الموضوع: شارك برأيك ، هل تفوقت السيارات الكورية علي السيارات اليابانية؟

المشاركة الأصلية كتبت بواسطة devil_storm

سامح باشا... انا كده بقالى اسبوع سايق السيفيك 2008 ماتور 1800 سى سى, فعلا في فرق في الاداء لصلح الهوندا ( ثبات و هاندلينج) بالمقارنه مع الالنترا... لسه العربيه حتفضل معايا شهر كامل بس عجبانى جدا فى الاداء



بص دى ملخص تجربة قيادة الهوندا اول فئه 1800 ا و الالنترا الفولى لودد بختصار و بمنتهى الامانة:

• الهوندا تسارع ممتاز جدا و العربيه 1800 بتسبق عربيات 2400!!! و الالنترا تسارعها حلو جدا برده و فايقة جدا بالنسبه للعربيات 1600 ...
• باور الهوندا زيت مش ناعم ذى الالنترا طبعا بس مديك تحكم افضل و اداء رياضى جميل في المقابل باور الالنترا ممتع جدا فى الركن و بيتقل كل ما السرعة تزيد بس مش بدقة باور الهوندا. الهاندلينج افضل للهوندا
• ثبات الهوندا افضل شويه من الالنترا لاني شايف ان الالنترا الجديد ثبتها مرضى جدا لحد 160 و كنت باخد ملفات على 180 بس نقدر نقول الهوندا افضل شويه بسيطه مش الفرق الواو يعنى
• الفرامل تقريبا ذى بعض و يمكن الالنترا افضل حاجة بسيطة جدا (فرامل الفولى لودد ورا ديسكات و الهوندا درمز!!! و كمان الجنوط و عرض الكوتش) و عموما فرامل السيراتو افضل منهم هما الاتنين و ده من خلال قيادتى للثلاثة.
• عزل الالنترا افضل ... سبحان الله!!! صوت الهوا فى الهوندا عالى جدا و صوت الكوتش و الماتور كمان... الالنترا افضل بكتير بس يمكن علشان الهوندا 2008 و الالنترا 2012
• فى عيب فى الالنترا ان العجل بيصفر لما تيجى تحود, تحس انها محتاجة ظبط زوايا رغم ان زوايها مظبوطة!!! و العيب ده موجود فى الفيرنا طبعا و اعتقد اغلب الهيونداى اللى اقل من النترا و العيب ده مش موجود فى الهوندا طبعا.
• خامات الهوندا عاديه جدا و معظم التابلوة بلاستيك ماعدا حتة صغيرة جدا فوق العداد و البيبان قطيفة بتتوسخ و تبقى شكلها بايخ و كله بعد كده بلاستيك... فين بقى الخامات اللي بتكلم عليها و دي خامتها افضل من الجديدة كمان!!! في المقابل خامات الفولى لودد جميله جدا و التبلوه كله سوفت مش يلاستيك و البيبان و الكراسى جلد و الالنترا الفولى لودد تتفوق طبعا على الهوندا اول فئة فى الخامات و بينه جدا لاي حد حيركب العربيتين
• عدادات الهوندا الديجيتال و التابلوه و زويه ميل الزجاج الامامى تديك احساس انك سايق طيارة او racing car... بصراح تحفه و عدادات الالنترا و تصميم الانتريور برده تحفة و الاتنين احلى من بعض... بس تصميم الانتريور ككل الالنترا افضل لان الزراير و اضائتها في الهوندا كئيبة شويه و زراير البيبان مش بتنور!!!
• كماليات الالنترا الفولى لودد لا تقارن بالهوندا... فتحة سقف - بصمة - مرايات ضم باشاره - جنوط - سنسور بارك - بلوتوث - تكييف تاتش - ..... بصراحه تديك احساس انك راكب عربيه مش كومبكت خالص... الهوندا مفيش فيها اي حاجة غير شكل العداد و تصميم التابلوة, تصور مفهاش ساعة و لا اماكن تخزين مشروبات!!! بفضل ماسك البيبس فى ايدى!!! مفهاش كمان فوج لايتس امامى!!! معرفش بقى المصرى كده ولا ذى الخليجى
• نعومة العفشة تقريبا ذى بعض
• الوسع الالنترا اوسع فى كل حاجة... مساحات الرجلين الامامية - مساحات الرجلين الخلفية - مساحات الاكتاف ورا و قدام - عرض الكنبة اللى ورا فى الالنترا تشيل 4 مش 3 بس مساحة الرؤس الخلفية مش قوى للي فوق 180 سم ... الالنترا ممكن نقارنها بالاكورد مش سيفيك فى الوسع هاهاها طبعا مبالغة منى بس هيا فعلا اوسع.
• مساحة الشنطة النترا افضل و بفارق كبير كمان
• الشكل اذواق بس انا شايف الالنترا افضل

مش حتكلم فى الاعتمادية و قلة الاعطال و سعر اعاده البيع و durability و اسعار قطع الغيار و الصيانة لانى بتكلم على تجربه قيادة و طبعا معروفة ان durability لصالح الهوندا و شوفت هنا واحد عارض سيفيك للبيع عاملة مليون كيلو!!! و التوكيل هنا مدى ضمان مدى الحياة على الجير بوكس و الماتور!!!

خلاصة التجربة بقى مين افضل فولى لودد ولا هوندا اول فئه؟؟؟ تعتمد على الشخص عايز ايه و كل وحدة فيها مميزات و عيوب.

عن نفسى و بعد التجربة لو حختار بين النترا فولى لودد ولا هوندا اول فئه مازلت حختار الفولى لودد لانى حستمتع بالكماليات و الوسع و شكل الانتريور و الخامات اللى فيها عن الهوندا خصوصا انها بالكتير حتقعد معايا 5 سنين و ابيعها بسعر اعادة بيع ممتاز يعنى durability مش فارقة معايا و مش فارقة معايا الهاندلينج لانى معظم سوقتى داخل البلد.

تقييم كويس , بس فية حاجات ماينعفش تتقارن

يعنى انت مثلا ياباشا بتقارن الاتى :

1- عزل سيارة من 2008 مقابل عزل سيارة لسة موديل 2012 , طبعا اكيد كاوتش الابواب ريح شوية والقواعد بتاعة السيارة مابقيتش بجودتها كما كانت

2- انت بتقارن هوندا اول فئة بعربية full option وكمان 2008 من 2012 يعنى انت راكب اصلا السيفيك اللى كانت نازلة وبيعالجوا التقصير اللى فيها , يعنى لو ركبت 2009-2010 ساعاتها هتعرف الفرف عامل ازاى بجد

3- نعومة العفشة لصالح السيفيك وهية جديدة لكن مش ماشية من 2008 والله اعلم الصيانة بتاعتها اخباراها اية , وبردة ماتنساش ان السيفيك اصلا عفشتها بتعادل مابين الراحة والنشوفية

4- الفرامل بتاعة الهوندا رغم انك بتقول انها drums وبتقول فرق بسيط جدااااااااا لصالح الالنترا ( تخيل بقى الفرامل الديسكات بتاعتها عاملة ازاى ؟؟؟) طبعا هتلاقى الفرق واضح جداااااااا

5- خامات العربية طبعا فى السيفيك افضل , وتقريبا نفس الوضع بردة فى ال2012 ان مش كل التابلوة علية جلد مضغوط , بس شوف الخامة هنا والخامة هنا وشوف شكل السيفيك بعد 5 سنين مش هتلاقى حاجة اتغيرت , وموضوع حامل الاكواب لأ طبعا فيها فى الكونسول الاوسط والساعة عندك موجودة فى ال dashboard

6- المساحة طبعا لازم الالنترا اوسع , لان الالنترا مش تصميم رياضى زى السيفيك , غير ان السيفيك الموديل دة ضيق مش واسع خصوصا فى الخلف وكل الناس عارفة كدة

7- ثبات الهوندا اكتر بكتير من الالنترا بس لازم تتأكد الاول من العربية اللى راكبها ( بس ياريت تقولى ماشية كام كيلو ) وحالنها اية وساعتها هتلاقى نفسك بتجاوت على اسئلة كتيييييييييير

لو تقدر بقى تجرب سيفيك 2012 ياريت تجربها وتعمل بقى مقارنة مابين الثلاثة

لانى لسة مجرب النترا 2012 وعملتها test drive كامل مفصل والصراحة ( راى فيها مش حلو خالص ) فى نقط كتيييييير جداااااااا , ونقط قليلة بس هية اللى شايفيها كويسة

المشاركة الأصلية كتبت بواسطة devil_storm

عامله 112 الف كم و العربيه اول فئة هنا فاضيه خالص, مفهاش حتى كروز كنترول و مفيش حامل الكوبيات... و مفيش ساعة فى الداش بورد و محطوطلها كاسيت cd تعبان و الساعة فى الكاسيت و زراير التحكم بالزجاج و المرايات مش بتنور ماعدا زرار زجاج السائق!!! ينفع ابقى راكب هوندا و الناس بتدور على زرار الازاز!!! حتى زرار السنتر متشال و مكانة طبا رغم ان العربيه فيها سنتر... ممكن تقولى اول فئة فى مصر كده ولا لا؟؟
شكل غابور ماسك توكيل هوندا هنا يا معلم

انا عارف ان اول فئه فى مصر فيها كروز كنترول فممكن تكون مواصفتها افضل من اللى هنا
بس تسارع ال 1800 عجبنى جدا... انا مستغرب الناس اذاى بتقول طلعتها بطيئة!!! دانا ظهرى اتكسر من كتر ما هى بتنط فى الطلعة!!!

بالنسبة للعزل بتاعها وحش جدا و صوت الهواء عالى جدا, متقوليش 2008... انا اوقات بسوق ليكزس بتاعة واحد صحبى 2006 مش 2008 و عزلها رهيب, مفيش صوت نهائى للهوا و لا صوت للماتور و لا صوت للكوتش, هدوء جبار, و طبعا مينفعش نقارن هوندا بالكزس... انا بس برد على نقطة انها 2008 بعربيه 2006

فكرتنى باللكزس... كل حاجة فيها كهربا يا برنس... حتى الطارة بتتحرك فى الاربع اتجهات كهربا... تركب و تدوس على زرار الممورى تلاقى الكرس بيعلى و يتحرك لقدام و الظهر بيتظبط و الطارة بتنزل لتحت و تطلع لبرة بالكهربا و المريات تفتح و بتظبطلك على الوضع بتاعك كله كهربا يا معلم... تمشى 160 متسمعش اى صوت نهائى ... ااااه و حشتنى الفيرنا والله هاهاها

بالمناسبه زرار ال esp اللى طول النهار بتكلم عليه انت و فورميولتور صحبى عامله off طول الوقت لانة بيقيد العربيه... يعنى حاجة ملهاش لازمة... فيدته بس لما تمش على طريق فى ثلج او مطر... يعنى مفيد بره للبلدان اللى فيها ثلج مش فى مصر... حاجة كده ذى سخانات الكراسى و سنسور المطر مفيده برة و ملهاش لازمة فى مصر.

اية ياباشا الكماليات دية , دية كدة العربية منفضة , لأ طبعا اللى هنا الحمد لله محترمة واوبشنها كويس جدااااااااا

- 112 كيلو كتير اوى , وانا مش بتكلم انها عشان 2008 لأ انا بتكلم عن ان ممكن تكون صيانتها مهملة

- زرار ال esp ( انت تقصد ال vsa ) لان دة النظام بتاع هوندا ازاى طبعا مهم جدااا ,هو بس بيقيد العربية فى ال Acceleration لكن مفيد جدااااااااا , خصوصا فى مناطق زى الدائرى او الطرق الرملية اللى تلاقى فيها الاسفلت وعلية رمل كتير , ولو انت غاوى غرز بينفع جدااااااااااااا


شوف ياباشا اركب سيفيك تانية موديل 2009 او 2008 حالتها انظف من دية لان واضح انها متهانة اوى