الموضوع: مؤشر الحرارة

انا بفكركم بس بالموضوع ده يمكن حد عنده راى ولا حاجة

المشاركة الأصلية كتبت بواسطة diakkoko

طيب استفيد بخبرتك ايه رأيك فى موديل 2007 وايه مميزاتها وعيوبها من واقع استخدام حضرتك لها وبقالها معاك اد ايه وايه الفرق بينها وبين التقفيل المصى يعنى ايه اللى افضل فى التقفيل الصينى وايه اللى افضل فى التقفيل المصرى وبتتعامل مع ميكانيكى بره التوكيل ولا فى التوكيل وهل لو فى معروض عليا واحده بى واى دى 2007 ونوبيرا 2006 وفيرنا 2007 مع تساوى الحاله للعربيات الثلاثه ونفس رينج السعر ايهم تفضل ولماذا مع جزيل الشكر وارجو الرد سريعا من كل من لديهم خبره واقعيه

بسم الله الرحمن الرحيم
اولا موديل 2007 هو التقفيل الصينى بالكامل واللى هو اكيد افضل من التقفيل المصرى(من كلام الاعضاء ان التقفيل المصرى به بعض العيوب ولكن بتقل تدريجيا وانا اللى شوفته بعينى فى عربية موديل 2013 فى المعرض وكنت بتفرج عليها قعد الراجل اللى بيفرجنى يهبد فى الشنطة عشان تتقفل وبرضه متقفلتش )
وال BYD بصفه عامه عربية جميلة واسعة ومريحة وامكانيات عالية وان كان ليه عليها بعض التحفظات من واقع تجربتى معها وانا عربيتى 2007 كاملة مانيوال بقالها معايا حوالى شهرين سافرت بيها السويس مرتين ووصلت لسرعة 170 كم والعربية ما شاء الله ثابتة جدا وفراملها قوية حتى بدون ال ABS ولكن يعيبها (من وجهة نظرى )علو صوت الموتور ابتداء من سرعة 120 كم او لما ال RPM يوصل ل 3.5 وكمان العزل بتاعها مش قد كده ( طبعا على اد الفلوس ) وان كنت بقارنها بالتويوتا واللانسر ده غير الفتيس اللى مش بيفرق معاه تقفيل صينى او مصرى عضة وونة لو ركزت معاها هتقفلك من العربية وفى حاجة كمان موضوع الحرارة اللى بتهيس وانا واجهتنى المشكلة دى ولكن تغلبت عليها الحمد لله بانى غيرت حساس الحرارة فى التوكيل وظبطت ودول فى رايي العيوب الجوهرية اللى فى العربية وان كانت نقطة العزل دى مش جوهرة قوى والحرارة بقت بتتحل بسهولة( يعنى عندك مشكلتين الفتيس والصوت العالى ) يعنى لكن مقارنة بالمميزات زى ماقلت قبل كده واسعة جدا وقعدتها مريحة والفرامل والايرباج والتكييف والعلو عن الارض والجنوط والثبات وقطع الغيار المنتشرة ( وفى التوكيل ارخص من برة واضمن وعن تجربة ) وخد دى بقى مش هتلاقيها فى اى عربية تانية المرايا اللى فى الصالون فيها بوصلة ايوة بوصلة وانا مكنتش اعرف لحد قريب لما قريت عنها فى المنتدى هنا لكن للاسف بوصلة حروفها صينى لكن فى التجميع المصرى بتبقى اسهم (على حسب كلام الاعضاء )
وطبعا مفيش اى وجه مقارنة بين الفيرنا والنوبيرا وال BYD طبعا لصالح ال BYD.
ونتيجة لانتشار العربية كتاكسى وان الموتور ميتسوبيشى والعفشة كورولا فهتلاقى ناس كتير جدا جدا بتشتغل فيها .

ونصيحة اخوية اخيرة ( خليك فى الزيرو يا معلم ) او اضعف الايمان كسر الزيرو هتفرق معاك كتير .
وانا تحت امرك فى اى حاجة

المشاركة الأصلية كتبت بواسطة diakkoko

ربنا يكرمك انا الحمد الله اشتريت بى واى دى موديل 2007 فبريقه بره وجوه ماعدا اكصدامين بس رشي
تنصحنى اعمل ايه من ناحيه الزيوت والسيور والبوجهات وزيت الفتيس ومؤشر الحراره عندى بيعلى شرطتين اوى 3 بالكتير عن اول شرطه تحت يعنى ما بيوصلش للنص ابدا يا ترى ده كده كويس ولا لاء وقولنا عملت ايه فى التوكيل والاسعار كام يعنى سعر حساس الحراره والمصنعيه ويا ترى اتعملت مع حد كويس اقتنعت بيه فى الميكانيكا والكهربا والعفشه هما مين وعناوينهم مع اسعار المصنعيه واسعار القطع التى تم تغيرها

اولا الف مبروك على العربية وربنا يديك خيرها ويكفيك شرها .
ثانيا موضوع رشه اكصدامين ده عادى جدا ولا يفرق .
بس مش كنت كملت موضوعك وقلتلنا العربية ماشية اد ايه ولونها واخدتها بكام وكده يعنى على العموم هنستنى منك تقرير وافى عن العربية فى القريب العاجل ان شاء الله .
طبعا هتروح تغير كل الزيوت والفلاتر وكمان السيور وهتشوف بلية الكاتينة لو محتاجة تتغير وكده وبرضه هتشيك على البوجيهات لو محتاجة تغيير وتشوف التكييف والفرامل والبطارية عشان تمشى وانت مطمن .
بالنسبة لؤشر الحرارة هى عربيتك صينى زى عربيتى واللى عرفته عن العربيات الصينى ان مؤشر الحرارة بتاعها المفروض يبقى تحت النص ولما تسخن والمؤشر يعلى المفروض بيوصل للنص والمراوح تشتغل ينزل تانى وممكن تشيك عليها على الجهاز ولو محتاج يتغير هتلاقيه فى التوكيل ب 110 ج بالضريبة انا لسه شاريه من هناك ويستحسن تشترى من التوكيل الحاجات الحساسة دى وكمان هتلاقى اسعار التوكيل زى بره او فروق بسيطة جدا وانا غيرته بره التوكيل عند عم حمدى الكهربائى هو فاهم فى العربية كويس بس انت برضه لازم تبقى عينك معاه ( وهو تغييره سهل جدا )
بالنسبة للميكانيكا لسه ماتعاملتش مع حد لكن العربية صيانتها سهلة وناس كتير بتشتغل فيها
اما العفشة ففى واحد عفشجى كنت بتعامل معاه من ايام الجولييت وصنايعى شاطر جدا ومصنعيته رخيصة بس هو زحمة شويتين هو موجود فى ش المدبح وانت جاى من البحر الاعظم
وتحت امرك فى اى استفسار

المشاركة الأصلية كتبت بواسطة mody112

اولا الف مبروك على العربية وربنا يديك خيرها ويكفيك شرها .
ثانيا موضوع رشه اكصدامين ده عادى جدا ولا يفرق .
بس مش كنت كملت موضوعك وقلتلنا العربية ماشية اد ايه ولونها واخدتها بكام وكده يعنى على العموم هنستنى منك تقرير وافى عن العربية فى القريب العاجل ان شاء الله .
طبعا هتروح تغير كل الزيوت والفلاتر وكمان السيور وهتشوف بلية الكاتينة لو محتاجة تتغير وكده وبرضه هتشيك على البوجيهات لو محتاجة تغيير وتشوف التكييف والفرامل والبطارية عشان تمشى وانت مطمن .
بالنسبة لؤشر الحرارة هى عربيتك صينى زى عربيتى واللى عرفته عن العربيات الصينى ان مؤشر الحرارة بتاعها المفروض يبقى تحت النص ولما تسخن والمؤشر يعلى المفروض بيوصل للنص والمراوح تشتغل ينزل تانى وممكن تشيك عليها على الجهاز ولو محتاج يتغير هتلاقيه فى التوكيل ب 110 ج بالضريبة انا لسه شاريه من هناك ويستحسن تشترى من التوكيل الحاجات الحساسة دى وكمان هتلاقى اسعار التوكيل زى بره او فروق بسيطة جدا وانا غيرته بره التوكيل عند عم حمدى الكهربائى هو فاهم فى العربية كويس بس انت برضه لازم تبقى عينك معاه ( وهو تغييره سهل جدا )
بالنسبة للميكانيكا لسه ماتعاملتش مع حد لكن العربية صيانتها سهلة وناس كتير بتشتغل فيها
اما العفشة ففى واحد عفشجى كنت بتعامل معاه من ايام الجولييت وصنايعى شاطر جدا ومصنعيته رخيصة بس هو زحمة شويتين هو موجود فى ش المدبح وانت جاى من البحر الاعظم
وتحت امرك فى اى استفسار

حمدى الفنى..عضو معانا هنا..وميكانيكى محترم..وعندة تاكسى .بى واى دى
وفاهم العربية كويس