الموضوع: عايز أشترى الداستر و محتاج مساعدتكم

المشاركة الأصلية كتبت بواسطة محمد مطاوع

معلش سؤال فنى، أنا كنت قريت مشاركة من أحد مالكى الداستر إنه بيستخدم النقلة الأولى لما بتبقى الدنيا زحمة و واقفة و بتبقى العربية زى الأتوماتيك يعنى مش محتاج كل شوية يمور و يطلع هو بيفرمل بس و بيشيل رجله من على الفرامل عشان يتحرك تانى، هل حد جرب الموضوع ده، لأن ده هيبقى أريح كتير فى الزحمة ..

لا أظن ان ده استخدام مناسب للنقله الاولى او انها اتعملت لهذا الغرض. حسب الكتالوج رينو بتنصح فى ظروف الطريق العاديه ان حضرتك تطلع على التانى على طول حتي (الاول اخره سرعه 5 كم فى الساعه) و بتجيبوا لو كانت ظروف الطريق صعبه زي مطلع جامد و حضرتك ماشى علي سرعه قليله فبتبقى محتاج عزم جامد اما لو الطريق عادى فاطلع علي التانى علي طول . لو حضرتك استخدمت الاول فى الزحمه كتير العربيه هتسخن منك و استهلاك البنزين هيزيد و صوت الموتور يعلى لأنه هيكون هناك حمل زياده عليه بدون داعي ده غير ان التيل هيتاكل بسرعه

أنا هنزل الجمعة إن شاء الله أحجز الداستر لون موكا، هشتريها بالتقسيط من بنك ناصر، تنصحونى أركز على ايه و آخد بالى من ايه و أنا بحجز العربية و و أنا بستلمها إن شاء الله ؟؟

المشاركة الأصلية كتبت بواسطة محمد مطاوع

أنا هنزل الجمعة إن شاء الله أحجز الداستر لون موكا، هشتريها بالتقسيط من بنك ناصر، تنصحونى أركز على ايه و آخد بالى من ايه و أنا بحجز العربية و و أنا بستلمها إن شاء الله ؟؟

بالتوفيق و مبروك مقدما, و ربنا يتممها لحضرتك بخير, هو اهم حاجة ان حضرتك تكون نويت تشتري من معرض معروف و مشهور , علشان قلة الضمير اللي بقت منتشرة , و قبل ما حضرتك تستلمها لازم حضرتك تشيك ع الاستبل و الكوريك و الازاز الكهربا و الكاسيت, و الانوار العالية و الواطية, و المرايات الكهربا, انما مفيش حاجة معينة لان ما شاء اللة تقفلها بيبقي كويس و غالبا ان شاء اللة مفيش مشاكل فيها, و الف مبروك

المشاركة الأصلية كتبت بواسطة stonecoldmido5

بالتوفيق و مبروك مقدما, و ربنا يتممها لحضرتك بخير, هو اهم حاجة ان حضرتك تكون نويت تشتري من معرض معروف و مشهور , علشان قلة الضمير اللي بقت منتشرة , و قبل ما حضرتك تستلمها لازم حضرتك تشيك ع الاستبل و الكوريك و الازاز الكهربا و الكاسيت, و الانوار العالية و الواطية, و المرايات الكهربا, انما مفيش حاجة معينة لان ما شاء الله تقفلها بيبقي كويس و غالبا ان شاء الله مفيش مشاكل فيها, و الف مبروك

انا هجيبها من التوكيل غالبا ان شاء الله عشان هو اللى عنده اللون اللى عايزه. ميرسى جدا على النصيحة

المشاركة الأصلية كتبت بواسطة stonecoldmido5

بالتوفيق و مبروك مقدما, و ربنا يتممها لحضرتك بخير, هو اهم حاجة ان حضرتك تكون نويت تشتري من معرض معروف و مشهور , علشان قلة الضمير اللي بقت منتشرة , و قبل ما حضرتك تستلمها لازم حضرتك تشيك ع الاستبل و الكوريك و الازاز الكهربا و الكاسيت, و الانوار العالية و الواطية, و المرايات الكهربا, انما مفيش حاجة معينة لان ما شاء اللة تقفلها بيبقي كويس و غالبا ان شاء اللة مفيش مشاكل فيها, و الف مبروك

كنت عايز اسأل حضراتكم على حاجة مهمة بالنسبالى، هل موضوع الفتيس ال6 سرعات متعب فى الزحمة او عموما فى السواقة ??

المشاركة الأصلية كتبت بواسطة محمد مطاوع

كنت عايز اسأل حضراتكم على حاجة مهمة بالنسبالى، هل موضوع الفتيس ال6 سرعات متعب فى الزحمة او عموما فى السواقة ??

عموما حضرتك المفروض تطلع ع النقلة التانية علي طول , و بيبقي اغلب شغل النقلة الاولي كنقلة للغرز او في مطلع مش اكتر و ده كلام الكتالوج , فيعتبر ان حضرتك معاك 5 نقلات بس, و ما شاء اللة اساسا نقل الغيارات في الداستر مريح و مش متعب اساسا .