الموضوع: الفتيس...و....السبع...ونيسان n16..وامرى لله

حلوة استحالة دى دة على اساس انك اشتريت شمعدان الاحمر والله يا باشا انا لو كنت اكتشفت الموضوع دة فى خلال 14 يوم كنت خليت المصنع يلف حوالين نفسة بالقانون انا مشكلتى ان القانون مش معايا دوقتى عشان كدة انا بعورهم بس عشان ياخدو بالهم من الى بعدى لكن لو كان معايا القانون كنت عيطهم جامد اوى ...احنا هنا فى مصر يعنى العربية مش وسيلة انتقال دى راس مال قرار عربية جديدة عندنا بيتاخد بعد سؤال الاهل والاقارب ورصيد البنك ودراسة احوال الشغل لمدة 10 سنين قدام و 8 استخارة و 970 مرة لف على معارض وسؤال عن احسن عربية باقل سعر ودول بيتعاملوا معانا باسلوب هلا ياشيخ ايش تبغى سيارتين ام ثلاثة

أولا / الله يعينك عللى انت فيه
ثانيا / رايي الشخصى العربية دى لازم تتغير بواحدة تانية لأنها معيبة وانت مادفعتش قليل عشان تاخد عربية معيبة ومش أى عيب ده عيب خطير جدا حتى لو كان له حل ، هى نيسان مصر كانت حتتنازل عن جنيه واحد فى العربية ولا أخدت حقها بالكامل ؟ يبقى إنت كمان لازم تاخد حقك بالكامل فى سيارة سليمة 100%
ثالثا / لماذا لم تكلم جهاز حماية المستهلك حتى لوكان هذا القرار عديم الفائدة فى أيامنا السوده دى اللى مافيهشا قانون ولا دياولو بس أهو طريق تسلكه يمكن يجيب فائدة
رابعا / أنا رأيي حتى لو المشكلى إتحلت حاول تغير العربية بأى شكل ممكن ويعنى إيه إستحالة تتغير ده أنا كنت عملت فيها مازنجر ونطيت علالمصنع وخدت واحدة بالعافية ( طبعا مش حعمل كده لأنى مش مازنجر ولا حتى كتكوت)
خامسا / أود بالنيابة عنك أن أضيف شكرى وإعتزازى بمركز خدمة السبع لأنى بتعامل معاهم بقالى 5 سنوان معايا صنى 2008 وماروحتش لغيرهم لثقتى بهم جميعا من أول باشمهندس معتز لآخر واحد وأصغر واحد فى المركز وده اللى خلانى أكتر من مرة أعتب عليهم فى موضوع تأخير العربيات عنده أكتر من الوقت المسموح به بزمن وأيضا فى بعض المشاكل الصغيرة لكن بشكل عام هما من أفضل مراكز خدمة نيسان فى مصر بس يعالجه هذه الأخطاء الصغيرة حتى يستمروا كبارا

سؤال بسيط هوه إمتى حينزل عرض الصيانة بتاع نيسان مصر ؟

والله ياباشا فعلا السبع ناس محترمة وانا قلتلهم على قصة التاخير دى ..اما قصة التغير وحماية المستهلك فالوقت فات خلاص دة كان حقى فى 14يوم ولو عملت مازينجر والاكتكوت ابو الليل بردو مافيش تغيير لان القانون تقريبا فى صفهم رغم انى بحاول اشوفلى مخرج ولو فى النهاية مانفعش يبقى كفاية عليهم عرض مشكلتى فى الجرايد الخاصة بالسيارات واستنى اقرب معرض واعملهم فضيحة حلوة بردو فية وساعتها هيبقى انا كمان بلعب بالقانون انا مش بشهر بيهم انا بعرض مشكلتى وعندى استعداد اطبع ورق بالكلام دة واوزعة على كل الى داخل جناح نيسان انا لسة محددتش كل اساليب التصعيد لكن ابتديت فعلا التمهيد للتصعيد...بالرغم ان السبع اكدلى ان الموضوع حلة سهل ومستعدين نحلة والعربية هتبقى اكنها خارجة من المصنع وهنتحدى بيها اى حد وانا مصدقهم بس هى كل المشكلة تنحصر فى انا مالى بالفيلم دة كلة لية انا غير اكثرية من اشتروى صنى والى انا دافع زيهم بالظبط والعربية شغالة معاهم وانا هتفتحولى قلبها وتغيرولى فتيس مين هيعوضنى وقت ومجهود وانها تتفكك كلها ولو عوضونى بمليون جنية حرق دمى فى ميزان ــــ قدامة الارض كلها بما عليها ما يكفنيش....على فكرة انا مازلت بحترم السيارة نيسان واثق فى قدرتها لكنى لا احترم الادارة المصرية المسئولة عن جودة العربية وقابليتها للنزول للسوق المصرى

(طب هو فيه منطق يقول اني اصلح حاجه لسا شاريها)



مثلا والنبى ? ينفع ده ياعم FBIAhmed ؟