الحمد لله اشتريت نيو اكسنت 2008

**michohat** · 08-06-2013 09:56 AM

اه والله
ركزت مع الطريق ومبصتش ف العداد لقيت نفسي جايب 160

دلوقت عندي شوية استفسارات

الحمد لله العربية فيها الانزار بتاعها اللي الريموت بتاعه شبهه ريموت الوولف
ازاي اضبط حساسية جهاز الانذار ومنين؟

مساحات الزجاج كبيرةالشماسات اللي عندي اللي هيا كانت بتغرق زجاج ال 131 مش مغطيه كل مساحه الزجاج ومش عارف اخليها مساكه ف الزجاج هل في احجام من الشماسات دي؟

اريل السقف بيتباع فين؟؟ لانه مش موجوده ف العربية ورينج سعره كام ؟ قاعدته موجوده لكن الجزء الي بيركب مش موجود

سماعات العربية الخلفية سلك السماعات ملحوم فيها بقصدير هل ده شغل الفبيركه لاني كنت متصور ان الفبيركة كلبسات
ولاني برضه عاوز اركب سماعاتي هيا نفس الحجم فهل افك القصدير ده ولا اعمل القصدير ده لحام سلك في نهايته فيشة بتتفك ويطلع السلك بالسماعه؟

لمبة الصالون ازاي افك الفانوس علشان اغير اللمبه

زراير الازاز الكهربا هل كلها بتنور ؟ لان مفيش زرار واحد اللي منور فازاي اقدر افك زراير الابواب ولمض ايه اللي بتركب

العربية فيها خاصيه رزله قوي
العربية بتقفل بعد من 10 الي 20 ثانيه وحصل معايا اني وديت قريبي ودا العربية تتغسل وفي المغسله العربية قفلت على المفاتيح والازاز طبعا مقفول
فكان الخسائر في تجريح قائم السواق لمحاولة فتح العربية بعمل فرق بين باب السواق وجسم العربية فهل التحميلة اللي ف القايم دي ممكن تترد ولا اسيبها كده
ومع الخاصية دي هل تنصحوني اركب وحدات رفع للزجاج مع العلم اني ان شاء الله النهارده هعمل سلاح بس من مفتاح العربية وهحتفظ بيه ف المحفظة علشان الموقف ده مش يتكرر تاني

وبس ده كل اللي عندي لحد الان معلش طولت عليكم

**michohat** · 08-06-2013 09:58 AM

نسيت صح
ايه الخطوات الصح لتشغيل التكييف وغلقة
بكره السرعات ( 1 و 2 و 3 و4 )
زرار ِa/c

ايه التتابع المفروض استخدمه في التشغيل والغلق؟ انهي قبل انهي؟

**michohat** · 08-06-2013 10:00 AM

هل يوجد زارير اضافيه في التابلوة من الممكن استغلالها
عاوز اركب السرينه بتاعتي ومش لاقي مكان غير مكان زرار الفوجات فهل في غيره لاني ان شاء الله ناوي اركب فوجات

**michohat** · 08-06-2013 10:05 AM

الفانوس الخلفي البلاستيك بتاعه ف كسر ان شاء الله ناوي افيم الفانوسين احمر علشان سمعت ان الفوانيس الموجوده ف السوق بتقعد فتره و بعد كده بتصفر لان اللي راكب فنوسها الاصلي
فهل الحل ده صح؟

**ALnadi** · 08-06-2013 12:06 PM

المشاركة الأصلية كتبت بواسطة michohat

اه والله
ركزت مع الطريق ومبصتش ف العداد لقيت نفسي جايب 160

العربية فيها خاصيه رزله قوي
العربية بتقفل بعد من 10 الي 20 ثانيه وحصل معايا اني وديت قريبي ودا العربية تتغسل وفي المغسله العربية قفلت على المفاتيح والازاز طبعا مقفول
فكان الخسائر في تجريح قائم السواق لمحاولة فتح العربية بعمل فرق بين باب السواق وجسم العربية فهل التحميلة اللي ف القايم دي ممكن تترد ولا اسيبها كده
ومع الخاصية دي هل تنصحوني اركب وحدات رفع للزجاج مع العلم اني ان شاء الله النهارده هعمل سلاح بس من مفتاح العربية وهحتفظ بيه ف المحفظة علشان الموقف ده مش يتكرر تاني

وبس ده كل اللي عندي لحد الان معلش طولت عليكم

يا راجل حد يعمل كده - قدر الله وما شاء فعل
حذارى تلعب فى القايم كل ما تفعله استخدم كمبون بحرص وبعدين بولش وبلاش تعمل أى حاجة ثانية

**shaf3y** · 08-06-2013 12:26 PM

السلام عيكم
اولا الف مبروك ربنا يديك خيرها ويبعد عنك شرها
انا برضه لسه شارى نيو اكسنت 2011 اتوماتيك من حوالى اسبوعين العربيه ماشاء الله كويسه انا لسه بايع الياريس واشترتها ميزتها ماشاء الله ان قطع غيارها متوفره جدا احسن من الياريس بكتير بصراحه هى دى احسن ميزه عن الياريس
تانيا انا لسه مركبلها فوج لايت علشان كنت بدهن الاكصدام لانه كان فى خرابيش وحكات فقلت بالمره اركبهم الفوج لايت انا اشترتهم من التوفيقيه وبصراحه ربنا يبارك فى اعضاء هيونداى على المنتدى قريت البوستات وعملت زى ماقالولى
انا اشترتهم من واحد اسمه درويش بطاح الفانوسين صينى بالمض بتاعتهم خامه معقوله جدا +الشبكه الى فيها الفوجات ب 150 جنيه والمقتاح صراحهه لقيته فى التوكيل ب 140 جنيه فقلت مش مستاهله وخليت الكهربائى يعملهم على نور الطابلوه
ورحت عند البنا سالته عن قطع الغيار بتاعتها ماشاء الله كلها متوفرهوفى منها الاصلى والكورى
يارب اكون افدتك وتقبل تحياتى

**michohat** · 08-06-2013 12:30 PM

المشاركة الأصلية كتبت بواسطة alnadi

يا راجل حد يعمل كده - قدر الله وما شاء فعل
حذارى تلعب فى القايم كل ما تفعله استخدم كمبون بحرص وبعدين بولش وبلاش تعمل أى حاجة ثانية

طب كنت اعمل ايه هل اكسر الزجاج
ومفتاحين العربية جواها والعربية قفلت والازاز مقفول
ده الحل اللي عرفت اعمله وربنا ستر بقى اينعم الاثر هيدنه معايا على طول بس كنت اعمل ايه

**michohat** · 08-06-2013 11:48 PM

لقيت مكنتين زينون مفصولين ف العربية و جربتهم عند الكهربائي لقتهم شغالين
وبس عاوزين لمض
المكنتين عالي وواطي
فبفكر اركبهم ف الفوجات بدل من الكشافات الرئيسية فهل ده ينفع؟

وازاي اقدر اركب جهاز انذار تاني لان الكهربائي قال لي ان جهاز الانذار بتاع العربية ده بتاع المصنع وانه مش بيحوق ولا بيمنع ( بعد قضاء الله طبعا ) الحرامي انه يسرق

**mhf_77** · 09-06-2013 05:04 PM

المشاركة الأصلية كتبت بواسطة khaabas

شوف يا باشا العربية ما شاء الله بتاعه جرى وشد اما شغل الزبده السايحة والجبنة الرومى ده فكك منه لانه اى كلام في التلاجة :)

ركز .. الراجل بيتكلم على موديل 2008 يعنى ( النيو اكسنت) مش الار بى
انا بتكلم عن تجربة سواقه ليها اكتر من 4 سنين و 60 الف كيلو
مينفعش تنفى كلامى عن تجربتى وانت الفتره دى كنت راكب جيلى ولا شيرى صينى ( مع احترامى لملاكها )
ولا مؤاخذه عيب
ولما الصح يتقال من (المجرب ) اللى زىيى
اللى (بيسمع) اللى زيك يفضل يسمع
ومينفيش يتكلم لمجرد (احط تاتشى اشمعنى انا اللى مش هقول راييى )
مش كفاية مش عارف الفرق بين الموديلات وسنواتها ومش بنحرجك

**khaabas** · 09-06-2013 05:11 PM

المشاركة الأصلية كتبت بواسطة mhf_77

ركز .. الراجل بيتكلم على موديل 2008 يعنى ( النيو اكسنت) مش الار بى
انا بتكلم عن تجربة سواقه ليها اكتر من 4 سنين و 60 الف كيلو
مينفعش تنفى كلامى عن تجربتى وانت الفتره دى كنت راكب صينى
ولا مؤاخذه عيب
ولما الصح يتقال من (المجرب ) اللى زىيى
اللى (بيسمع) اللى زيك يفضل يسمع
ومينفيش يتكلم لمجرد (احط تاتشى اشمعنى انا اللى مش هقول راييى )
مش كفاية مش عارف الفرق بين الموديلات وسنواتها ومش بنحرجك

ههههههههههههههههههههههع
الصينى دى كانت نزوة ههههع وراحت لحالها
ماشى موش هاكلم المرة دى بس انتظر تعليقى الساحق فى اول موضوع او كومنت ليك

وعارف والله ان الار بى مفهاش 2008 طبعا :)