الحمد لله اشتريت نيو اكسنت 2008

**mhf_77** · 09-06-2013 05:30 PM

المشاركة الأصلية كتبت بواسطة khaabas

ههههههههههههههههههههههع
الصينى دى كانت نزوة ههههع وراحت لحالها
ماشى موش هاكلم المرة دى بس انتظر تعليقى الساحق فى اول موضوع او كومنت ليك

وعارف والله ان الار بى مفهاش 2008 طبعا :)

انا اسف لو اسلوبى احتد

بس انت اللى شدتنى الشده دى بردك على ردى وياريت كان صح
ومش عيب ولاد العم يمسكو فى بعض كده قدام الناس؟؟

متزعلش منى انا بعتبرك زى اخويا الصغير (انا حاسس انك اصغر منى مش عارف ليه )

عموما حصل خير وياسيدى انا منتظرك فى ردى القادم تشلوحنى فيه

وزى ماشديتك قدام الناس بعتذرك قدامهم
اخوك محمد

**khaabas** · 09-06-2013 05:43 PM

يا باشا اعتذار ايه بس هو فيه اخوات بيعتذروا لبعض
شوف يا باشا مهما احتد النقاش ما بينا بس والله بحبكم كلكم ممكن يكون الواحد اسلوبه غريب شوية بس اعمل ايه يعنى ربنا خلقنى كده :)

**mhkorayem** · 09-06-2013 10:31 PM

المشاركة الأصلية كتبت بواسطة michohat

طب كنت اعمل ايه هل اكسر الزجاج
ومفتاحين العربية جواها والعربية قفلت والازاز مقفول
ده الحل اللي عرفت اعمله وربنا ستر بقى اينعم الاثر هيدنه معايا على طول بس كنت اعمل ايه

ليه يا عم هو مفيش نسخه تانيه من المفتاح

**michohat** · 09-06-2013 10:38 PM

النسختين كانوا جوه العربية

**michohat** · 09-06-2013 10:41 PM

السنتر فصل عن باب واحد هل اروح لكهربائي يشوف قربه السنتر بتاعت البابولا من السهل اني افك فرش الباب واشوف انايا ريت حد يجاوب على اسئلتيمعلش استحملوني

**kar!m** · 10-06-2013 02:53 PM

ألف مبروك على العربية ربنا يبارك لك فيها و يحفظهالك

المشاركة الأصلية كتبت بواسطة michohat

دلوقت عندي شوية استفسارات

الحمد لله العربية فيها الانزار بتاعها اللي الريموت بتاعه شبهه ريموت الوولف
ازاي اضبط حساسية جهاز الانذار ومنين؟

هتلاقي علبه فوق المكان اللي بتحط فيه رجلك الشمال بتضبط منها الحساسية دي.

المشاركة الأصلية كتبت بواسطة michohat

مساحات الزجاج كبيرةالشماسات اللي عندي اللي هيا كانت بتغرق زجاج ال 131 مش مغطيه كل مساحه الزجاج ومش عارف اخليها مساكه ف الزجاج هل في احجام من الشماسات دي؟

موجودة عند أي بتاع اكسسوار عربيات .. شوف الزعيم اللي على طريق موقف المنصورة.

المشاركة الأصلية كتبت بواسطة michohat

اريل السقف بيتباع فين؟؟ لانه مش موجوده ف العربية ورينج سعره كام ؟ قاعدته موجوده لكن الجزء الي بيركب مش موجود

موجود عند محلات الاكسسوار .. و ممكن في موزع عيونداي في لكوظ.

المشاركة الأصلية كتبت بواسطة michohat

سماعات العربية الخلفية سلك السماعات ملحوم فيها بقصدير هل ده شغل الفبيركه لاني كنت متصور ان الفبيركة كلبسات
ولاني برضه عاوز اركب سماعاتي هيا نفس الحجم فهل افك القصدير ده ولا اعمل القصدير ده لحام سلك في نهايته فيشة بتتفك ويطلع السلك بالسماعه؟

بيتهيألي الفبريكه مش كده .. بس السماعات صوتها كويس عموما .. لو عاجباك خليها.

المشاركة الأصلية كتبت بواسطة michohat

لمبة الصالون ازاي افك الفانوس علشان اغير اللمبه

مش عارف :-(

المشاركة الأصلية كتبت بواسطة michohat

زراير الازاز الكهربا هل كلها بتنور ؟ لان مفيش زرار واحد اللي منور فازاي اقدر افك زراير الابواب ولمض ايه اللي بتركب

زرار زجاج السواق بس هو اللي بينور

المشاركة الأصلية كتبت بواسطة michohat

العربية فيها خاصيه رزله قوي
العربية بتقفل بعد من 10 الي 20 ثانيه وحصل معايا اني وديت قريبي ودا العربية تتغسل وفي المغسله العربية قفلت على المفاتيح والازاز طبعا مقفول
فكان الخسائر في تجريح قائم السواق لمحاولة فتح العربية بعمل فرق بين باب السواق وجسم العربية فهل التحميلة اللي ف القايم دي ممكن تترد ولا اسيبها كده
ومع الخاصية دي هل تنصحوني اركب وحدات رفع للزجاج مع العلم اني ان شاء الله النهارده هعمل سلاح بس من مفتاح العربية وهحتفظ بيه ف المحفظة علشان الموقف ده مش يتكرر تاني

وبس ده كل اللي عندي لحد الان معلش طولت عليكم

المفروض ان السنتر بيقفل مع أول ضغطة فرامل مش بالوقت.

المشاركة الأصلية كتبت بواسطة michohat

نسيت صح
ايه الخطوات الصح لتشغيل التكييف وغلقة
بكره السرعات ( 1 و 2 و 3 و4 )
زرار ِa/c

ايه التتابع المفروض استخدمه في التشغيل والغلق؟ انهي قبل انهي؟

عادي .. شغل التكييف بعد ما تدور العربية .. و 1 و 2 و 3 و 4 دول سرعة الهوا .. حسب الجو و حسب لو في حد راكب ورا و عاوز الهوا يوصل له ولا لأ.

المشاركة الأصلية كتبت بواسطة michohat

الفانوس الخلفي البلاستيك بتاعه ف كسر ان شاء الله ناوي افيم الفانوسين احمر علشان سمعت ان الفوانيس الموجوده ف السوق بتقعد فتره و بعد كده بتصفر لان اللي راكب فنوسها الاصلي
فهل الحل ده صح؟

في واحد ممتاز في الفوانيس .. في شارع الأمن الغذائي .. جنب النزهي بتاع الموبايل .. الشارع اللي على ناصيته fgi .. جنب الزعيم بتاع السندوتشات .. هيصلح لك الحته المكسوره في وش الفانوس .. هو شاب كده و بيفهم أوي.

**kar!m** · 10-06-2013 02:57 PM

المشاركة الأصلية كتبت بواسطة michohat

السنتر فصل عن باب واحد هل اروح لكهربائي يشوف قربه السنتر بتاعت البابولا من السهل اني افك فرش الباب واشوف انايا ريت حد يجاوب على اسئلتيمعلش استحملوني

تروح لكهربائي طبعا .. بدل ما تكسر كليبس ولا حاجه.

في واحد اسمه علاء مرسيدس .. في اول طريق الزرقية .. و خليه بالمره يغير لك لمبة الصالون.

**michohat** · 10-06-2013 03:34 PM

المشاركة الأصلية كتبت بواسطة kar!m

تروح لكهربائي طبعا .. بدل ما تكسر كليبس ولا حاجه.

في واحد اسمه علاء مرسيدس .. في اول طريق الزرقية .. و خليه بالمره يغير لك لمبة الصالون.

علاء مرسيدس ده موجود اول طريق الزرقية ع طول ولا شوية لقدام
واللي اسمه قورة ده كهربائي برضه؟
لمبه الصالون المفتاح بتاعها حر الحركة يعني بيروح وبيجي ومش بيفتح النور فهل المفتاح ده بيتصلح مثلا يتركب له سوسته ولا الكشاف كله بيتغير

**michohat** · 10-06-2013 04:01 PM

المشاركة الأصلية كتبت بواسطة kar!m

ألف مبروك على العربية ربنا يبارك لك فيها و يحفظهالك

هتلاقي علبه فوق المكان اللي بتحط فيه رجلك الشمال بتضبط منها الحساسية دي.

هشوفها اول ما انزل للعربيه لان الكهربائي لما سئلته قال لي انه مش بيعلا لانه مش متركب ليها ده بتاعها وكنت بس عاوز اتأكد من المعلومة دي

موجودة عند أي بتاع اكسسوار عربيات .. شوف الزعيم اللي على طريق موقف المنصورة.

موجود عند محلات الاكسسوار .. و ممكن في موزع عيونداي في لكوظ.

بيتهيألي الفبريكه مش كده .. بس السماعات صوتها كويس عموما .. لو عاجباك خليها.

مش عارف :-(

زرار زجاج السواق بس هو اللي بينور

المفروض ان السنتر بيقفل مع أول ضغطة فرامل مش بالوقت.

[color="rgb(65, 105, 225)"]السنتر بيقفل بعد وقت معين 10 - 20 ثانية اعتقد من وضع المفتاح ف الكونتاكت[/color]

عادي .. شغل التكييف بعد ما تدور العربية .. و 1 و 2 و 3 و 4 دول سرعة الهوا .. حسب الجو و حسب لو في حد راكب ورا و عاوز الهوا يوصل له ولا لأ.

[color="rgb(65, 105, 225)"]ايه الترتيب الصح ادور البكره الاول وادوس ع a/c ولا العكس و برضه لما اقفل انهي الاول؟[/color]

في واحد ممتاز في الفوانيس .. في شارع الأمن الغذائي .. جنب النزهي بتاع الموبايل .. الشارع اللي على ناصيته fgi .. جنب الزعيم بتاع السندوتشات .. هيصلح لك الحته المكسوره في وش الفانوس .. هو شاب كده و بيفهم أوي.

ممكن وصف اكتر
هل الزعيم ده ف شارع بتاع محل سروات للاسماك ولا في الشارع التاني اللي فيه كراميل بتاع الايس كريم
معلش لاني بتلخبط ف الشارعين دول

**khmshry** · 10-06-2013 04:03 PM

ازيكم ياشباب كنت بسأل ايه افضل تيل فرامل لنيواكسنت2010 امامي لأنني سألت في التوكيل لقيته ب450 جنيه غلي قوي مش عارف ليه او اجيب الاصلي من بره غبور ويكون مضمون مش تقليد كمان ايه افضل المساعدين الامامي للسيارة اللي في التوكيل 1800 جنيه وغير الماندو وهل فيه kybاو المنرو وبكام :b4_564: