الموضوع: عايز أشترى الداستر و محتاج مساعدتكم

انا بسوق مانيوال و اتوماتيك فى عربيات والدى فمتعود على المانيوال برضه بس بيضايقنى فى الزحمة .... كنت عايز أسأل حضراتكم كمان على حاجة مهمة بالنسبالى، ايه مدى ال safety فى الداستر كعربية عالية و زى ما حضرتك بتقول مركز توازنها مختلف عن السيدان ?!
طبعا ربنا اللى بيستر بس أنا أحب أبقى واخد بالأسباب برضو خصوصا انها هتبقى عربية ليا و لأسرتى إن شاء الله.

المشاركة الأصلية كتبت بواسطة محمد مطاوع

انا بسوق مانيوال و اتوماتيك فى عربيات والدى فمتعود على المانيوال برضه بس بيضايقنى فى الزحمة .... كنت عايز أسأل حضراتكم كمان على حاجة مهمة بالنسبالى، ايه مدى ال safety فى الداستر كعربية عالية و زى ما حضرتك بتقول مركز توازنها مختلف عن السيدان ?!
طبعا ربنا اللى بيستر بس أنا أحب أبقى واخد بالأسباب برضو خصوصا انها هتبقى عربية ليا و لأسرتى إن شاء الله.

بالنسبه لتجهيزات الامان لنسخه الدفع الرباعي فيها ٢ ايرباجز للسائق و للي جنبه و الفرامل فيها abs و ebd . موضوع اختلاف مركز الثقل ده يعني حضرتك لازم تاخد بالك و انت سايق من الملفات الحاده علي سرعات عاليه لانها لاقدر الله ممكن تقلب العربيه اسهل من السيدان و ده بسبب الارتفاع و ده مثل لو بتجري علي سرعات عاليه يعني ١٣٠ او أعلي و ملف حاد جدا و الكلام ده بالنسبه لل suv بصفه عامه مش الداستر بس لكن الكلام طبعا علي ال suv العادي مش الغالي زي البورش الكيان او النيسان الأرمادا او التويوتا اللاندكروزر او الأمريكي فالعربيات دي بيبقي ليها انظمه تثبيت و تكنولوجيا بتاعتها بس طبعا مقابل سعر عالي جدا وان كانوا بيحطوا برضه نفس التحذير لانها مش عربيات سباق و الميزه اللي شدتني ليها انها بتنزلنا من رومانيا زي ما بتنزل في العالم كله بدون اي اختلاف يعني زي اللي بتنزل فرنسا مثلا بس في فرنسا بيحطوا عليها علامه داتشيا مش رينو و ده يؤكد ان موضوع الامان مأخوذ في الاعتبار كحاجه اساسيه متوافره في كل الاوروبي. هي بالمناسبه واخده ثلاثه علي خمسه فقط في اختبارات التصادم و التقييم ده كان بسبب انها فيها ٢ ايرباجز فقط و مش ٦ او ٨ زي بقيه الاوروبي و يمكن علشان كده افتروا عليها شويه في الدرجه

المشاركة الأصلية كتبت بواسطة land_cruiser

بالنسبه لتجهيزات الامان لنسخه الدفع الرباعي فيها ٢ ايرباجز للسائق و للي جنبه و الفرامل فيها abs و ebd . موضوع اختلاف مركز الثقل ده يعني حضرتك لازم تاخد بالك و انت سايق من الملفات الحاده علي سرعات عاليه لانها لاقدر الله ممكن تقلب العربيه اسهل من السيدان و ده بسبب الارتفاع و ده مثل لو بتجري علي سرعات عاليه يعني ١٣٠ او أعلي و ملف حاد جدا و الكلام ده بالنسبه لل suv بصفه عامه مش الداستر بس لكن الكلام طبعا علي ال suv العادي مش الغالي زي البورش الكيان او النيسان الأرمادا او التويوتا اللاندكروزر او الأمريكي فالعربيات دي بيبقي ليها انظمه تثبيت و تكنولوجيا بتاعتها بس طبعا مقابل سعر عالي جدا وان كانوا بيحطوا برضه نفس التحذير لانها مش عربيات سباق و الميزه اللي شدتني ليها انها بتنزلنا من رومانيا زي ما بتنزل في العالم كله بدون اي اختلاف يعني زي اللي بتنزل فرنسا مثلا بس في فرنسا بيحطوا عليها علامه داتشيا مش رينو و ده يؤكد ان موضوع الامان مأخوذ في الاعتبار كحاجه اساسيه متوافره في كل الاوروبي. هي بالمناسبه واخده ثلاثه علي خمسه فقط في اختبارات التصادم و التقييم ده كان بسبب انها فيها ٢ ايرباجز فقط و مش ٦ او ٨ زي بقيه الاوروبي و يمكن علشان كده افتروا عليها شويه في الدرجه

انا فعلا كنت مقلق من موضوع ال 3 نجوم فى اختبار التصادم بس حضرتك نبهتنى لموضوع الايرباجز انهم 2 فعلا بس .. ألف شكر لحضرتك :)

صحيح ايه أخبار استهلاك البنزين ?? بتحتاج تقريبا كام لتر فى 100 كيلو ??

المشاركة الأصلية كتبت بواسطة محمد مطاوع

صحيح ايه أخبار استهلاك البنزين ?? بتحتاج تقريبا كام لتر فى 100 كيلو ??

استهلاك البنزين عامل زي بتاع ال ١٦٠٠ السيدان العادي يعني اللتر ممكن يمشيها ٩ او ١٠ كيلو مع تشغيل التكييف علي الدرجه التانيه و ده علي. طرق سريعه علي طرق زحمه علي فكره يعني نقدر نعتبرها متوسطه و ظروف القياده ان ال RPM ما بيزيدش عن 3.5 و طبعا السبب في استهلاك البنزين المعقول انها مانيوال و علي فكره البكره بتكون علي ال auto يعني ممكن لو الطريق كان مطلع مثلا انها تشتغل جر رباعي و بالمناسبه هي وزنها لا يعتبر ثقيل فهو ١٢٨٠ كجم فقط.
طبعا ظروف الطريق و ضغط الهواء في الاطارات و جوده البنزين و اسلوب القياده و مقاومه الهواء و تشغيل الجر الرباعي من الحاجات اللي ممكن تؤثر علي استهلاك البنزين سواء بالزيادة او النقص ولذلك راعيت عند وضع الارقام ذكر الظروف بتاعه كل حاجه منهم و هي بتمشي ب بنزين ٩٢ عادي

ميرسى جدا لحضرتك ..

المشاركة الأصلية كتبت بواسطة محمد مطاوع

ميرسى جدا لحضرتك ..

العفو يا فندم و تحت أمرك في اي استفسار و بالتوفيق لما فيه الخير

ربنا يوفقك انا مش عندي داستر بس أعرف أنها كويسه ،،وربنا يوفقك ويبارك فيها ان شاء الله .