حادثة فيرنا علي الدائري-تغطية كريم منير

**Karim_Monir** · 02-07-2007 01:16 AM

السلام عليكم ورحمه الله
بنقل ليكم بكاميرا الموبايل احداث حادثة علي وصلة الدائري بين الكلية الحربية ومدينة نصر
في اتجاه مدينة نصر
حيث اصطدمت سيارة هيونداي فيرنا تقودها بنت وتصحبها بنتين بسيارة نص نقل متوقفة علي جانب الطريق لاصلاح عامود نور مطفي
كلام عمال اصلاح الكهرباء بيقولوا انهم وهما بيصلحوا العامود فوجئوا بالسيارة الفيرنا تتطوح لاقصي اليمن واليسار واليمين تاني
كانت هاتقلب عربية 128 بس فلت منها وبعدين دخلت علي النص نقل (شيفرولية دباابة تقريبا)
الفيرنا اتبهدلت والبنات كمان وواضح انهم كانوا بيهزروا
ومش رابطين الحزام-بس التلاتة سلام بس زجاج السيارة الامامي بهدلهم وخاصة الاتنين اللي قدام وواضح انهم ماكنوش رابطين الحزام-فجبت برافان ومناديل مطهرة بتاعت عبد الرحمن ابني وحاولت اطلع الزجاج من ايديهم علي ما تيجي الاسعاف وبسال البنت ايه اللي حصل ؟؟؟
قالتلي بعد الملف بشوية حسيت العربية بتطوح مني جيت اعدلها لفيتها مالت علي ال 128
عدلتها يمين لبست في العربية النقل والراجل اللي كان جنبها نط بسرعة وكان هايموت
ولو كنت لبست في عامود النور كنا موتنا فورا لكن العربية النقل خدت الدمة وطلعت فوق الرصيف من عنف الصدمة
الحمد لله بس الواضح انها تهور في القيادة الي جانب عدم اتزان الفيرنا-ربنا يستر علي الناس كلها

ده لينك الفيديو
www.youtube.com/v/7vnTY46I-sA

**sokasoon** · 02-07-2007 01:31 AM

كويس انهم طلعو من العربية سلام

لان العربية مدغدغة من قدام خالص

وربنا يسترها معانا

وشكراا يا كريم على التغطية الهايلة ديه

**eng_elnaggar** · 02-07-2007 01:32 AM

الحمد لله انها جت على قد كده وربنا يسترها على الجميع

**Karim_Monir** · 02-07-2007 01:34 AM

المشاركة الأصلية كتبت بواسطة Abdallah

الحمدلله ان محصلهمش حاجة , بس اعتقد ان كان فى تهور واستهتار او عدم تحكم من قائدة الفيرنا .
الفيديو مش شغال يا كريم.

لاء شغال راجع كويس بس
لكن جربتة مرتين شغال كويس

**fahd_628** · 02-07-2007 03:43 AM

شكرا على التغطية يا استاذ منير

و الحمد لله انها جت سليمة

**hazem_khidr** · 02-07-2007 04:15 AM

مش لازم يكون تهور.
علي ما اعتقد ان الوصله دي طريق سريع و الطبيعي ان الواحد يكون ماشي بسرعه مناسبه و ممكن يكون اي خلل حصل في عجله القياده هو اللي خلي العربيه تحدف بالمنظر دا..
ربنا يسترها معانا جميعا و يكفينا شر الحوادث

**AlmAhAtmA** · 02-07-2007 08:22 AM

امشي براحه يحتار طريقك فيك
احسن حاجه ان الانسان يمشي بسرعه يكون هوه اللي مسيطر علي العربيه و الطريق مش العكس

شكرا كريم علي التغطيه الجميله دي

بس سيبك اهم حاجه الاشاره الشمال شغاله :lol:

**memo_hefnawy** · 02-07-2007 08:32 AM

يا جماعه أى حبة زييت أو جاز على الأسفلت ترقص أجدع عربية مفيش فيها أنظمة ثبات و Abs
الحمد لله إن جت على أد كده

-

-

الموضوع: حادثة فيرنا علي الدائري-تغطية كريم منير

LinkBack

أدوات الموضوع

عرض

حادثة فيرنا علي الدائري-تغطية كريم منير - انشر الموضوع فى :

-

-

-

-

-

-

المواضيع المتشابهه

استاذ كريم منير عمل حادثة امبارح

تغطية إفطار رمضان الرابع للمنتدى - كريم منير

اول تغطية لاوتوماك 2009(مدينة السيارت)-كريم منير

تغطية معرض اتوماك اخبار اليوم 2008-عدسة كريم منير

تغطية احتفالات الكاس حصريا-كريم منير

الكلمات الدلالية لهذا الموضوع

المفضلات

المفضلات

ضوابط المشاركة