بنفكر بنبني عمارة خاصة!

**محمد عز** · 24-08-2008 03:04 PM

التشطيب النهائي العادي وإلي بعده تتسكن الشقة حوالي ٢٠ ألف كمان وكل دة لمساحة ١٦٠ م

حضرتك متاكد من الاسعار ده
اصلى بشطب شقه 130 م ولحد دلوقتى مكلفه 50 الف جنيه

**WalidAdel** · 24-08-2008 03:07 PM

والله يااستاذ نادر هيا الفكره دي طرحتها علي اصحابي من فتره بس مش عارف قاعدنا نتكلم لقينا مشاكلها كثير و بعدين حهه واحد صاحبنا اللي يمسيه بالخير جهه قفلها في وشنا و الحمد لله و الموضوع فكس علي كده :(

**meza** · 24-08-2008 03:28 PM

المشاركة الأصلية كتبت بواسطة hazem_khidr

فكره كويسه يا نادر
و يا ريت مثلا لو تاخدو قرض او تزنقوا علي نفسكم
و بدل ما تبنوا 5 اجوار تبنوا 10 ادوار وتبيعوا ال5 الزياده
و بكده يبقي غطيتوا مصاريفكم

أؤيد هذا ارأى

متهيألى مش هتحققوا أرباح بخمس أدوار زيادة ... بس هتوفروا شوية فى مصاريف الأسمنت و الحديد اللى بقوا نار دلوقتى.

SS · 25-08-2008 12:25 AM

المشاركة الأصلية كتبت بواسطة meza

أؤيد هذا ارأى

متهيألى مش هتحققوا أرباح بخمس أدوار زيادة ... بس هتوفروا شوية فى مصاريف الأسمنت و الحديد اللى بقوا نار دلوقتى.

لأ ياباشا ...من ناحية تحقيق الارباح فهم ع الاقل ان ما كسبوش فهيجيبوا تمن اللى بنوه مستريح...و عموما يا نادر باشا الفرق بين انك تبنى و بين انك تاخد تمليك كبير ويستاهل ....و خاصة لو انت خدت ارض فى حتة جديدة تكون لسه ما فيهاش عمار او لانك بمجرد مابتكون فى المراحل النهائية للبناء...بيكون كل اللى حواليك اشترى و السعر ضرب قبل ماحد يسن حتى..زى الخمايل و المشاريع بتاعة المرشدى و حاجات تانية كتير ....بس عموما موضوع البنا برضه مكلف و مش سهل و خاصة التعامل مع المقاولين و العمال و قرفهم و سرقتهم...بس لو انت عندك استعداد و هتستحمل و تتعامل فى مقابل اللى هتوفره مافيش مشلكة..فيه فكرة تانية وبس ديه هتحتاج مساحة ارض كبيرة و هى انك وصحابك تبنوا بنظام الحوائط الحاملة - زى الشقق بتاعة ساويرس- يعنى كل و احد هيبنى ليه بيت صغير و ارتفاعه دورين....بحيث يبقى فيه مساحات خضرا..و كل واحد مستقل بس مع بعض فى نفس الوقت..زى كومباوند كده ...و ده هيوفر كتير فى البنا بس ع حساب المساحة طبعا...يعنى هتحتاج تاخد ارض فى مكان مش غالى عشان تاخد مساحة كبيرة..عموما ربنا يوفقك..بس ماتنساناش بحاجة..حتى اوضة فوق السطوح.:D

**Noha.M** · 25-08-2008 12:28 AM

المشاركة الأصلية كتبت بواسطة walidadel

و ياتري الاسعار ايه .....؟

والله مش عارفة يا وليد بس هسالك خطيبي ان شاء الله

**katkootaya** · 25-08-2008 12:40 AM

فكرة ممتازة بس محتاجة تفكير وتدبير جامد
ربنا يوفقك يارب وتحققها :)

**KoDaK_Gti** · 25-08-2008 01:23 AM

شقة 160 متر تشطيب مش اقل من 60 الف جنيه ده لو معملتش ديكورات كمان وخلى بالك
ولو عامل حدود تشطيب 50 الف مثلا هتلاقيها وصلت معاك ل 70 الف
انا من رأيى تشوف شقة متشطبة جاهزة وتريح دماغك زى انا ما عملت (بفضل الله)
وبعدت عن ارف الصنايعية وخدتها قبل زيادة الحديد بشهور والاسعار ضربت بعدها بطريقة غريبة
وكل ما هتاخد دلوقتى كل ما هتأمن نفسك لأن كل يوم الاسعار بتزيد عن الاول
وربنا يهديك ويهدينا للصح ان شاء الله