و أخيرا.. الحلوة شرفت تحت البيت

**MoDyBeNz2008** · 21-08-2008 11:16 PM

مبروووووووووووووك:party:

**OlaOsman** · 22-08-2008 11:06 AM

المشاركة الأصلية كتبت بواسطة MoDyBeNz2008

مبروووووووووووووك:party:

الله يبارك فيك :)

المشاركة الأصلية كتبت بواسطة sherif_84

الف مبروك ياعلا
ربنا يباركلك فيها ويديك خيرها ويكفيك شرها يارب
وعلى مهلك فى الالف كيلو الاولى ماتقرصيش جامد على الغيار ومتسخنيش العربية زيادة عن اللزوم وانت بتدوريها الصبح وشغلى المكيف على سرعة معتدلة وانت فى التليين بلاش تعليه جامد دلوقتى
وربنا يحفظهالك من كل سوء

الله يبارك فيك يا شريف.. انا طبعا لا هاقرص على غيار و لا هاعمل فيها أي حاجة مش طبيعية دلوقتي خالص لحد ما آخد عليها و على سواقتها. أما المكيف فهحاول فعلا ما أشغلوش على أد ما أقدر.. بس احنا في شهر 8 يا ناااااااااس

جزاك الله خيرا على النصائح :)

المشاركة الأصلية كتبت بواسطة kodak_gti

مبروك يا علا وربنا يباركلك فيها ويكفيكى شر الطريق والعين كمان

الله يبارك فيك و يتقبل منك دعواتك يارب :)

المشاركة الأصلية كتبت بواسطة Ahmed Samy

الف مبروك يا أستاذة :)

الأحمر لون جميل وشيك و بينطق على العربية

و غير ده كله العربية باللي راكبها

يبقى هاتكون أحسن أحسن عربية في الشارع كله

مبروك مرة تانية

الله يبارك فيك يا احمد و يبارك لك يارب :)

المشاركة الأصلية كتبت بواسطة meza

مبرووووووك عليكى يا أستاذة علا ... أجمل الجميلات ... فى أجمل لون ليها بصراحة

... واحد قريبى عنده اللون ده ... لما بنروحله .. لازم أطلع البلكونة أقعد أتفرج عليها من بعيد و أسيبهم جوه يتكلموا مع بعض :D

ربنا يحفظهالك و يحفظك من الطريق. :)

الله يبارك فيك يا ميزا :)
انا كمان قبل ما استقر على لون معين لقيت الأحمر خاطفني اوي و كنت باعمل زيك كده بس من بلكونة الشغل عشان فيه سيريون بتركن فيه و لونها احمر، بس GL و برضه كنت باتحجج بأي حجة عشان أدخل البلكونة.. شغل مراهقين يعني آخر حاجة

المشاركة الأصلية كتبت بواسطة theking2690

ده احنا نوقفلك شارع شبرا كلوا يا علا علشان تعدى

ملحوظه شارع شبرا بيبقى كده كده واقف

عندك حق ما تتعبش نفسك في توقيف الشارع هو واقف خلقة :D

**R A N A** · 23-08-2008 05:35 PM

الف الف مبروك ياعلا وربنا يباركلك فيها ويديكي كل خيرها ويكفيكي شرها امين يارب. ومتنسيش تطلعي اي حاجة لوجه الله عشان ربنا يحفظلك عربيتك الجديد وتحفظيها من اي عين تفكر تقر عليها .
معلش انا رديت متأخر اوي بس والله بقالي كذا يوم مطحونة وورايا شغل كتير حتى اخدت الشغل اكمله في البيت وعندي حالة غربية من النوم بنام كتير اوي.:o
ويادوب شوفت موضوعك قلت ارد بقي قبل مادخل في معمعة الشغل من تاني.

ادعيلي انا كمان ربنا يكرمني واجيب عربية حديثة ان شاء الله بس بعد مازبط سواقتي شوية عشان اقدر احافظ عليها.
وخدي بالك انتي كمان وانتي بتسوقيها وعلي مهلك كده وربنا يكفيكي شر الناس اللذاذ اللي بيكسورا علي البنات في الطريق لمجرد انهم بنات وراكبين عربيات .
والف مبروك مرة تانية ولينا عندك فسحة بيها مالناش دعوة تعزمي كل بنات المنتدي علي فسحة بالسيريون بتاعتك