تجربتي في صيانة الألف كيلو مع أوتو ايجبت......خطأ فني وإدارة رائعة للأزمة

**mem** · 27-05-2013 07:11 PM

الصراحه مهما كان اللى عملوه من ارضاء للعميل
لكن ده غلطه لا تغتفر
ده غلطه كارثيه
وللاسف ده مش اول شكوى لاوتو ايجيبت
الصراحه اللى بيحصل ده يخلى العملاء يتراجعوا عن المركز مهما كانت جودته
والحمد لله ربنا سترها مع اخونا وجت سليمه
افرض واحد غيره مسافر كان حصل ايه ليه ولو معه الاسره

**mohamedsapri** · 27-05-2013 10:51 PM

معلش سوال بس هو لو الواحد فى موقفك ومعرفش يوصل للاستاذ محمد حسن يعمل ايه يبات جمب العربية وياترى هايصدقوة تانى يوم ويقولولة هاتة لحد التوكيل اسف جدا على كلامى بس من الواضح ان فى حاجة غلط فى اوتو ايجيبت

**toty_305** · 27-05-2013 11:05 PM

-ناس طيبين قوي يا خال الParking sensors بتحل مشكلتهم

**ramymoharram** · 28-05-2013 11:07 AM

المشاركة الأصلية كتبت بواسطة د.محمدعبدالعال

معاك طبعا انهم ارتكبوا كارثة ومش مبسوط أبدا انك سكت لما لقيت العربية متعملهاش ترصيص .. و لي سؤال .. العربية لما طلعت أول مرة كان الترصيص كويس ولا لأ ؟ وهما طلعوها على الونش ازاي ؟ لأني دايما بقلق من رفع العربية على الونش بالسلسلة ..

لا أنا من ساعة مطلعت بيها من المعرض وهيا محتاجة ترصيص......النهاردة وأنا بجرب تاني علي المحور حسيت ان الترصيص قل ( مش زي مطلعت من المعرض) بس برضه مختفاش.....بخصوص الونش انا بصراحة كنت واقفلهم في الموضوع ده وعملوا زي مالكتالوج بيقول ربطوا مسمار القطر اللي مع الإستبن في المكان المخصص ليه في الإكصدام القداماني

**ramymoharram** · 28-05-2013 11:11 AM

المشاركة الأصلية كتبت بواسطة mem

الصراحه مهما كان اللى عملوه من ارضاء للعميل
لكن ده غلطه لا تغتفر
ده غلطه كارثيه
وللاسف ده مش اول شكوى لاوتو ايجيبت
الصراحه اللى بيحصل ده يخلى العملاء يتراجعوا عن المركز مهما كانت جودته
والحمد لله ربنا سترها مع اخونا وجت سليمه
افرض واحد غيره مسافر كان حصل ايه ليه ولو معه الاسره

علي فكرة أنا كنت مسافر تاني يوم شرم الشيخ ( لولا ستر ربنا) وكل شوية اقول الحمد لله دي لو كانت عملتها معايا في طريق شرم كان ممكن تجيلي نقطة

**ramymoharram** · 28-05-2013 11:14 AM

المشاركة الأصلية كتبت بواسطة mohamedsapri

معلش سوال بس هو لو الواحد فى موقفك ومعرفش يوصل للاستاذ محمد حسن يعمل ايه يبات جمب العربية وياترى هايصدقوة تانى يوم ويقولولة هاتة لحد التوكيل اسف جدا على كلامى بس من الواضح ان فى حاجة غلط فى اوتو ايجيبت

أنا فعلا كنت ابتديت افكر اني هضطر أبات جوه العربية لأن المنطقة اللي كنت فيها منطقة عوء....ومتهيألي لو كنت سيبت العربية لوحدها طول الليل كنت هرجع الاقيها علي الشاسيه ( أو مش هلاقيها اصلا).....وبصراحة نفسي اسأل اوتو ايجيبت سؤال: هما ليه ميعملوش رقم طواريء يرد عليك علي مدار 24 ساعة للمواقف اللي زي دي

**ramymoharram** · 28-05-2013 11:16 AM

المشاركة الأصلية كتبت بواسطة toty_305

-ناس طيبين قوي يا خال الparking sensors بتحل مشكلتهم

يمكن مكنش فاهمك قصدكاوي بس حاسس ان معني كلامك اني عبيط مثلا وضحكوا عليا.....طيب يا ريت حضرتك تنصحني لو مكاني كنت هتعمل ايه .....وعلي فكرة لو قولتلي انك كنت هتقلب الدنيا وهتقومها مش هتقعدها هعرف انك راجل بق

**husseinsalah** · 28-05-2013 01:01 PM

الحمد لله انها جت على اد كدة يا رامى وذى ما قولتلك على الفيس (لازم تدبح حاجة .... حاجة بأربع رجول ..... لو مالقتش ادبح فرختين)

**speed_magnum** · 28-05-2013 01:39 PM

مع احترامي الشديد لشخص حضرتك يا فندم
واضح انك انسان طيب جدا ومحترم جدا
وموقف زي اللي حصل ده ... كان لازم يتثبت في محضر وتتبعت شكوى لنيسان الام
وتاخد تعويض محترم ....
مع احترامي
اللي حصل ده ما كنش المفروض تعديه كدا