الموضوع: السيارة الشيفرولية اللانوس والمشى فى المدقات

لو رينج السعر بتاعك واصل ل 80 الف يبقى شوف لانسر بومه مستعمله و حالتها نضيفه احسن من اى حاجه تانيه ثبات و ماتور و يابانى برضه و قطع غيارها متوفره و رخيصه بس متهيالى ميتحطلهاش بنزين 80

نصيحة متجبش لانوس مدام هتدفع 80 الف
ارشح لحضرتك
نيسان صني سوبر صالون عفشتها قوية جدآآآآ
ميتسوبيشي لانسر شارك او بومة
ولو عايز عربية تستحمل الهبد ومش فارق معاك الموديل وبتاخد بنزين 80 وعن تجربة مع واحد جاري كان بيحط له بنزين 80 وعربية تسافر بيها مريحة وتطلع بيها كمان جبال ياعم الحج دور علي مرسيدس 200 او 190
في ال200 ممكن من اول موديل 83 لغاية موديل 87 بس شكل ال83 لو نظيفة اوووي متعديش ال50 وابعد موديل 84 الشكل التاني ممكن يعد حسب الحالة بس نصيحة هات مرسيدس وانسي بمعني الكلمة اي مسمار تحطة في العربيه انسها ومتفكرش فيها عفشة تستحمل هبد السنين ولا تروح تغير جلب بسبب الطرق المكسرة ولا تحتاج كل فترة تربط عفشة زي لانوس هيا موديل قديم بس ركوبة تانية عن الجديد نصحية فكر فيها
او هات سزوكي فيتارا
ودول اكتر عربيتن ارشحهم لي طريقق

حضرتك بتسافر يعنى على الطريق و ماعندكش و قت لاعطال المستعمل و قرفة يبقى كدة خليك فى الزيرو و ريح دماغك
قطع غيار الفيرنا و اللانوس رخيصة و متوافرة و كماليات و رفاهية طيب لية مافكرتش فى الايمجراند بيقال انة عفشتها ممتازة و اكيد قطع غيار معقول و سيبك من موضوع بنزين 80 لانة غير متوافر فى اى مكان
واذا كان على طريق المدق امشى علية بالراحة
تحياتى

والله يا أخوانى أنا شاكر ليكم جدا جدا بجد أنا أستفدت من كل شخص تطوع وأبدى رأيه
ربنا يجزيكم عنى خير الجزاء
بالنسبة للطريق الى سيوة فهو طريق جميل لا يعيبه سوى المدق 15 كم واحنا بنستخدمه لدخول التريلات الضخمة لتحميل حمولات تصل الى 60 طن غير عربيات الخدمة الربع نقل النيسان وعلى طول احنا بنعمله صيانة بالمعدات اللى موجودة فى الشركة
الخلاصة انا شايف ان اللانوس 2013 هى افضل وانسب شىء لى فى السفر بالاولاد ولو على المدق انا هجرب اول مرة واحدة واحدة مع ان فيه ناس سعات بيجوا زيارات لينا بعربيات سيدان وبتكون واطية زى الالنترا لو لقيت العربية تعبتنى هبقى اركنها فى مدينة سيوة عند ناس حبايبى خصوصا انى مش هستخدمها داخل الشركة غير وانا نازل اجازة
ولو على البنزين مفيش مشكلة احطلها 90 برضه احسن من البهدلة فى المواصلات
اعتقد ان ده حل كويس
ولو اى حد عنده نصيحة اخرى انا اكون سعيد بذلك