العربيه متورها بيفصل

**Mohammed Fadl** · 30-05-2013 09:03 PM

السلام عليكم .. اذيكم يا جامعه .. انا عندي استفسارين

الاول هو ان العربيه كانت بتقطع مني و ساعات الموتور بيقف .. فلما روحت التوكيل قالولي ان الانجكشن في وساخه و ف الغالب هي وساخع بنزين .. المهم دفعت هناك 80 جنيه بالرغم ان العربيه لسه ف الضمان و عامله 7000 كيلو بس المهم هو راح فاكك خرطوم و بعدها رش اسبراي و طلع حاجه كده نضفها و بعدين ركبها تاني (انا مليش في الميكانيكا لانها اول عربيه ليا بس حسيت انه معملش حاجه يستاهل ياخد عليها 10 جنيه حتى) و قالي ان الموضوع ده مش مشمول ف الضمان .. ده غير ان لمبه الواطي كانت اتحرقت وفالي انها مش تبع الضمان برده .. قولتله طيب ايه ممكن يعطل ف العربيه والضمان يغطيه .. لما قولتله كده قالي مش هحاسبك على تمن الاسبراي (نزلي حوالي 6 جنيه) ..

المهم الموضوع ده حصل معايا امبارح تاني بعد مفولت من بنزينه التعاون اللي انا لما اتعاملت معاهم حسيت انهم اي كلام لان وانا خارح من البنزينه بصيت في المرايه لقيت غطا التانك مفتوح ولما نزلت اقفله لقيت الغطا البلاستيك مش موجود .. ولما رجعتلهم لقيت الغطا مرمي ع الارض ناهيكم عن شكل الولد اللي كان بيفولي .. مكنش لابس افارول ده غير اني حسيت اني واقف قدام واحد من بتوع السوق السودا) انا بقول الكلام ده عشان الناس تدور ع الافضل مش دعايه سودا والله .. المهم ان انا لقيت الاسبراي بيتباع بره عادي قانا عاوز اعرف لو كان في امكانيه اني اعمله بنفسي ياريت لو حد يفيدني ؟؟

ألسؤال التاني ان في الصيانه غيرولي زيت و فلتر في صيانه الخمسه و كلفتني حوالي 320 جنيه .. بس في واحد معرفه قالي الموضوع ده انه عمله بره و كلفه حوالي 160 جنيه بس و بس انا حاطط زيت 5000 موبيل ومش عارف نوع الزيت اللي هو حاطه .. فهل ممكن اني اعمل الصيانات دي بره التوكيل بحيث انها تخفض من تكلفه الصيانه .. لاني بصراحه لما روحت عملت صيانه الخمسه حسيت اني "بتقرطس" و الحاجه ام جنيه بتقف عليا بـ 2 .. فانا عاوز اعمل الصيانات العاديه دي بره التوكيل بس خايف لحسن اخرج كده من الضمان .. فهل الحاجات دي تخرج من الضمان؟؟

موضوع الفلوس ده انا عارف اني مش بتكلم في الالافات بس انا طالب و باخد مصروف من والدي و كتر الف خيره انه جابلي العربيه فانا مش عاوز كل شويه اكلفه فلوس فوق الفلوس اللي دفعها

وشكرا مقدما

**M.Al-Hefnawy** · 30-05-2013 09:49 PM

أهم حاجة إنك تحط بنزين من مكان مضمون وما يكونش فيه لعب. الحل بسيط فيه منظف دورة بنزين مستورد تمنه حوالي 55 جنيه موجود في بنزينة وطنية في قويسنا ... لما يبقى التنك عندك نصه روح حط المنظف وفول العربية من وطنية عشان المنظف بيتحط على نص التنك وتكمل عليه.

الحاجة التانية زيت موبيل بقى رديء خليك في حاجة كويسة زي توتال أو شل. لو كنت بتعمل الصيانة في مودرن اللي عند كلية هندسة ممكن تاخد جركن الزيت معاك عادي وبردو اسأل عندهم تاني يمكن يكونوا غيروا النظام

**Ramy Rateb** · 30-05-2013 10:11 PM

اولا يا باشا حاول تختار بنزينة محترمة تمون منها و بلاش البنزينات التعبانة زي التعاون و مصر.
ثانيا موضوع انك تغير زيت بره ده هيطلع الموتور من الضمان فبلاش .. و حاول تحط زيت ال ١٠٠٠٠ كم (بيقعد فترة أطول و خواصه أحسن من زيت ال ٥٠٠٠ كم)
موضوع العربية بتفصل منك روح التوكيل و اشتكى ان الموضوع اتكرر .. عربيتك فى الضمان و هما لازم يتحملوا اي مشكلة فيها .. حضرتك ممكن تكلم نيسان على ١٦٢٤٤ و تعمل شكوى فى التوكيل لو محلوش لك المشكلة .. لو احتاجت اي مساعدة انا تحت أمرك .

**Mohammed Fadl** · 31-05-2013 12:03 AM

المشاركة الأصلية كتبت بواسطة m.al-hefnawy

أهم حاجة إنك تحط بنزين من مكان مضمون وما يكونش فيه لعب. الحل بسيط فيه منظف دورة بنزين مستورد تمنه حوالي 55 جنيه موجود في بنزينة وطنية في قويسنا ... لما يبقى التنك عندك نصه روح حط المنظف وفول العربية من وطنية عشان المنظف بيتحط على نص التنك وتكمل عليه.

الحاجة التانية زيت موبيل بقى رديء خليك في حاجة كويسة زي توتال أو شل. لو كنت بتعمل الصيانة في مودرن اللي عند كلية هندسة ممكن تاخد جركن الزيت معاك عادي وبردو اسأل عندهم تاني يمكن يكونوا غيروا النظام

انا متعود بفول من شيل اللي على طريق شبين-قويسنا على حسب نصيحه زمايلي بس المره الي فاتت اضطريت افول من التعاون لان شيل كانت قافله و الباجوري اللي في شبين كان زحمه جدا و مكنتش اعرف ان التعاون كده ..

وفعلا اتا بعمل الصيانه عند مودرن اللي عند هندسه بس عاوز اغيرهم لان انا مش حاسس ان ده توكيل اساسا .. ده مبقولوش على حاجه الا لما بيوقولي روح الهايكستيب لانه مش موجود عندنا زي ظبط الزوايا و الازاز اللي ورا بيجي في حته و هو طالع و بيقف وبعدين يكمل (ساعتها قالي انه كهربائي و ان طالما الازاز بيطلع فدي مش مشكلته لو عاوز تعملها روح الهايكستب) بس هي بصراحه مش حاجه مؤثره خالص تستدعي اني افكر اسافرلها.

**Mohammed Fadl** · 31-05-2013 12:05 AM

المشاركة الأصلية كتبت بواسطة ramy rateb

اولا يا باشا حاول تختار بنزينة محترمة تمون منها و بلاش البنزينات التعبانة زي التعاون و مصر.
ثانيا موضوع انك تغير زيت بره ده هيطلع الموتور من الضمان فبلاش .. و حاول تحط زيت ال ١٠٠٠٠ كم (بيقعد فترة أطول و خواصه أحسن من زيت ال ٥٠٠٠ كم)
موضوع العربية بتفصل منك روح التوكيل و اشتكى ان الموضوع اتكرر .. عربيتك فى الضمان و هما لازم يتحملوا اي مشكلة فيها .. حضرتك ممكن تكلم نيسان على ١٦٢٤٤ و تعمل شكوى فى التوكيل لو محلوش لك المشكلة .. لو احتاجت اي مساعدة انا تحت أمرك .

تمام بالرغم اني عرفت ان تقريبا رينو بتسمح بتغير الزيت بره و ان الصيانه عندهم ممكن تكتفي انها تبص ع العربيه بس (طبعا اقل في التكلفه كتير) .. بس ده كلام واحد صاحبي معاه رينو و العهده ع الراوي

و ان شاء الله هتصل بـ 16244 على طول لان المهندس اللي هناك قالي ان مفيش ضمان ع الصيانات (بالرغم ان دي اول مره اشوف عربيه عامله 7000 كيلو و تقف) .. و شكرا ع الاهتمام يا باشا :)

**د.محمدعبدالعال** · 31-05-2013 01:37 AM

المشاركة الأصلية كتبت بواسطة mohammed fadl

انا متعود بفول من شيل اللي على طريق شبين-قويسنا على حسب نصيحه زمايلي بس المره الي فاتت اضطريت افول من التعاون لان شيل كانت قافله و الباجوري اللي في شبين كان زحمه جدا و مكنتش اعرف ان التعاون كده ..

وفعلا اتا بعمل الصيانه عند مودرن اللي عند هندسه بس عاوز اغيرهم لان انا مش حاسس ان ده توكيل اساسا .. ده مبقولوش على حاجه الا لما بيوقولي روح الهايكستيب لانه مش موجود عندنا زي ظبط الزوايا و الازاز اللي ورا بيجي في حته و هو طالع و بيقف وبعدين يكمل (ساعتها قالي انه كهربائي و ان طالما الازاز بيطلع فدي مش مشكلته لو عاوز تعملها روح الهايكستب) بس هي بصراحه مش حاجه مؤثره خالص تستدعي اني افكر اسافرلها.

نصيحة بلاش توكيل نيسان اللي في شبين ده .. محدش شكر فيه .. أنا من منوف ورحت اوتوايجيبت أبو رواش .. مشوار الصيانة الدورية ده تقريبا مشوار كل 3 شهور مرة ف مش هتفرق .. الصيانة مهم انك تسافرلها خصوصا لما يبقى حاجة في الضمان .. ولأن كمان في طريق السفر ممكن تكتشف حاجات معينة عاوزة تتظبط في العربية ف هيبقى اختبار كويس لها قبل وبعد الصيانة.. ممكن تغير الزيت بره التوكيل عادي وتغير الفلتر كمان لو عاوز .. بلاش زيت موبيل لأنه تعبان جدا ومعظم اللي في السوق دلوقتي مغشوش .. ابقى هات شل ألترا 10000 كم وغيره على 8000 كم .. أو توتال 10000 وبرضه غيره على 8000 .. بالنسبة لزجاج العربية لو رحت التوكيل مش هيعمله في الضمان بس ممكن تشوف حد بتاع زجاج سيارات في شبين يعملهولك .. هو بس عاوز يتبيت في المجرى بتاعه ..

وتحيا جمهورية المنوفية يا ريس