الموضوع: اتخانقت مع سواق تاكسى ورحنا القسم

الأعتراف بالحق فضيلة ان شاء الله تطول بالك وتبقي صبور وزي مالظابط قال للراجل انه محظوظ انت كمان محظوظ انك موقعتش في واحد محشش ضربك بحاجه ولا موتك

انا مرة طالع من شارع جانبي على شارع رئيسي وواحد شكله محترم معدي بعربيته وافتكرني هخبطه مع اني كنت بعيد عنه بحوالي متر المهم شتمني وربنا اراد الطريق يقف قدامه وبقيت في وضع ان شباكي جنب شباكه اقسمتله بالله لو ما اعتذرش هنزل اضربه قدام مراته وعياله اللي كانوا معاه في العربية اعتذر على طول وقاللي انا بشتم عادي زي كل الناس ما بتشتم في العربيات اللي جنبها لكني انا معرفكش شخصيا عشان اشتمك وكلام كتير من النوعية دي...سيبته ومشيت وانا والله متضايق من نفسي عشان هددته بالضرب قدام عياله.
طبعا البادي اظلم لكن قلة الادب بقت زي الفيرس اللي بينتشر بينا في لحظة في اي طريق عشان كده بنصح نفسي وبنصحكم نخللي الفيرس ده ييجي عندنا ويقف ومانستسلمش ليه لانه مهما حصل الشتيمة والخناق قلة قيمة وعمرهم ماهيرجعولك حق ضايع

احنا شعب مش كويس و بنكره بعض
كل واحد حاسس انه واخد على قفاه فى الضلمة و مش عارف مين عملها فيه....فبيطلع همه في اللى قدامه
شحن شحن شحن....لازم يفرغ في أي حاجة و اللا حيموت
يعني الناس أصلا نازلة تتخانق وتطلع كبتها
حالة عامة من الكره والأحساس بالحق المهضوم و نظرية الأضطهاد !
دا نتيجة ان تقريبا كلنا مسيرين و موجهين....تروح المدرسة مش لاقي مكان تقعد و لا فيه حصص ترفيه والا بتتعلم حاجة.....تيجي تخش الجامعة كلية مابتحبهاش أهي شهادة و خلاص....ولو دخلت كلية بتحبها تيجي تشتغل ماتلاقيش...تخش الجيش غصب عنك و يطلعوا عينك و يقلك مصنع الرجال وتعرف بعدين انه اكبر مقلب أخدته.....ولو معاكش واسطة يبقى ضمنت اسوأ ايام حياتك .....دا غير الأستدعا و المشورة رايح جاي......و لو لاقيت شغل بعد كدا يطلعو عينك و يمصو دمك بملاليم....و الضرايب تكمل على بقيتك .......و لو قدمت شوية يتلككولك و يمشوك و يفكوك بتلاتة لسه خام......و سلملي على مكتب العمل اللي تحس أنهم قوادين بيسلمو الموظفين تسليم أهالي..........جرب تسافر تتهان و تبقى درجة تالته و العشرة بقوا بقرش......عايز تعمل أسرة و بيت دور على بنت الحلال اللى حتطلع عينك بعد كدا هيا و العيال.....والأسعار الأسعار الأسعار
أحباط متواصل....عايز الناس يبقى شكلها ازاي؟!