صنايعية 6 اكتوبر

**Ahmed_Lancer** · 09-06-2013 09:00 PM

الحمد لله لقيت المهندس حسان والمركز اسمه مركز اسوان وهو انسان محترم ومن اسوان ولسه هاروحله بكره تانى....

فيه برضه واحد بتاع زوايا امين ومحترم اسمه مصطفى وموجود فى سنتر ماخدتش بالى من اسمه موجود على طريق جمال عبد الناصر فى الحى التاسع قبل البشاير

تفضل ماشى على المحور المركزى لغاية الميدان اللى فيه النجدة وتخش يمين وتفضل ماشى على طول هتلاقيه فى اخر الطريق على يمينك

عند الدايرة الحمرا دى

**foxmanayman** · 09-06-2013 09:17 PM

المشاركة الأصلية كتبت بواسطة o.m.s

السلام عليكم
انا من اكتوبر وبصراحه تعامل في كل حاجه في الحرفيين السلام حتى لما العربيه وقفت نقلتها على ونش ب 150 علشان مش عاوز حد من اكتوبر يلمسها الا بصراحه سمكري هو كويس جدا واسعاره خرافيه وشغلوا حلو جدا في المنطقه الصناعيه التانيه فاتح ورشه كبيره اسمها (ساند) حتى الميكانيكي الي فيها خريج هندسه مكانيكا المطريه بس معرفتهوش غير متاخر

ياريت عنوانه بالتفصيل مع خالص شكري

**mohammadrashee** · 09-06-2013 09:28 PM

يصراحه انا دخت زيك وبعدين لقيت مركز خدمة تويوتا محترمين جدا ونضاف اوي هو في امنطقه الصناعيه بعد مصنع اخوان البطه هما مركز تويوتا بس شوفت عنده ربيات مش تو يوتا وسعره معقول

**Ahmed_Lancer** · 11-06-2013 08:50 PM

النهاردة رحت لعفشجى محترم اسمه تامر وموجود فى الحى الحادى عشر

تفضل ماشى على المحور المركزى لغاية ميدان فودافون وتخش يمين من عند الميدان ... تعدى اول صينية وتفضل مكمل على طول لغاية متلاقى الطريق بيلف بيك يمين .... اول ما اللفة اليمين تخلص هتلاقى على ايدك الشمال جامع وجنبه عمارات فيها ورش تحتيها هو هناك

**O.M.S** · 12-06-2013 12:07 AM

المشاركة الأصلية كتبت بواسطة foxmanayman

ياريت عنوانه بالتفصيل مع خالص شكري

ساند جروب المنطقه الصناعيه التانيه - قطعه 50 وليه جروب على الفيس باسم (ساند جروب ) حاطط عليه شغلوا
https://www.facebook.com/sandgroup?fref=ts

**m7med_dola** · 16-06-2013 01:05 AM

متاااااااابع جدااااا

**فؤاد1984** · 22-06-2013 12:54 AM

انا اتعاملت مع عفشجي كويس في اكتوبر اسمه بوجي مشهور قوي. مكانه في سنتر الحسين في الحي السادس جنب مدينة الملاهي اللي هناك. هتخلي السجل المدني على يمينك و المطافي على شمالك بعد كدة اول شمال في اول مدق يمين بعد الملاهي. هدور على رقمه و ابعته. و في واحد سمكري كويس في الحي الحادي عشر اسمه احمد المشوي او احمد ابو اية في سنتر اسمه الهداية. مصطفى بتاع ظبط الزوايا اللي جنب البشاير ممتاز. المكيانيكية في اكتوبر دمار شامل للعربية. وديت العربية مرة عند واحد اسمه خالد امام البنزينة اللي في الحي الاتناشر سرق منها حاجات و بوظها و ضرب 350 جنيه في جيبه.

**mo_x5** · 21-08-2013 10:57 AM

المشاركة الأصلية كتبت بواسطة o.m.s

السلام عليكم
انا من اكتوبر وبصراحه تعامل في كل حاجه في الحرفيين السلام حتى لما العربيه وقفت نقلتها على ونش ب 150 علشان مش عاوز حد من اكتوبر يلمسها الا بصراحه سمكري هو كويس جدا واسعاره خرافيه وشغلوا حلو جدا في المنطقه الصناعيه التانيه فاتح ورشه كبيره اسمها (ساند) حتى الميكانيكي الي فيها خريج هندسه مكانيكا المطريه بس معرفتهوش غير متاخر

ممكن عنوان السمكرى ده بالظبط علشان انا من زايد و محتاج اعمل كام حاجه كده فى العربيه
و يا ريت لو مكانه على جوجل يبقى كتر خيرك :)

**O.M.S** · 21-08-2013 03:08 PM

المشاركة الأصلية كتبت بواسطة mo_x5

ممكن عنوان السمكرى ده بالظبط علشان انا من زايد و محتاج اعمل كام حاجه كده فى العربيه
و يا ريت لو مكانه على جوجل يبقى كتر خيرك :)

السلام عليكم

بص يا باشا دا الجروب بتاعو على الفيس في الارقام و العنوان بالتفصيل بس بصراحه مش عارف اوصفلك الطريق كويس بس هو هيوصفلك وكدا كدا انا نزلوا اليومين دول بردوا يظبطلي حجات ممكن ننزل مع بعض لو عاوز

دا الجروب
https://www.facebook.com/sandgroup

**eng.octooo** · 25-08-2013 12:34 AM

امممم انا من 6 اكتوبر وبقالى فيها 12 سنة

بصوا بقى :

لو كهربائى : مفيش غير واحد اسمة ماهر الكهربائى فى الحى ال 12 جنب كبارية الزعيم ( معلش دى اكتر علامة مشهورة ) هو اسعارة عالية بس بيعمل حاجات كويسة اوى اوى

لو سمكرى : ممكن ساند فى المصانع الى الناس فوق اتكلمت علية او الحى السابع جنب مدرسة الرضوى فية ميكانيكى اسمة سيد عفشة جة عندة بتاع 5 محلات بكل التخصصات بس ولا واحد فيهم لية لازمة غير السمكرى هو الوحيد الى عدل اللهم انى بلغت

العفشجى : بوجى الى فى الحى السادس بس باتلخبط ف طريقة بس الناس شرحتة فوق

وفية واحد كويس اوى الحى الثالث امام المعهد الهندسى الى على محور الكفرواى ( مش فى صف المعهد لا الصف الى قصادة)

نرجع بقى لصف المعهد قصاد السمكرى دة فية واحد بيعمل ظبط زوايا وترصيص كويس اوى وفية بريدج ستون الى جنب الحصرى

حسان بقى الى فى الحى الثالث ( هو بين الحى التانى والثالث ) جنب بيتى هو كويس اوى ومن اسوان وبيشتغل فى عربيات كتيير اوروبى واسيوى بس هو مش مهندس ( معلش بس الحق لازم يتقال) هو راجل بيقرا ويكتب على قدة اصلا بس شغلة شغل واحد مهندس

لو ميكانيكى : الشرقاوى فى الحى الساس مول على الدين ميدان ليلة القدر فى المول من ورا عندة بارك بيكون واقف فية اكتر من 35 عربية وشغلة حلو اوى بس تخلية هو الى يشتغلك بنفسة بلاش العيال الى عندة دول وجنبة محلات كتيير لقطع غيار السيارات

لو ميكانيكى مرسيدس : فية فى الحى التانى على محور الكفراوى امام مخزن الانبابيب عندة كل حاجة بس مرسيييييييييييدس بس من ميكانيكا وعفشة وسروجى وكل حاجة جنبة فية محل اسمة السرساوى دة بيبيع قطع غيار السيارات الكورى واليابانى كويس اوى

لو ميكانيكى بيتلز : اطلعوا فوق شوفوا عنوان ماهر الكهربائى هو قدامة علطول

بتاع كاوتش وبطاريات : فية غطاطى جنب الحصرى وانت رايح على ميدان جهينة ب 300 متر على اليمين وجنبة محل ب 50 متر اسمة نور كويس اوى برضة

عندكم كمان مركز صيانة الوهدان فى المصانع هو قفل اكتر من مرة بس فتح تانى تقريبا هو كويس اوى زى التوكيل بس غالى اوى وكل الى عندة مهندسين

اى سؤال انا معاكم لو فية حاجة