العفوا يافندم
وفعلا عندك حق التجربه مش هاتضر
عرض للطباعة
العفوا يافندم
وفعلا عندك حق التجربه مش هاتضر
كنت عاوز اعرف العربية اللي انت طبقت فيها الحوار ده عربية ايه اصل الوصلة اللي جاية من التلاجة للكباس عندي في الفيكترا a تحت مجموعة السير و من تحت الكباس ماشية جنب نار الفرن بتاع العربية و فعلاأ بتأثر ولا لأ في البرودة ؟ و أعزل الماسورة السخنة برضو ولا الساقعة بس علما بان السخنة هي اللي راحة للسربنتينة .
متابع
العزل ببساطه يا جماعه وبدون تفاصيل انت عندك جوه الحوض ماسوره بتسخن اوي وماسوره بتسقع اوي حضرتك اعزل اللي بتسقع بس كده
فعلا ياجماعه بتفرق جامد بعد العزل انا كانت معزوله بقالها سنتين والتكيف كان تمام وغريت المكنه في الشتا اللي فات وروحت عملت التكيف وعزلت الماسوره تاني فرقت بجد والله التسقيع مش بياخد وقت طويل
العربية اللي طبقت عليها موضوع العزل فورد اسكورت 1300 ، انا عندي خراطيم مش مواسير لأن العربية كانت بتنزل مش مكيفة والوكيل كان بيركب التكييفات عنده ، العزل بيتم للماسورة او الخرطوم الباردين ، عندي خرطوم البارد كان جنب الفرن وفي مواجهة مروحة الردياتير اللي كانت بتخرج صهد في مواجهة الخرطوم ، وفعلا العزل فرق معايا جدا والحمد لله.
مممم انا نزلت ش كلود بيك و جبت متر صوف زجاجي عليه طبقة زي الفويل كدة و جبت كمان مترين خرطوم اسمه حاجة فلكس اللي هو بتاع مواسير تكييف البيت ده فارمافلكس باين . اعمل ايه بقي اشق الفارما فلكس و الفه على ماسورة البارد و بعد كده الف عليه الصوف الزجاجي و اقفل ب قفزان بلاستك الشريط دي البيضاء دي ولا ايه ؟ , عندي استفسارين ؟؟ القفزان دي تتحمل هبو الموتور ولا هتسيح هي و الخراطيم دي لان الراجل قالي الخراطيم ممكن تسيح لفها بالصوف الزجاجي عشان متسيحش انما قالي الافزان هتسيح هات لفه سلك نحاس افضل ؟؟ الكلام ده نظامه ايه ؟ و بعدين الصوف الزجاجي قالي يتحمل اقصي حرارة ممكنة هل ينفع الفه على مانيفولد العربيه علما بانه بيطلع صهد جامد جدا فا بيبقى صعب على المروحة اللي قدامه تبريد الردياتير جيدا. مشكور للمتابعة