موبينة أمبير الحرارة

**mohsobhy30** · 23-05-2013 02:45 AM

السلام عليكم ... السادة الافاضل أنا عندي سوزوكي ماروتي موديل 2007 يوم الاحد الماضي 12\5 وعندي عودتي من عملي وبعد ركوب العربية ومشيت ما يقرب من 1كم وجدت العربية سخنت جدآ جدآ وأقترب المؤشر من العلامة الموجودة في النهاية فكنت مضطر إلي الوقوف ولاحظت أن المروحة لا تعمل فقمت بعمل كوبري لتشغيل المروحة وعدم فصلها ولم أجد فرق نهائي والحرارة ترتفع جدآ وأثناء أرتفاع الحرارة هذه وجدت المؤشر ينخفض ويقترب من حرف c أي وكأن السيارة واقفة وبعد الكشف وجد كسر كوع الترموستات فتم أصلاحة وبعد ثلاثة أو أربعة أيام مؤشر الحرارة يرتفع ثانيا.روحت لصنايعي ريداتير لتنظيف دورة المياة وأثناء التنظيف قال أنه يوجد ترموستات نحاس يتم فكه وأزالته نهائي لتريح الماتور في الصيف فقلت له لا أريد أزالته.وبعد أن تركتة وجدت أيضا الحرارة ترتفع قمت بشراء ترموستات وذهبت لكهربائي لتركيبة أفاد بأنه طالما المروحة تعمل أذا الترموستات سليم ولا يحتاج إلي تغير وقال أيضا أن سبب أرتفاع الحرارة في وجود الترموستات النحاس ولا بد من أزاله هذا الجزء لكي يرتاح الماتور وفعلا تم رفعوه ووجد أنه به صداء وأفاد بأنه تالف.ومع ذلك عند درجة الحرارة ترتفع أيضا بعد رفعة فأفاد بأن قراءة العداد غير صحيحة والدليل علي ذلك بأن عندما يكون المؤشر مرتفع جدآ عند درجة الغليان نجد الرداتير ليس ساخن لدرجة الغليان.فطلب شراء موبينة أمبير حرارة لأنها هي المسؤله عن حركة هذا المؤشر.فهل كما أفاد بأنها موبينة.أرجو من الاخوة النصيحة قبل الشراء وأنا أسف علي الاطالة وذلك لكي تعلموا الاحداث جميعها لكي يتم الحكم علي بينه.وشكرآ

**mesaharaty** · 23-05-2013 10:34 AM

متابع

**mohamed_selim** · 23-05-2013 02:47 PM

اتاكد ان زيت الموتور مش ناقص

**mohsobhy30** · 24-05-2013 08:45 AM

ألف ألف شكر لكم علي المعلومات وأن شاء الله سوف أقوم بعمل تلك الخطوات.

**dr.hazem** · 24-05-2013 12:55 PM

المشاركة الأصلية كتبت بواسطة alking_2006

بص اولا علشان نفرق الكلام كويس هو مش اسمع موبينه امبير حرارة و لكن هيا امبير حرارة و بس و دا بيبقى ب 15 جنيه

و لكن اشك انه بايظ لأن درجة الحرارة كانت مولعه و بعد كدا المؤشر جه لحد الاخر و لما انتا نزلت و الكوعه اتكسرت طبعا ميه العربية فضيت و ساعتها مؤشر الحرارة ملوش لزمة لأن مفيش ميه و بالتالى رجع تانى لحرف السى

مشكلتك حاجتين بالترتيب
1- دورة مياة الموتور محتاجة تنظيف و الرادياتير محتاج يتنظف و يتسلك و تحط ميه موبيل زرقا و تكشف و تتأكد ان الترموستات شغاله كويس (ترموستات الرادياتير و ليس ترموستات الكوعه) طالما انك شلت ترموستات الكوعه و الافضل انك تعمل زى ناس كتير هنا معاهم ماروتى و تستغنى عن ترموستات الماروتى و تجيب ترموستات 128 واطى و تروح لخراط يعملك جلبه نحاس علشان تركب على الرادياتير عندك و تتأكد ان مفيش اى تسريب عندك فى دورة المياه و الخراطيم تمام و دا الاحتمال اللى هتبدأ بيه لأنه كدا كدا هيتعمل فى كل الحالات

2- الاحتمال التانى و اللى ممكن يكون حصل مع ارتفاع الحرارة هيا تلف جوان وش السلندر و دا ليه كذا عرض

اولا: تلاقى طحينة (زيت و مياه) فى الرادياتير او على الغطا بتاعه من جوا
ثانيا: ارتفاع الحرارة بشكل مبالغ فيه فى فترة زمنية قليلة
ثالثا: و دا اختبار انك قبل ما تشغل العربية و طبعا لازم لازم لااااااااااازم تكون باردة علشان الميه متضربش فى وشك و تفتح غطا الرادياتير و تدور العربية و تبص و لو لقيت فقاقيع صغيرة اوى و موجودة بشكل مستمر يبقى كدا وش السلندر قفع و محتاج اصلاح و دى بردو بتظهر انك تكون مزود مياة القربة لحد الماكس و تعمل مشوار 60 كيلو فيما فوق تلاقى العربية سخنت و المروحة شغاله و مش عاملة حاجة و تفتح الكبوت تلاقى الرادياتير فضى ميته فى القربة و القربة بتدلق فى الشارع

كل الكلام دا حصل معايا شخصيا و بالتجربة يعنى دى الخلاصة :)

بالتوفيق

+1
بالإضافة لتغيير غطا الراديتير....
تحياتي

Sent from my LT18i using Forum Runner