكاني مش عاجبه و يقولك مفيش حاجة اسمها مكان و فارد نفسه و هو اساسا مفيهوش نفخة من نملة كحيانة
تخيل اقل حاجة عايز تعملها فيه ايه ؟؟
و لا التاني المعفن اللي بيزعق لمراته و عياله في الشارع عشان سايبين تابلوه العربية مفتوح و هو راكن بعدنا بـ8 عمارات و يجي يركن مكاني برده اللي قدامي
او الناس اللي مش بيطلوا ع الباركينج اساسا و في عماير بتطل ع الباركينج التاني و برده يجوا يركنوها عندنا بالرغم ان الباركينج عندهم فاضي
و غيرها من الحالات اللي تخليك تشد في شعرك ده ميجيش حاجة في اللي بواجهه عندنا لدرجة اني خلاص عايز اعزل من المنطقة و قرفها بعد حوالي 8 سنين ناس كتيير بقت قليلي الذوق و في قمة الوقاحة و قلة الادب
رقم العضوية : 123571
تاريخ التسجيل : 23Apr2012
المشاركات : 1,618
النوع : ذكر
الاقامة : مصر
السيارة: لانسر بومة-ميجانII
السيارة[2]: اوبل فيكترا-فيات سيينا-لانسر بومة
دراجة بخارية: sizuki
الحالة :
طب سبكوا بقي من كل دة انا عندي لجديد
تعمل ايه في واحد حاطط حديد تحت البلكونة بتعته في عمارة مش ملكه يعني هو مجرد ساكن فقط وهو اصلا معندوووش عربية الاول قبل ما يحط حديد كنت بركن عادي وساعات ممكن اسبها يومين من غير ما اتحرك بس عشان انا عارف ان هو معندوش عربية فبيقولي لو شوفت عربيتك هنا تاني هبهدلهالك المهم عملت معاه خناقة واتعمل معاه الصح ومبقاش يفتح بقوا بعد كدة مرة بركن راح قال متركنش هنا تاني فبقولوا ليه ان شاء الله يقولي اصل انت بطول والناس بترمي زبالة تحت العربية وبتعمل ريحة
طب انا مشكلتي ان الناس معفنة وبترمي زبالة فمركنش عشان كدة طب متروح تكلم الناس الزبالة الي بترمي زبالة والا هو غباء وخلاص وبعد كدة انا بقيت اركن في جراج
والبيه حط عامود تحت بلكونته عشن محش يرك وهو يااااانااااااااااااس معندوش عربية اصلا واصبح المكان مشغول عشان مزاج الباشا ومفيش عربيات بتركن ولا هو بيركن وقفل المكان وخلاص
قولولي انتوا شخصية زي دي نعمل فيها ايه اروح ارميلوا زبالة مخصوص تحت البلكونة رخامة بخامة بقي يعني ولا ايه
رقم العضوية : 9743
تاريخ التسجيل : 28Apr2008
المشاركات : 460
النوع : ذكر
الاقامة : Cairo
السيارة: Citroen Ax
السيارة[2]: Fiat Siena Fire 2007
دراجة بخارية: no
الحالة :
طب انا جارى اللذيذ عمل مصطبة كبيره قدام بيته "عشان يبقى يقعد بالليل يتسامر عليها هو واصحابه " عرضها حوالى مترين وطبعا قفلت نص الشارع والباقى منه يادوب يعدى عربيه واحده
وطبعا انتو متوقعين هو بيركن عربيته فين !!!!
ايوه صح بيركن قدام بيتى اللى مفيهوش غير مكان واحد للركنه ومفيهوش عربيات اصلا غير عربيتى !!!!
وبيتعمد انه يجى قبلى عشان يركن مكانى
والله اخر ما زهقت بقيت اركن قدام جارى اللى عنده مساحة كبيره قدام بيته وماعندوش عربيه والراجل بصراحه ما بيتكلمش معايا خالص فى الموضوع ده لانه شايف وعارف انا بركن عنده ليه من غير ما يسأل
ربنا يهدى
على عبد الفتاح
أبو أحمد
المفضلات