الموضوع: سؤال للمحاميين وذوي الخبرة : لو المستأجر عقدو خلص هل من حق المالك فتح الشقة وطرده !!

المشاركة الأصلية كتبت بواسطة tarek12

انا لست محاميا ولكن شوف يا اخى عشان محدش يتلاعب
لازم تضيف بند اضافى فى العقد الا وهو

1- للمالك العين الحق فى حاله تاخر المستاجر عن الايجار لمده 15 يوم او عند نهاية المده الايجارية او عند فسخ العقد او عند عدم تسليم العين للمالك بنهايه المده المتفق عليها بالعقد , فتح العين و اجراء الحجز التحفظى على منقولات الطرف الثانى دون شرط او قيد او انذار مسبق و دون الحصول على حكم قضائى .

2- لمالك العين الحق فى فسخ العقد و انهاء العلاقه الايجارية فى اى وقت بدون انذار مسبق و دون الحصول على حكم قضائى .

بالبنود هذه انت بتكتفه عشان بيلعبش بعد كده

البنود دى غير قانونية يا فندم ..

المحكمة وحدها هى اللى من حقها تعمل الحجز على المنقولات و مفيش حاجه اسمها المالك ينهى العقد فوراً بدون قيد او شرط .. و كمان يعنى لو حضرتك رايح تأجر شقه وفقا للشروط دى هل هترضى ان المالك يبقى من حقه فى اى وقت يخبط عليك و يقولك قوم اطلع بره عايز ملكى ؟! ..

المشاركة الأصلية كتبت بواسطة y a r i s

انا رحت للقسم التابع ليها الشقة ... قالولي روح للنقطة
المهم رحت للنقطة التابع ليها الصراحة والحقيقة حسيت اني دخلت شقة جماعة عزاب مش نقطة تابعه لوزارة لداخلية ومنهم امين شرطة كان طالع من الحمام حاطط الفوطة على كتفو ومشاء الله الي لابس شيبشب زيكو والي لابس زنوبة وحاجة ايه اللهم صلي على النبي. تفررررح ... المهم. قعدوا يشقطوني لبعض. مين يكتبلي المحضر. لغايت ما واحد تعطف عليا وكتب لي المحضر.

بس المهم دلوقتي الامين بيقولي ايه !!! في بند في العقد الازرق. بيقول .:

بند رقم ٢-: إذا رغب أحد المتعاقدين إنهاء العلاقة الإيجارية فينهاية المدة المتعاقد عليهاااااااااااا. وجب أن يعلن الطرف الآخرر بخطاب مسجل مصحوب بعلم الوصول قبل انتهاء مدة التعاقد :.......بشهرين ........... والا يعتبر مجدد لمدة : ممثالة .


فانا قلتلوا ماهو العقد خلص قالي ماهو البند ده مذكور في العقد والعقد شريعة المتعاقديييين ... يعني الي فهمتوا خلص العقد او ماخلصشي لازم اروح المحكمة وابعت جواب على يد محضر اقول فيها للمستاجر معليش انا مش هعملك عقد جديد. ... اما اني اقابل المستاجر واقولوا شفوي كده مينفعش !!

فمعنى كده ايه إن شاء الله اني هستنى شهرين كمان عقبال ما ابعتلوا جواب بعلم الوصول فوق الشهرين الي فاتوا ... وياترى المدة دي كلها على حساب مين ( على حساب صاحب المخيل ) هههه واللهي المفروض الواحد ياخد تامين عشرين شهر مقدم ... المهم انتوا ايه رأيكم ياشباب في موضوع بند (نمرة ٢ ) هل امين الشرطة على حق ولا اشتغالة :) وتحياتي

انا قلت لحضرتك اعمل محضر و روح النيابه ووكيل النيابه هايتصرف ..

امين الشرطة مش فاهم حاجه ..

قانوناً مينفعش العقد يجدد تلقائياً لان المستأجر مدفعش الايجار (خد معاك اخر وصلين ايجار)

امشى على الخطوات اللى قلت لحضرتك عليها و ربنا هايسهلها لانها حكايه مجربه ..

المشاركة الأصلية كتبت بواسطة y a r i s

فعلاً يارررررررررررررريتني اضفت. بندين زي كده
ده العقد ابو نص جنيه ده مصيييييييبة مفهوش اي كلام ينصف الملك خالص وانا واحد من الناس كنت فاكروا عقد قانوني علشان لونوا ازرق. اتاري بتأع المطبعه بيبقى قاعد فاضي يقوم يعملوا كام عقد كده ويطبعوا ويوزعوا على المكاتب :)

البنود دى غير قانونية ..

العقد الازرق بتاع المكتبات فيه كذا بند مع حقوق المالك ..

1- بند مده الايجار فى العقد الازرق عباره عن فترة من - الى (مثلا : ثلاث سنوات من 1-1-2010 الى 1-1-2013) و بالتالى اى يوم زياده عن المده بدون اثبات دفع الايجار من حقك تطرد المستأجر

2- لو المستأجر مدفعش الايجار لمده شهرين من حقك تطرده

3- لو المستأجر مدفعش فلوس صيانة العقار (نور السلم - المياه - الاسانسير - ...) من حقك تطرده

كل الفكره بس معرفه بالقانون و ازاى تستخدمه ..

المشاركة الأصلية كتبت بواسطة مواطن مصرى

البنود دى غير قانونية يا فندم ..

المحكمة وحدها هى اللى من حقها تعمل الحجز على المنقولات و مفيش حاجه اسمها المالك ينهى العقد فوراً بدون قيد او شرط .. و كمان يعنى لو حضرتك رايح تأجر شقه وفقا للشروط دى هل هترضى ان المالك يبقى من حقه فى اى وقت يخبط عليك و يقولك قوم اطلع بره عايز ملكى ؟! ..

تمام كده , المحكمة هي الوحيدة فقط التى تقوم بإجراء بالحجز -

المشاركة الأصلية كتبت بواسطة y a r i s

فعلاً يارررررررررررررريتني اضفت. بندين زي كده
ده العقد ابو نص جنيه ده مصيييييييبة مفهوش اي كلام ينصف الملك خالص وانا واحد من الناس كنت فاكروا عقد قانوني علشان لونوا ازرق. اتاري بتأع المطبعه بيبقى قاعد فاضي يقوم يعملوا كام عقد كده ويطبعوا ويوزعوا على المكاتب :)

بعد كده بإذن الله ابقى اكتب البند ده :

يتم دفع غرامة بقيمة 200 جنيه عن كل يوم تأخير عند عدم تسليم العين في الموعد المحدد !!

البند ده هينفعك في الضغط عليه سواء بصورة شفهية او عند لجوؤك الى المحكمة

المشاركة الأصلية كتبت بواسطة y a r i s

انا رحت للقسم التابع ليها الشقة ... قالولي روح للنقطة
المهم رحت للنقطة التابع ليها الصراحة والحقيقة حسيت اني دخلت شقة جماعة عزاب مش نقطة تابعه لوزارة لداخلية ومنهم امين شرطة كان طالع من الحمام حاطط الفوطة على كتفو ومشاء الله الي لابس شيبشب زيكو والي لابس زنوبة وحاجة ايه اللهم صلي على النبي. تفررررح ... المهم. قعدوا يشقطوني لبعض. مين يكتبلي المحضر. لغايت ما واحد تعطف عليا وكتب لي المحضر.

بس المهم دلوقتي الامين بيقولي ايه !!! في بند في العقد الازرق. بيقول .:

بند رقم ٢-: إذا رغب أحد المتعاقدين إنهاء العلاقة الإيجارية فينهاية المدة المتعاقد عليهاااااااااااا. وجب أن يعلن الطرف الآخرر بخطاب مسجل مصحوب بعلم الوصول قبل انتهاء مدة التعاقد :.......بشهرين ........... والا يعتبر مجدد لمدة : ممثالة .


فانا قلتلوا ماهو العقد خلص قالي ماهو البند ده مذكور في العقد والعقد شريعة المتعاقديييين ... يعني الي فهمتوا خلص العقد او ماخلصشي لازم اروح المحكمة وابعت جواب على يد محضر اقول فيها للمستاجر معليش انا مش هعملك عقد جديد. ... اما اني اقابل المستاجر واقولوا شفوي كده مينفعش !!

فمعنى كده ايه إن شاء الله اني هستنى شهرين كمان عقبال ما ابعتلوا جواب بعلم الوصول فوق الشهرين الي فاتوا ... وياترى المدة دي كلها على حساب مين ( على حساب صاحب المخيل ) هههه واللهي المفروض الواحد ياخد تامين عشرين شهر مقدم ... المهم انتوا ايه رأيكم ياشباب في موضوع بند (نمرة ٢ ) هل امين الشرطة على حق ولا اشتغالة :) وتحياتي

السلام عليكم ورحمة الله وبركاته ...
اخى الكريم بالنسبة للبند ده :
بند رقم ٢-: إذا رغب أحد المتعاقدين إنهاء العلاقة الإيجارية في نهاية المدة المتعاقد عليهاااااااااااا. وجب أن يعلن الطرف الآخرر بخطاب مسجل مصحوب بعلم الوصول قبل انتهاء مدة التعاقد :.......بشهرين ........... والا يعتبر مجدد لمدة : ممثالة .
بيكتب كده :
بند رقم ٢-: إذا رغب أحد المتعاقدين إنهاء العلاقة الإيجارية فينهاية المدة المتعاقد عليهاااااااااااا. وجب أن يعلن الطرف الآخرر بخطاب مسجل مصحوب بعلم الوصول قبل انتهاء مدة التعاقد :.......بشهر واحد ........... والا يعتبر مجدد لمدة : غير قابل للتجديد
او والا يعتبر مجدد لمدة : شهر واحد بقيمة ايجارية ثلاثة اضعاف القيمة المتفق عليها