الموضوع: الفتيس...و....السبع...ونيسان n16..وامرى لله

المشاركة الأصلية كتبت بواسطة ramy rateb

ربنا معاك و إن شاء الله ينتهى الأمر على خير .. فيه زميل لنا غير فتيس عربيته فى السبع قبل كده نتيجة مشكلة فيه
http://www.nilemotors.net/nile/231920-a.html
و لغاية دلوقتى معاه العربية .. متقلقش نفسك و اشكر ربنا أن وراك توكيل بيدور على مصلحتك و عايز يغير الفتيس كله مش يصلحه . السبع من المراكز المحترمة ، خليك متابع معاه.

قالولى فعلا علية النهاردة ياباشا وادينى معاهم والعملية بكرة

المشاركة الأصلية كتبت بواسطة miceg

ان شاء الله مشكلتك تتحل بسهولة
موضوع التكييف
فعلا التكييف اليومين دول بيفصل مني بعد حوالي ربع ساعه من الحر الي بنعيشه
وكنت شاكك انه عاوز يتشحن مثلا
لكن دلوقتي انت أكدتلي معلومة ان التكييف ممكن يكون بيفصل تلقائي
ياريت باقي الناس تقولنا على حال التكييف اليومين دول
والله ما انا فاهم لما التكيف بيفصل فى الحر اشغلوا فى البرد طيب

المشاركة الأصلية كتبت بواسطة beshoyyy

ربنا معاك بجد و انا مستعد اشرحلك طريق مودرن الهايكستب اصلي دة طريق شغلي
انا تحت امرك و ارجوك ماتزعلش و ربنا هيحلها

ربنا يخليك ياباشا بس هو الوضع تقريبا التغير لا مفر

المشاركة الأصلية كتبت بواسطة atefadel

ربنا معاك

الله يخليك ياباشا وربنا معانا كلنا

بعد مكالمة الاستاذ احمد مصطفى وتطمينى والاستاذ ابراهيم ووالدة الانسان المحترم الاستاذ حمدى وهو والله الى يكلمة يحس انة زى والدة ارسلونى للاحد المهندسين وفعلا روحت النهاردة والمهندس استقبلنى وتم تجربة السيارة وبعد مجهود لمحاولة سمع الصوت منة تم السماع وبطل العربية وهى ماشية وقالك ازاى فى صوت بالرغم من ان العربية مبطلة كدة انا اشك فى بلى العجل استنى هنا وانا 10 دقايق واخرجلك اكشف عليها بنفسى وسئلتة لو كان فى اجهزة تكشف العيب منين وقالى طبعا وانا هدخلها جوة واكشف دخل وانا استنيتة بالعربية برة هو دخل من غير العربية وبعد شوية خرج وقالى ان المهندسين محمد عبدالمنعم وعمرو بيومى ومحمد عمر كشفوا عليها امبارح بالاجهزة ودول ناس محترمين فقلتلة ان محصلش ان العربية اتكشف عليها بجهاز لاننا اكتشفنا الساعة 6.30 موضوع الفتيس وانا دخلت بيها الورشة المهم وصلت لدرجة الخنقة وطلبت تقرير بحالة العربية ودخلونى للمهندس محمد عبد المنعم وعمرو بيومى وكان فى رفض قاطع باسلوب هندل العميل يعنى اعملوا اى حاجة بس مافيش تقرير ودى سياسة نيسان وطبعا انا محتاج حد يوضحلى لية سياسة نيسان كدة اية الضرر من انى اخد تقرير المهم الناس مازلت محترمة وعايزين مساعدتى وقررنا بكرة نغير بلى العجل كبداية ونجرب ولو مازال الصوت يبقى هنغير الفتيس ولله الامر من قبل ومن وبعد ..يبقى السؤالين الى عايز الناس تجاوبلى عليهم لية السبع بامر من نيسان رافض يدينى تقرير ؟ وما هى الاجزاء المتصلة بالفتيس يعنى عشان الفتيس يتحل او يتشال بيتفك اية معاة ومكانة فين فى العربية ؟

فى توكيلات بتنشف ريق الناس عشان تغير قشه فى الضمان والناس كانوا هيغيروا فتيس بربع تمن العربيه انت المستفيد لو اى حاجه اتغيرت فى الضمان

المشاركة الأصلية كتبت بواسطة houras1010

فى توكيلات بتنشف ريق الناس عشان تغير قشه فى الضمان والناس كانوا هيغيروا فتيس بربع تمن العربيه انت المستفيد لو اى حاجه اتغيرت فى الضمان

والله ياباشا انت ما متخيل انى مش عايز استفيد ..انت فاكر مسرحية العيال كبرت (ياست انا عايز ابنى ) انا بقى عايز عربيتى من غير لعب ...حد ياخدها واديلوا 10،000 جنية كمان ويدونى عربية جديدة من غير لعب ...فاهمنى ..يالا قدر الله وماشاء فعل

المشاركة الأصلية كتبت بواسطة youssef.awad

الضمان الحقيقى لأى عربية واى وكيل هو اللى يضمنلك انه يغير اى جزء فى العربية اذا ظهر فيها اى تلف بدون نقاش
والسبع قبل كده غير فتيس مانيوال فى عربية صديقنا احمد ابراهيم موديل 2011 على ما اتذكر وكانت ماشية 200 كم فقط والسبب ترشيح زيت
والسبع برضه بيغير اجزاء كتير فى عربيات كتير فى الضمان
ولعلم حضرتك لو الوكيل غير اى قطعة وهى سليمة هو اللى بيتحمل ثمنها لأن المصنع او الشركة الموردة مش هاتعوضه بنفس القطعة او مقابلها ماديا
يعنى قرار التغيير فى حد ذاته عبء كبير على متخذه من اى توكيل
تحياتى

والله يافندم انا فاهم كويس جدااا وانا معنديش مشكلة مع السبع الامجرد هو انتوا مش عايزين تدونى تقرير لية والا عندى مشكلة مع الضمان عموما انا بس بحب عربيتى الى ملحقتش استمتع بيها تكون سليمة وزى اى مواطن مصرى اشترى نيسان ....الموضوع مشكلة محدش هيحسها الا الشخص الى بيحب حاجتة زى ماهى بدون تغيرات بس

طب لما تيجى تعمل الصيانات الدوريه من تغيير تيل فرامل وسيور هتتصرف ازاى
ما هما هيفكوا فى العربيه ويركبوا تانى