الموضوع: و أخيرا.. الحلوة شرفت تحت البيت

المشاركة الأصلية كتبت بواسطة SaLM!Na

مبروك يا علا
الف مبروك
خلي بقى بالك على العربية و ربنا يكمل فرحتك يارب
ادعيلي انا كمان عقبال ما اجيب ال 206 اللي مش باينلي حاطولها خالص

الله يبارك فيكي يا سلمى و يرزقك ما تتمني يا رب :)

المشاركة الأصلية كتبت بواسطة دموع الثلج

واوووووووووووووووووو

والله لسا واخده بالى من الموضوع الان


الف الف الف الف الف مبرووووووووووووووووووووك يا عــــــــــلا ربنا يكفيك شر اطريقها يارب ويعطيك خيرها امين

بجد فرحتينى مووووووووووووووووت والله يلا خلاصى ترخيص وادينى لفـــــــــــه

الله يبارك فيكي يا دموع و يفرحك دايما يا رب زي ما فرحتيني بمكالمتك الرقيقة :)
ربنا ما يحرمني من سؤالك عني دايما يا رب :)

المشاركة الأصلية كتبت بواسطة M_HaFeZ

الف مبروك ياعلا ...

الله يبارك فيك :)

المشاركة الأصلية كتبت بواسطة معاذ الشرباصى

الف مبروك يا علا

ربنا يبارك لك فيها و يحفظها لك من كل سوء

ايه اخبار الترخيص؟

معاذ.. الأنسان اللي ما حصلش :)
ربنا يخليك يا معاذ و يكرمك يا رب :)
وقفتك جنبي في موضوع العربية دي ما تتنسيش و يا رب يقدرني أرد و لو جزء من اللي انت عملته :)
انا رخصت الحمد لله من 3 أيام و طبعا الرخصة مؤقتة و نمر مؤقتة و الحياة حلوة و الحمد لله

المشاركة الأصلية كتبت بواسطة sab3aawy

الف مبروك عليكى، ربنا يديكى خيرها ويكفيكى شرها، وبيارك لكى فى عمرها ويقدرك يقدرك تجيبى الأحسن منها

تمنياوي طه.. أصدي سبعاوي باشا عندنا؟ يا مرحبا يا مرحبا
و كمان جايب معاه نوموذج سيريون مصغر؟ انا في حلم يا ناس؟ :)
ان شاء الله تشوف الصورة دي في توقيعي بعد بكرة بالكتير :)
جزاك الله خيرا على التهنئة و يا رب يتقبل الدعاء :)

المشاركة الأصلية كتبت بواسطة m_moustafa800

مبروك عليكي العربية يا علا وربنا يباركلك فيها وتغيريها بالاحسن منها ان شاء الله

جزاك الله خيرا و بارك لك :)

المشاركة الأصلية كتبت بواسطة Islam_galal

لسه شايف الموضوع دلوقتي
ألف مبروك
ربنا يعطيكي خيرها و يكفيكي شرها
و عقبال الترخيص
و منتظرين حلقات علا و سمسمه في رمضان

الله يبارك فيك يا إسلام و يا رب يرزقك ما تتمنى :)
اما عن علا و سمسمة في رمضان فده اللي انا حامله همه.. هاسوق ازاي في رمضاااااااااااان؟ :(

المشاركة الأصلية كتبت بواسطة محمد ابراهيم 1

ألف مبروك عليكى العربيه ربنا يبارك لك فيها ويكفيكى شرها وتستخدميها فى الخير دايما إن شاء الله وإختيار موفق إن شاء الله

الله يبارك فيك يا محمد و يتقبل دعائك يارب :)

المشاركة الأصلية كتبت بواسطة MoToRiZeR

ما شاء الله شبه عربيتي بالزبط هههههههههههه
الف مبروك يا علا و مستنيين الصور اللي بمزاج

ان شاء الله يا محمود، لما أصدق و استوعب انها بأت معايا خلاص هابقى اصورها بمزاج :)

المشاركة الأصلية كتبت بواسطة sniper2010

يعني كل الردود و التهاني دي و ما نستاهلش صور بمزاج من أول مرة

إيه يا باشا
هي واخداكي من المنتدى للدرجة دي

ده احنا كده هنبتدي نحقد على السيريون بقى عشان واخداكي مننا :)

لا طبعا يا فندم، وهو انا كنت هاعرف السيريون منين غير من المنتدى؟ يعني انتوا أصحاب الفضل في شرائي للقمر دي، بس هي مسألة وقت وأفنن في التصوير ان شاء الله :)

المشاركة الأصلية كتبت بواسطة Hassan Khalil

ما شاء الله .. لا قوة الا بالله
ربنا يبارك لك فيها
امبارح شوفت واحدة زيها في مصر الجديدة واخدة نمر مؤقتة .. قلت هي .. و اعددت العدة .. و قلت اكلم الجحافل المستعدة في الشارع دائما ..لتعترض السيارة .. و بعدين قلت بلاش احسن تلاقيهم ادامك مرة واحدة تقومي دايسة بنزين بدل الفرامل .. و تيجي علي دماغ الجحافل .. :)

أو أدوس فرامل فجأة يا أبو علي و تيجي على دماغك انت يا باش مهندس لو كنت ورايا
كل سنة وا نت طيب :)

المشاركة الأصلية كتبت بواسطة Chicco

بسم الله ما شاء الله .....ربنا يحفظها و يكفيكي شر الطريق يا علا باشا .....عايزين الصور اللي بمزاج بقى

حاضر يا هشام ان شاء الله. دعواتك :)

المشاركة الأصلية كتبت بواسطة birdybirdy

بسم الله ماشاء الله
ربنا يكرمك ويحفظهالك ياعلا يارب
ويباركلك فيها ومتنسيش الصدقة ياعلا ضروري وبالذات اطعام الطعام خصوصا اننا داخلين علي رمضان ودي فرصتك بقي عشان تطلعي خير كتير.

يالا صوريهالنا كام صورة تانية بقي يكونوا اوضح من كده وربنا يوفقك يارب

ما نستش الصدقة الحمد لله يا بيردي و الحمد لله ان الموضوع ده جاي م دخول رمضان و يا رب يتقبل.

المشاركة الأصلية كتبت بواسطة hafez35

مبروك يا ست البنات وعقبال العريس هاهاهاهاهاهاها :wacko::party:

طيب و ليه السيرة ديييييييييييي؟ ما كنا كويسين
الله يبارك فيك يا سيدي.

المشاركة الأصلية كتبت بواسطة MTAK

مبارك ما رزقت
اعطاكى الله خيرها و ووقاكى شرها

الله يبارك فيك يا محمد و يجزيك كل خير :)

المشاركة الأصلية كتبت بواسطة aif

الصورة جميلة يا علا بسم الله ماشاء الله .....
اخبار الترخيص ايه رخصتي والا لسة .....لو لسة حاولي ترخصي قبل رمضان

الحمد لله رخصت بس زي مالسه كنت باقول لمعاذ ان الرخصة مؤقتة و النمر مؤقتة لحد ما تفرج، 3 أشهر يعني كده ان شاء الله :)

المشاركة الأصلية كتبت بواسطة Ahmed Hassan

الف الف مبروك.. و ربنا يباركلك فيها.



بصراحه فكره مش حلوه لأنها اتحرقت في آخر الفيلم(بعد الشر)

اعتقد تسميها (سوسن) احسن

هههههههههه ده صحيح.. ده غير انها كانت شريرة

طيب اسميها لويزا طيب و لا ايه؟