الحمد لله اشتريت نيو اكسنت 2008

**michohat** · 11-06-2013 03:41 PM

كتالوج العربية مش معايا
نزلت من ع النت كتالوج بسم الله ما شاء الله فوق ال 2000 صفحه بشوفه اهه

**michohat** · 12-06-2013 09:56 AM

نقطه استيضاحيه؟
كنت قرأت في الكتالوج ان مفاتيح العربية بيجي معاها صفيحه صغيرة كده مدقوق عليها رقم
وانا لما اشتريت العربية الراجل اداني المفاتيح الاصليين بتوعها وبس
فهل لما اجي عاوز اطلع مفتاح اضافي هيكون سهل ولا المفتاح مش هيشتغل؟؟

هل قربه المياه ليها فايظ؟
لاني لاحظت اني كل ما ازود مياه ف القربه مستوى المياة ثابت و فيه تسريب من تحت القربه

**michohat** · 12-06-2013 01:58 PM

اشتريت قطعه اريال من عند بتوع الاكسسوار وركبتها ف السن القلاوظ
الملاحظ انها زيها زي عدمها فهل ده راجع لان نظام ردايو العربية نفسه وحش
ولا الاريال ده مش اريال ومجرد منظر ولازم اشتري الاريال الاصلي من التوكيل

انا جربت حاليا ان الف سلك نحاس حوالين الاريال ووصلته بالقلاوظ وقولت اجرب الاستقبال عامل ازاي قبل ما اشتري الاصلي وفي الاخر يطلع العيب من عندي

**kar!m** · 12-06-2013 02:03 PM

المشاركة الأصلية كتبت بواسطة michohat

اشتريت قطعه اريال من عند بتوع الاكسسوار وركبتها ف السن القلاوظ
الملاحظ انها زيها زي عدمها فهل ده راجع لان نظام ردايو العربية نفسه وحش
ولا الاريال ده مش اريال ومجرد منظر ولازم اشتري الاريال الاصلي من التوكيل

انا جربت حاليا ان الف سلك نحاس حوالين الاريال ووصلته بالقلاوظ وقولت اجرب الاستقبال عامل ازاي قبل ما اشتري الاصلي وفي الاخر يطلع العيب من عندي

ممكن عشان في الزقازيق الاشارة ضعيفة شوية.

**michohat** · 12-06-2013 02:13 PM

ما انا ف ال131 كانت الاشارة كويسة
الاشاره اللي بتيجي لي بتعاني من تشويش ولو عديت من تحت اي سلك كهرباء التشويش بيكون زياده اكتر

استفسار بخصوص قربه المياه
هل مهما زودت مستوى المياه ف القربه
القربه ليها حد معين تستقبل فيه المياه والزياده بتطلعهم من مكان ما ف الجنب او تحتها؟

لاني لاحظت كده النهارده وانا بحاول املا القربه لفمها ومش كنت عارف
كل ما احط مياه الاقيها نزله تجري من تحت القربه

**michohat** · 12-06-2013 11:57 PM

تجربه الاريال ناجحه التشويش انتهىكده مش فاضل الا اني صنع الاريال وازود ف الطول براحتي

**michohat** · 13-06-2013 12:08 AM

المشاركة الأصلية كتبت بواسطة kar!m

ألف مبروك على العربية ربنا يبارك لك فيها و يحفظهالك

هتلاقي علبه فوق المكان اللي بتحط فيه رجلك الشمال بتضبط منها الحساسية دي.

مع اني وطيت وبصيت مش لقيت حاجه رحت لكهربائي وطي ونزل على لي الحساسية لجهاز الانذار

موجودة عند أي بتاع اكسسوار عربيات .. شوف الزعيم اللي على طريق موقف المنصورة.

موجود عند محلات الاكسسوار .. و ممكن في موزع عيونداي في لكوظ.

بيتهيألي الفبريكه مش كده .. بس السماعات صوتها كويس عموما .. لو عاجباك خليها.

مش عارف :-(

زرار زجاج السواق بس هو اللي بينور

المفروض ان السنتر بيقفل مع أول ضغطة فرامل مش بالوقت.

عادي .. شغل التكييف بعد ما تدور العربية .. و 1 و 2 و 3 و 4 دول سرعة الهوا .. حسب الجو و حسب لو في حد راكب ورا و عاوز الهوا يوصل له ولا لأ.

هل زرار تدوير الهوا ( ريسيكل ) على طول اسيبه شغال ولالا لما اشغل التكييف بس اشغله

في واحد ممتاز في الفوانيس .. في شارع الأمن الغذائي .. جنب النزهي بتاع الموبايل .. الشارع اللي على ناصيته fgi .. جنب الزعيم بتاع السندوتشات .. هيصلح لك الحته المكسوره في وش الفانوس .. هو شاب كده و بيفهم أوي.

الراجل بتاع الفوانيس ده لسه مش شوفته ربنا يسهل واعرف اوصل له

**S O P H O S** · 13-06-2013 12:27 AM

الف مبروك يا باشا ..

**michohat** · 15-06-2013 12:22 PM

لله الامر من قبل ومن بعد
الحمد لله نزلت النهارده رايح الشغل لقيت البرابريز الامامي متشرخ بالمنظر اللي ف الصور ده و في خبطه ف القايم
ولقيت جراب النظارة مفتوح من الواضح ان الخبطه جت من فوق العربية ( حاجه وقعت عليها ) وكانت شديدة بالدرجه اللي فتحت الجراب واثرت ف القايم

**mhkorayem** · 16-06-2013 03:12 PM

المشاركة الأصلية كتبت بواسطة michohat

لله الامر من قبل ومن بعد
الحمد لله نزلت النهارده رايح الشغل لقيت البرابريز الامامي متشرخ بالمنظر اللي ف الصور ده و في خبطه ف القايم
ولقيت جراب النظارة مفتوح من الواضح ان الخبطه جت من فوق العربية ( حاجه وقعت عليها ) وكانت شديدة بالدرجه اللي فتحت الجراب واثرت ف القايم

والله عارف احساسك ده
وحسبنا الله ونعم الوكيل في كل انسان مستهتر باذي الاخرين بدون اي احساس
انا حصلي زيك كده وللاسف كانت اسوء لانها طبقتلي سقف العربيه ولحد دلوقتي مش عارف اعمل فيها ايه شكلها زي الزفت ولو رشيت السقف هبقى خسفت بتمنها الارض
بقالها يمكن سنه ونص وكل لما بشوفها بتعكنن وبدعي على اللي عمل كده من كل قلبي ربنا ينتقم منه مترح ما يكون
الحمد لله انت عندك الموضوع ابسط لما تغير الازاز مش هيبقى عندك غير نقره خفيفه في القايم
وربنا يعوض عليك في تمن الازاز