الموضوع: شارك برأيك ، هل تفوقت السيارات الكورية علي السيارات اليابانية؟

المشاركة الأصلية كتبت بواسطة SAMEH_FOUAD

شوف ياباشا ان ركبت عربيات كورى كتيير جدااااااااا , ومعلش مش بلاقى اى حاجة من اللى ملاكها بيقولوا عليها

يعنى يقولوا ثبات , مش لاقى عربية ثابتة فى الكورى تماما , ماعدا الشيفرولية كروز

مواتير بتجرى جاامد كل المواتير بتاعة الكورى معاك لحد 130 كويس اوى بعد كدة ماتت

فرامل مش قوية تماما

العفشة اصبحت ناشفة - قطع الغيار بقت نااااااااااار - العربية بقت منخفضة اكتر - الاعتمادية قلت

الصراحة ماباخدش من الكورى غير الاتى : اوبشن - شكل - واسعة شوية عن باقى السيارات فى فئتها - تكييف كويس , مع انى مش حابب خالص تكييف الجيل الجديد من الكورى وبالتحديد هيونداى ( يعنى فيرنا - النترا الشكل القديم ) افضل من الrb والالنترا الجديدة

يعنى من الاخر الكورى يصلح فقط لسيارات المدينة لكن جرى بقى وبهدلة ماعتقدش انة ينفع خالص

معاك فى رأيك و عشان كده بقول عليها عربيات كويسة و شكراً على كده ، و مش قادر حتى أقول على قد فلوسها لأنها بقت أقل من فلوسها ، هى عربيات مناسبة للمستهلك المصرى اللى بيدور على حاجة يعرف يبيعها بسرعة و يصلحها عند الميكانيكى ، و الأخوة اللى متمسكين بفكرة ان الكورى بيتخطى اليابانى و الأوروبى أحب بس أقولهم ان الناس دى مبطلتش صناعة يعنى عشان يقفوا مستنيين لحد ما الكورى يحصلهم ، الكوريين أصلاً اتعلموا من جميع من سبقوهم زى ما اليابان اتعلمت من أوروبا و هى بتبنى نفسها بعد النووى ووصلوا انهم يبقوا اليابان ، الكوريين ناس يحترموا على اللى وصلوا ليه لاكن لازم نقر و نعترف انهم لسة بيلعبوا فى منطقة "أربعة و لا خمسة نجوم فى Euro NCAP " و "Air Bags و ABS " و سخان فى الكراسى.....الخ فى حين ان اليابانى و الأوروبى بيتكلم فى "Park Assist " و "Brake collision " ، و محدش يقوللى ده العربيات الكورى أثبتت انها معمرة زى اليابانى و الأوروبى ، أصلاً كوريا مالهاش عربيات فى مصر تقريباً قبل أوخر التمانينات و دول خلاص اتكهنوا أو ماشيين يكحوا فى الشارع الا استثنائات نادرة لو حاجة مرفوعة لسنوات و لم تستخدم كتير ، شوف بقى الناحية التانية هتلاقى بى ام و مرسيدس و 504 و فولفو و سيفيك و كورولا و كريسيدا و لانسر و صنى و فى منها حاجات كتير حالتها كويسة جداً و منهم اللى مشى أكتر من 400000 كيلو ، بس أنا فعلاً مشفتش أى عربية كورية الصنع وصلت للمعدلات دى و ده لا ينتقص من كوريا فى شئ ، هما ناس مجتهدة و اتطوروا بسرعة فعلاً لاكن مننساش انهم لسة شوية عليهم عشان نمجد فيهم كده ، دول لسة حتى مخترعوش تكنولوجيا خاصة بيهم زى ما الأوروبيين و اليابانيين بيعملوا ، و لسة مشفنالهمش عربيات تمشى 30 سنة ، و الأهم من ده كله ان لسة اليابان و أوروبا شغالين و بيصنعوا و بيخترعوا ، مماتوش يعنى عشان كوريا توصلهم مش تعديهم ، العربيات مش بس شكل و تصميم و أوبشنز أو حتى راحة فى الركوب ، العربية عبارة عن ترجمة للتقدم التكنولوجى و ما وصل اليه الشعب من علم و امكانيات فى التصنيع و الابتكار ، و حط تحت الابتكار دى 100 خط يعنى متجيش عربية كورى تنزل ب Park Assist و ألاقى ناس تقولك أدى الكورى اللى بيقولوا عليه مفيهوش تكنولوجيا ، ما هو كده يبقى ناقل يا حبيبى ، فين الجديد اللى محدش عمله قبل كده؟؟ يا رب تكون وجهة نظرى و صلت و طبعاً ممكن ناس تعترض و كل واحد ليه رأيه (أنا ركبت نيو أكسنت سنتين على فكرة عشان الناس بتوع انت مركبتش كورى عشان تحكم)

المشاركة الأصلية كتبت بواسطة ahmod

الكلام هنا على المنتدى حاجة !! وسعت الشراء الفعلي حاجة تانية خاالص

بالنسبة للناس اللى بتتكلم على ان الشكل ده حاجة مهملة وازاي الناس بتبص للعربيات الكوري عشان شكلها !!! ؟؟

ماهو معلش انا مش هدفع فلوس في عربية - شكلها اساسا مش عاجبني - لمجرد انها ثابتة او فيها وسائل امان !! ؟

لو افترضنا ان قرار الشراء يمثله نسبة 100% فنقدر نقول بمنتهى البساطة ان 70% على الشكل و 30% على باقي العوامل (شاملة الاوبشنز والتجهيزات في العربية ووسائل الامان والثبات والى اخره ...)

والكوري تفوق في ال 70% دول بإكتسااح تام !!

بص على السيراتو سيدان / كوبيه !! ؟ حاجة كدة بسم الله ماشاء الله

حط الالنترا الجديدة / السيراتو الجديدة جمب السيفيك الجديدة / الكورولا وشوف عينك هتروح على مين !! انتو بتتكلمو في ايه يا جماعة !! ؟ ماهو محدش هيشتري عربية شكلها وحش ايا كان مستوى التجهيزات والامان والجودة اللى فيها

ولو هنتكلم بالحق سعتها يبقى نلوم الشركات اليابانية على التصاميم ال bullshit اللى منزله عربياتها بيها !! سواء من الداخل او من الخارج !! عربيات تحس انها اخرها تتباع سنة 2000 مش 2013 !!

+11111111

كلام مظبوط تماما انا مش زي ما كل الناس فهمت ببص علي الشكل و بس لا معلش في ناس كتير بتفهم في العربيات كويس جدا و احسن من ناس كتير جدا و فضلوا الكوري علي الياباني

مكنش قصدي علي الشكل فقط انا اتكلمت علي ال ٧٠٪ بتاعة الشكل

يعني انت تروح تشتري قميص شكله زي الزفت عشان قماشته حلوة و قيمة اوي ازاي يعني
الكلام ده في البني ادمين بس اه طبعا اي انسان بجوهرة مش بشكله و مظهره
لكن لما الموضوع يبءي حاجة هشتريها و هدفع فيها فلوس كتير و هشوفها كل يوم لا معلش الشكل مهم جدا بءي

و انا معيبتش علي العربيات الياباني غير علي شكلها و تصميماتها المحبطة و لكنها طبعا عربيات ممتازة

و في نفس الوقت الكوري برضه عربيات جيدة جدا و تفوقت علي الياباني في الشكل و الاوبشنز و مش عربيات سيئة من ناحية الاعتمادية و الثبات و الموتور زي ما ناس كتير بتبالغ في وصف الكوري

المشاركة الأصلية كتبت بواسطة maio_do

يعنى انت معاك 200 الف تروح تشترى كيا سيراتو ولا هوندا سيفيك؟

هروح اشترى دودج رام -بى ام -مرسيدس-كوبر اس -مستعمل