الموضوع: الفتيس...و....السبع...ونيسان n16..وامرى لله

المشاركة الأصلية كتبت بواسطة buddha

ولا تزعل نفسك خالص ..... موضوع سهل جدا حتى لو لا يقدر الله هتغير موتور

والحمد لله انها حصلت معاك بدرى عشان الضمان وانت مش هتدفع ولا اى جنية
بالتوفيق يا باشا

بس بعد ما تخلص التغير وتجرب العربية ساعات الفتيس مع الغيارات مش بتعلم اللمبة فى التابلوة

تبقى جرب كل اوضاع الفتيس وانتا وقف هناك والعربية دايرة طبعا
وتلاحظ هل فى دبة اثناء الغيار ولا لا

عشان بردة تعرف اخبار التربيط اية والتقفيل بتاع الشغل

بالتوفيق يا باشا وانا متابع معاك ان شاء الله ومبروك مقدما الفتيس الجديد

ربنا يخليك ..وانا بكرة هاخد بالى ان شاء الله من الحاجات الى قلتلى عليها وانا والله قلت لنفسى لو الى بيحصلى من لغبطة كتير فى حياتى الايام دى حتى وصلت لعربيتى شر فاللهم اقلبه خيرا لى وان كان خير فاللهم لك الحمد حتى ترضى ولك الحمد اذا رضيت

المشاركة الأصلية كتبت بواسطة fbiahmed

لا تقلق انا كنت جايب العربيه زي حضرتك بس كانت عامله 500 كيلو بس مانيوال و روحت السبع و غيرو الفتيس كامل و العربيه زي الفل و على فكره التكيف لما تبقى حراره الجو فوق 35 و العربيه مركونه في الشمس بيبقى ضعيف في الزحمه لكن ع السريع زي الفل لا تقلق المشكله بئا ازاي العربيات بتطلع كده من المصنع

حكولى عنك ياباشا ورجعت شوفت التقرير بتاعك عن الموضوع دة وعلى فكرة انا عربيتى عملت المشكلة دى وهى 800 كيلو بس انا مكنتش اعرف انة فتيس وهما الى وجهوا نظرى لكدة

نبداء يومنا الثالث على التوالى فى السبع ....بسم الله اولا واخيرا
كان الاتفاق امبارح بتغير بلية العجل وهو يبقى ابتدينا بالخفيف ولو فضل الصوت هنشتغل فتيس ..العربية وصلت الصيانة 9 دخلت 11 تقريب او 12 كان فى ضغط شغل ولوود عالى تم تغير بلية العجل وجربنا العربية وجربنا عربية تانية نفس الموديل العربية فيها 3 اصوات الصوت الاول كان صوت نحرة مع التكيف عند الاربى ام 2 ودة طبيعى الصوت التانى شبة شخلله ودة بسبب البلية واختفى بعد تغيرها فضلنا صوت شبية بالكركرة من سرعة 30 الى 20 يعنى والعربيية نازلة سرعتها وفيما بعد سرعة 60 العربية اشتغل فيها مهندسىن السبع كلهم تقريبا المهم لما جربنا عربية تانية لقينا صوت عربيتى زى العربية التانية وبعدين جربنا تانى الاتنين وجدنا ان عربيتى صوتها اعلى بنسبة 10الى 20% والصوت مستمر لكن التانية بيقطع ساعات المهم توصلنا لنتيجة وهى اننا مش هنغير الفتيس الا بعد 10 ايام على سبيل المثال يكون الصوت زاد او اختفى وساعتها هنحدد دة باختصار الى تم النهاردة نيجى لشىء مهم بقى لازم يتقال النهاردة وهو الشكر للاستاذ حمدى والد الاستاذ ابراهيم الى كان واقف معايا بيدعمنى وبذل مجهود معايا وتوجيهى واكيد الاستاذ احمد مصطفى الى طمنى من الموضوع وهونو عليا ...وبعدين نروح للسبع انا ياجماعة اتعاملت معاملة وخدت اهتمام فى حياتى ما شوفتة فى حتة عربيتى كانت محور اهتمام عالى ومسكتوش لحد ميكانيكا العربية لكن كمان اشتغلو اطباء فى نفسية العميل انا فى كمية ناس كلمتنى على كيفية تركيب الفتيس وانة اسهل ما يكون والله لو مكانهم كنت قلبتنى وروحتنى انا وعربيتى بلا وجع قلب .....عندنا المهندس مهند مهندس الاستقبال استقبلنى وتابعنى كتير وتابع التطورات الى بيحصل ...ندخل للورشة جوة الباشمهندس خالد الرامى والباشمهندس وائل بيومى بامانة لا تعليق عليهم ماقدرش اوفى بحقهم المهندس خالد جرب عربيتى حوالى 3 مرات وعربية تانية كمان وسمعنى صوتها والباشمهندس وائل جرب عربيتى وعربية تانية وطلب منى الاتصال بية كل يومين حتى نهاية الـ10 ايام اطمنوا على عربيتى وانطباعى عنها بمعنى الصوت زاد قل الاداء اخبارة اية ...المهندس محمد عمر ودة الفصل الاول من القصة هو والمهندس محمد عبدالمنعم اصحاب اكتشاف الصوت الغريب والى صمموا على تصليح العربية سواء شئت ام ابيت بلطجة يعنى الناس دى كلها وقفت معايا واشتغلولى مرة مهندسين ومرة دكاترة نفسية بامانة مشووفتش كدة قبل كدة وقررت بسبب كدة انى اطلع لمدير التطوير المهندس كريم هاشم ومدير الشركة معتز صلاح الدين لما بلغوهم ان فى عميل عايزكم طبعا توقعوا شكوى انا استغربت من ردة فعلهم لما شافونى وقبل الكلام تحس انهم زعلانين ان العميل وصل لحد عندهم ودة معناة ان العملية خرجت من ايد الناس الى تحت والمشكلة كبرت لكن انا شكرتهم وشكرت المهندسين الى خدمونى بجد لان دى ادراة كويسة وصممت انى ابعت شكر ليهم بس عرفت انى لو صممت اشكرهم فالشكر هيكون للشركة الام نيسان مصر وانا فعلا ناوى ابعت لنيسان ميل هيكون اولة الكلام الى كاتبة الاستاذ احمد فوق وهو ازاى عربية تخرج من المصنع فتيسها بايظ فين التجارب وثانيا هشكر السبع الى شوفت فية اهتمام مشفتوش فى التوكيلات الاخرى ..وفى النهاية انا بشكركم انتوا اكتر من اى حد اعضاء نايل موتورز الى ساعدونى وهبلغكم ان شاء الله اية الى هيتم بعد 10 ايام وادعولى ان الصوت يروح ونخلص

المشاركة الأصلية كتبت بواسطة ramy rateb

شكرا لك انت على ذوقك و أسلوب كلامك المحترم ربنا يطمنا عليك و على العربية .. و شكرًا لأستاذ حمدى و أ. أحمد مصطفى أنهم مستمرين فى خدمة أعضاء قسم نيسان على الرغم من كل الظروف السيئة اللى بيمر بها القسم .. ربنا يهدى الحال و يوفقنا ل اللى فيه الخير.

ياباشا ربنا يخليك واسلوبى وذوقى مايوفيش حق ناس تعبت معايا بجد

المشاركة الأصلية كتبت بواسطة youssef.awad

1000 مبروك مقدما وان شاء الله خير والمهم ان حضرتك مبسوط ومرتاح نفسيا بغض النظر عن اللى فى عربيتك

انا اتعاملت مع المهندس خالد فى صيانة ال40 الف كم لعربيتى فى يونيو 2011.. بصراحة دكتوراة فى الصنى وودانه حلوة اوى فى تجربة العربيات
كنت باشتكى من عيب الضفيرة واتغيرت فى الضمان يوميها وحسن حظى انها كانت متوفرة ومش محتاج انتظر وصوت فى العفشة الامامية وكان السبب كاوتشات تراب المساعدين واتغيروا كمان ب300 ج

انا فى كلمة قالهالى المهندس وائل بيومى قالى لو فى الاخر طلعت العربية عايزة فتيس سيبلى رقبتك بالسكينة وملكش دعوة طبعا اسيب لمين رقبتى لكن والله بعد كلام امبارح والى حصل انا هسيبلهم رقبتى وانا مطمن لان الناس دى مابتهزرش ..والمهندس خالد الصراحة تعب معايا جداا ...انا كنت فاكر انى كسبت عربية نيسان بتمشى على الحيط وتتشقلب وطبعا بعد الفتيس دة احساسى بالعربية قل شوية لكن والله العظيم احساسى بالناس المحترمة الى فى نايل موتورز وفى مركز السبع من الناس الى اشتغلوا عليا وعلى عربيتى عوضنى كتير عن اهتزاز ثقتى فى نيسان وانا ناوى ابعت ايميل لنيسان مصر و الشركة الام باليابان وهشتكى صناعة نيسان فى مصر لان تحت اى مبرر تطلع عربية بايظة من مصنع فين التجارب وفين الاجهزة معندهومش يبقوا يسلموا العربيات للمهندس خالد او المهندس وائل او محمد عمر و محمد عبد المنعم وكلهم هناك مهندسين شاطرين يبقوا يبصوا على العربية الى طالعة من نيسان قبل ما تتباع للعميل وبكدة تطلع العربيات كويسة ..وكمان هشكر مركز السبع فى شركة نيسان مصر وفى الشركة اليابان ان شاء الله

لية كدة
انا كمان معايا نفس العربية استلام شهر 12 1600 كيلو وكان التكييف مش بيسقع نهائى وكنت بالمصادفة راجع من صيانة الالف كشفت برة قالى ولا نقطة فريون فى العربية . المهم بعد حكايات مع التوكيل تم الاصلاح . بصراحة ربنا معاك وموضوعك يخلص على خير .