الموضوع: عايز أشترى الداستر و محتاج مساعدتكم

المشاركة الأصلية كتبت بواسطة stonecoldmido5

- ناقصها مثلا وحدة التحكم في الزجاج جنب السواق,
- بالاضافة الي ان مكان زرارير الزجاج الخلفي في النص تحت رجل الركاب ورا يعني لازم الركاب اللي ورا يوطوا علشان يفتحوا او يقفلوا الازاز يعني مفيش زراير للازاز في الابواب,
- ناقصها وحدة رفع,
- و شكل التابلوه مش قيم اوي او مبهر ,
- و الكاسيت شكله تعبان شوية (حتي الجديد)
- ناقصها اماكن زيادة للتخزين - ناقصها طبعا المخدع اللي في النص ,
دي كل عيوبها من وجهة نظري في الكماليات , و لعلم حضرتك انا شاريها و عارف ان الحاجات دي مش مؤثرة اوي بالنسبة لي لان كان يهمني العفشة لاني بسافر كتير و باخد نقر و مطبات اكتر .
الثبات ما شاء اللة تحفة لغاية 160 بالنسبة للفئة , بس للامانة اي عربية في فئة suv او كروس اوفر مهما كان سعرها بيبقي ثباتها اقل شوية من العربيات السيدان .
بالنسبة لقطع الغيار منتشرتش بصورة كبيرة في السوق و مش حامل هم الحكاية دي اوي لان قطع الغيار موجودة في التوكيل و اسعارها مناسبة جدا لان العربية روماني مش فرنساوي .

طيب حضرتك الكماليات دى مش موجودة حتى فى الموديل الجديد 2013 ??

المشاركة الأصلية كتبت بواسطة محمد مطاوع

طيب حضرتك الكماليات دى مش موجودة حتى فى الموديل الجديد 2013 ??

للاسف مفيش اي تعديل في 2013 الا في شكل الكاسيت

طيب أنا عندى سؤال لحضرتك، هى مقارنة غريبة شوية بس يمكن حضرتك اللى تقدر تفيدنى فيها ..
انهى عربية تبقى أفضل بالنسبالى، الداستر ولا البيجو 301 الجديدة مثلا ?!
طبعا دى فئة و دى فئة تانية خالص، بس حضرتك شايف السيدان عموما أفضل ولا الدفع الرباعى ?! لأن الحقيقة أنا محتار جدا بينهم و مش عارف أشترى الداستر المتجربة و اللى الناس بتشكر فيها بس اللى ناقصها كماليات كتير و هتبقى ضخمة قوى عليا، ولا السيدان الجديدة اللى مش متجربة بس فيها كماليات و ليها اسم البيجو و على قدى ?!

بالنسبة لي انا بعشق حاجة اسمها دفع رباعي, فانا طبيعي هختار الداستر حتي لو مفيهاش كماليات خالص و حتي لو حضرتك قارنتها بالاسبورتاج الهاي لاين او القاشقاي لان احساس الدفع الرباعي بالنسبة لي احسن كتيرو خصوصا في الايام اللي احنا فيها دي العربيات العالية احسن كتير من السيدان لان الداستر و الله انقذتني من كذا موقف قطع طريق و كنت هتثبت بيها لولا ان العربية عالية مكنتش عديت لاني خرجت بيها برة الطريق , و لو العائلة عند حضرتك كبيرة يبقي لازم عربية عالية علشان حضرتك عارف المطبات عندنا شكلها ايه , و بصراحة احساس العربية العالية نسبيا احسن كتير من السيدان , و غير كده حتي لو حضرتك اخدت مطب او نقرة لا قدر الله يبقي مع حضرتك عربية محترمة تقدر تستحمل , اما بالنسبة للبيجو فهي طبعا محترمة و جميلة بس انا في مصر بفضل فئة الكروس اوفر او suv حتي لوقلت الكماليات فيها شوية.
وطبعا الموضوع متوقف علي طبيعة شغل حضرتك يعني لو جوه البلد يبقي البيجو احسن كتير خصوصا لو فئة الاوتوماتيك اما لو حضرتك بتحب تسافر كتير و العائلة ماشاء الله كبيرة يبقي حضرتك تضحي بالكمالية و الاوتوماتيك في مقابل العفشة القوية و علي فكرة الداستر مش كبيرة اوي من جوة يعني عندي الاسبيرانزا 516 اكبر منها , و اسف لحضرتك علي الاطالة

معلهش حضرتك كنت عايز اضيف ان ممكن حضرتك تتأكد من قوة و متانة الداستر عن طريق الفيديوهات المنتشرة علي اليوتيوب و بتوضح اد ايه ان نظام التعليق بتاعها تحفة في الاوف رود , حتي لو اختلفت في الشكل الداخلي للعربية وقوة الماتور, بس نظام التعليق واحد للداستر في كل دول العالم

عربيه ممتازه كموتور و عفشه و سحب و تجميع و يمكن اللي مساعد في موضوع التجميع و السحب ده انها مانيوال و النقلات بتنطط العربيه من مكانها و الدفع الرباعي فيها شغال بجد مش شغل دعايه و تكييفها ممتاز. استهلاكها للبنزين معقول و عاليه عن الارض و انصح حضرتك بنسخه الدفع الرباعي لان عفشتها بتاعه الاكس تريل فعلا و فتيسها ٦ نقلات في حين ان العاديه ه نقلات و كمان الدفع الرباعي فيها جنوط بينما العاديه طاسات و الدفع الرباعي فيها تصفيح بالكامل تحت الموتور و ده مهم في حاله لو العربيه خبطت في حاجه من تحت ما يحصلكش خسائر توقف العربيه و الفروق دي اكيد اهم من الفرق في السعر اللي هو ١٠ الاف جنيه .

بالنسبه للمقارنه مع سيارات تانيه سواء سيدان او هاتشباك الموضوع يرجع لاستخدامك يعني لو مشاويرك كله في شوارع زحمه و السكه واقفه يبقي مش هتنفعك لان المانيوال هيزعلك ساعتها و كمان ممكن تبقي أبعادها في الركن متعبه حبتين و ان كنت هنتعود عليها مع الوقت و ممكن حتي تبقي تركب باركينج سنسور أما لو سكه طوالي في الحاله دي هتلاقيها جميله و ثابته علي الارض و مريحه جدا و بتجري معاك زي ما انت عايز و حتي و هي محمله مش هتبقي مقربه من الارض و لا بتحك فحضرتك شوف اغلبيه استخدامك هتبقي فين و بناء عليه تقرر

بالنسبه ليها من الداخل اماكن الزراير و الكلاكس اللي في دراع الاشاره هنتعود عليهم في يومين تلاته بالكتير و شنطتها ما شاء الله واسعه جدا. الحاجات اللي ناقصاها هي وحدات رفع الزجاج و دي بتتركب في التوكيل و شويه الوان في العدادات و مسند يد و لمبه عند الكنبه الخلفيه لان اللمبه الاماميه بتنور فوق الكرسيين اللي قدام أما الكنبه فتبقي ضلمه و خاصه ان الزجاج الجانبي الخلفي بيبقي غامق

المشاركة الأصلية كتبت بواسطة stonecoldmido5

بالنسبة لي انا بعشق حاجة اسمها دفع رباعي, فانا طبيعي هختار الداستر حتي لو مفيهاش كماليات خالص و حتي لو حضرتك قارنتها بالاسبورتاج الهاي لاين او القاشقاي لان احساس الدفع الرباعي بالنسبة لي احسن كتيرو خصوصا في الايام اللي احنا فيها دي العربيات العالية احسن كتير من السيدان لان الداستر و الله انقذتني من كذا موقف قطع طريق و كنت هتثبت بيها لولا ان العربية عالية مكنتش عديت لاني خرجت بيها برة الطريق , و لو العائلة عند حضرتك كبيرة يبقي لازم عربية عالية علشان حضرتك عارف المطبات عندنا شكلها ايه , و بصراحة احساس العربية العالية نسبيا احسن كتير من السيدان , و غير كده حتي لو حضرتك اخدت مطب او نقرة لا قدر الله يبقي مع حضرتك عربية محترمة تقدر تستحمل , اما بالنسبة للبيجو فهي طبعا محترمة و جميلة بس انا في مصر بفضل فئة الكروس اوفر او suv حتي لوقلت الكماليات فيها شوية.
وطبعا الموضوع متوقف علي طبيعة شغل حضرتك يعني لو جوه البلد يبقي البيجو احسن كتير خصوصا لو فئة الاوتوماتيك اما لو حضرتك بتحب تسافر كتير و العائلة ماشاء الله كبيرة يبقي حضرتك تضحي بالكمالية و الاوتوماتيك في مقابل العفشة القوية و علي فكرة الداستر مش كبيرة اوي من جوة يعني عندي الاسبيرانزا 516 اكبر منها , و اسف لحضرتك علي الاطالة

حضرتك مفيش اطالة ولا حاجة بالعكس و الله كل كلمة مفيدة و هتساعدنى آخد قرارى النهائى بإذن الله .. بجد مش عارف اشكرك ازاى.. ربنا يكرمك

المشاركة الأصلية كتبت بواسطة land_cruiser

عربيه ممتازه كموتور و عفشه و سحب و تجميع و يمكن اللي مساعد في موضوع التجميع و السحب ده انها مانيوال و النقلات بتنطط العربيه من مكانها و الدفع الرباعي فيها شغال بجد مش شغل دعايه و تكييفها ممتاز. استهلاكها للبنزين معقول و عاليه عن الارض و انصح حضرتك بنسخه الدفع الرباعي لان عفشتها بتاعه الاكس تريل فعلا و فتيسها ٦ نقلات في حين ان العاديه ه نقلات و كمان الدفع الرباعي فيها جنوط بينما العاديه طاسات و الدفع الرباعي فيها تصفيح بالكامل تحت الموتور و ده مهم في حاله لو العربيه خبطت في حاجه من تحت ما يحصلكش خسائر توقف العربيه و الفروق دي اكيد اهم من الفرق في السعر اللي هو ١٠ الاف جنيه .

بالنسبه للمقارنه مع سيارات تانيه سواء سيدان او هاتشباك الموضوع يرجع لاستخدامك يعني لو مشاويرك كله في شوارع زحمه و السكه واقفه يبقي مش هتنفعك لان المانيوال هيزعلك ساعتها و كمان ممكن تبقي أبعادها في الركن متعبه حبتين و ان كنت هنتعود عليها مع الوقت و ممكن حتي تبقي تركب باركينج سنسور أما لو سكه طوالي في الحاله دي هتلاقيها جميله و ثابته علي الارض و مريحه جدا و بتجري معاك زي ما انت عايز و حتي و هي محمله مش هتبقي مقربه من الارض و لا بتحك فحضرتك شوف اغلبيه استخدامك هتبقي فين و بناء عليه تقرر

بالنسبه ليها من الداخل اماكن الزراير و الكلاكس اللي في دراع الاشاره هنتعود عليهم في يومين تلاته بالكتير و شنطتها ما شاء الله واسعه جدا. الحاجات اللي ناقصاها هي وحدات رفع الزجاج و دي بتتركب في التوكيل و شويه الوان في العدادات و مسند يد و لمبه عند الكنبه الخلفيه لان اللمبه الاماميه بتنور فوق الكرسيين اللي قدام أما الكنبه فتبقي ضلمه و خاصه ان الزجاج الجانبي الخلفي بيبقي غامق

انا فى الحقيقة ساكن فى المعادى و شغلى ان شاء الله هيبقى فى القصر العينى فى معهد الاورام، يعنى غالبا باخد الكورنيش او الدائرى، بس ده غير كل اسبوع او اتنين بنسافر العين السخنة، هل حضرتك المانيوال فى الطرق دى هيضايقنى ?! و هل الكماليات الناقصة دى ممكن ابقى اركبها انا بعدين بسهولة ?!