الموضوع: شارك برأيك ، هل تفوقت السيارات الكورية علي السيارات اليابانية؟

فى واحد هنا كان هيقارن ال سوبارو بالالنترا
للاسف الانتحار حرام

المشاركة الأصلية كتبت بواسطة adelghanem

كلام جميل ومنطقى جدا
السؤال هوه ليه اليابانيين رغم جوده الصناعه ميهتموش بالشكل ولا الاوبشن
ايه يعنى مش قادرين !! مش متابعين ليه اجتياج وافكار الاسواق
ولا هوه متانه واداء عالى والشكل مش مهم!!!!:copy of majd(4):

انا متفق معاك ....

المشاركة الأصلية كتبت بواسطة sameh_fouad

قبل مانتكلم عن السيارات , ومميزاتها نتكلم عن مدى مفهوم الشعب المصرى عن السيارات وعن مدى المفهوم دة , بيحددوا الاختيار

الشعب المصرى او علشان يصح القول 70% منهم تفكيرة عن السيارات يتلخص فى الاتى والاولوية بالترتيب

1- الشكل : ودة اهم شىء لدى المستهلك المصرى

2- الاوبشن : لازم العربية يكون فيها اوبشن كتيييييييير عشان تعجب

3- الوسع والارتفاع : لازم العربية تكون واسعة وعالية عن الارض عشان لما يحط العائلة فى السيارة تستوعب الناس دية كلها

4- لو خيروة مابين فتحة السقف وال abs صدقنى كتييييييييييير اوى منهم هيفضل فتحة السقف

عايزين بقى تلاقوا الدليل على كلامى : اكيد كلنا بنروح معارض السيارات , وشوف الناس وهية قاعدة جنبك وعمالة تختار السيارة المناسبة , والكلام الوحيد اللى بيتقال ( انتى قاعدة مستريحة كدة - انا هرجع الكرسى على الاخر - صوت السماعات كويس - التابلوة شكلة شيك - فية اوبشن حلوة - وفية مخدع متحرك ونور - ومرايا ) خلاص توكلنا على الله ونحجزها

اية دة ياعم : هو انت كدة بتشترى عربية ولا بتشترى انترية

ولا بقى لية دعوة ماتورها بيخرج كام حصان - ولا العربية ثابتة على سرعة كام - الخ.............)

- ومن هنا بقى الكورى بدأ يلعب لعبتة , قالك بس الشعب دة تعبان تعب السنين وعارفين هو اخرة اية

نزلة ياعم الشكل الجامد واوبشن كتييييييير بسعر اول فئة من اى عربية يابانى , بس كدة احنا هنخسر يابرنس نعمل اية طيب هقولك تعمل اية

( شيل العفشة ال multi link وحط torsion beam - خلى الكاوتش كورى ولا صينى تعبان - خفف على قد ماتقدر من صاج العربية - خامات عادية مش غالية - اعملى تقفيل عادى على قد فلوسهم ياعم - شيلى وسائل الامان كلها وخليها بس فى ال high line ومش كلها كماااااااان محدش هيسأل عنها - هما بيحبوا السرعة الوهمية قولهم دة ماتور بيطلع فوق ال125 حصان وهما هيصدقوا وماتقلقش مش هيعرفوا اصلا عشان هيخافوا يجروا بالعربية عشان ثباتها هيقل بعد ال 140 كم

- ياباشا العربية مافيهاش immoblaizer وتمنها معدى ال140 الف جنية , مش مشكلة يامان نزلها كدة ولو المجموعة كلها ماتباعتش ابقى قول عليا مابفهمش , وفعلا بعد نزول العربية بكام يوم فى التوكيل او المعرض كل السيارات اتباعت , مش قولتلك يابرنس هتتباع , الشعب دة جامد مش بيهمة بيشترى اى حاجة حتى لو ب200 الف جنية هيشترى

دة اللى بيحصل بالظبط فى السيارات الكورى

عشان كدة منتشرة , والسيارات بتتحجز قبل حتى محد يجربها او يعرف عنها حاجة لمجرد شافوا الشكل فى الصور على النت بس هية دية , عربية جاااااااااااامد جدااااااااااااااا

معلش انا بس قولت اللى بيحصل على شكل حوار , لان بجد دة اللى بيحصل قدامى

ومش هنسى ابدا لما كنت فى الجامعة وكانت لسة المرسيدس e200 موديل 2005 نازلة , وراكنة فى باركينج الجامعة , واحنا بقى طلبة مبهورين بيها وانا ببص عليها من جوة وبشرح لاصدقائى وظائف كل حاجة لانى غاوى الحاجات دية من زماان , والاقى دكتور المادة بتاعتى بيقولى انت بتبص علي اية , قولتلة على الزراير , قالى رد جامد جداااااا , اذا كان انا نفسى معرفش الزراير دية بتاعة اية , انا بسوقها بالعافية اصلا , قولت فى بالى سبحان الله امال جايبها لية وانت متعرفش قيمتها

ادى جامد يا كبير .. شعب يجيب الشلل و ده راجع للاسف لقلة العلم و طريقة التربيه اللى دايما كانت بتحث الواحد انه يحترم المظهر و لا يحترم الجوهر بقى يا عالم العربيات الكورى تتباع بنفس تمن اليابانى
و اللى يجيب للواحد تربنه نفوخيه ان الناس بتشترى .. تحية ليك يا كبير و خصوصا للسيفيك بتاعتك اقسملك بالله الواحد ركب عربيات على عربيات و فى منها الاعلى بكتير من السيفيك بس مفيش اكتر من السيفيك اللى عششت فى دماغ الواحد عربيه رهيبه فى فئة السيدان المتوسط السعر

شكلا آه - كماليات آه

متانة و تحمل طبعــــــــــا لآ و ألف لأ

و إنزل أى دولة فى الخليج و شوف حالة أى تاكسى يابانى - كامرى مقارنة بأى تاكسى سوناتا و إنت تعرف أنا بتكلم عن إيه

مش كل عربية شكلها حلو و كماليات تحفة تبقى جامده :) دى أوهام و عشان كده اليابانى محافظ على نفسه مهما الكورى عمل

الكورى بكل فئاته بيهربد بسرعه نص عمر اليابانى على الأقل

انا شايف ان الكوري فقد اهم ميزة كان بيتميز بيها وهي رخص اسعاره وده ممكن يأثر كتير على مبيعاته الفترة اللي جاية