عشاق ومحبى فيات 128 كل ما يخص سيارة الشعب

**moury** · 06-12-2013 07:17 PM

هو ايه الديفيل ده اصلا حد يوضح يا جماعة للى معندهومش خبرة اوى زينا :d

**أبو إياد** · 07-12-2013 03:53 AM

المشاركة الأصلية كتبت بواسطة moury

هو ايه الديفيل ده اصلا حد يوضح يا جماعة للى معندهومش خبرة اوى زينا :d

**المستكشف** · 08-12-2013 03:31 AM

السلام عليكم انا عضو جديد بالمنتدى ودى اول مشاركة ليا وانا معايا قرشين صغيرين وعايز اشترى عربية ........ المشكلة بقى ان انا من اسوان وموضوع قطع الغيار عندنا مقفول على نوعين تلاتة المهم ما اطولش عليكم انا فكرت فى 128 لقيت واحدة سبور 2باب معمولها عمرة من شهر وجنوط سبور وحوض برقم كرتيرة عاملة 7500 ايه النظام؟ وابص على ايه تانى مهم ومن الاساسيات؟ ملحوظة العربية موديل 76
اخوكم مؤمن ...اسوان

**المستكشف** · 08-12-2013 09:30 AM

المشاركة الأصلية كتبت بواسطة aw2100

نصيحة تسيب الفتيس لما يبوظ خالص وتجيب واحد استيراد لان دة صوت تروس الرابع او ممككن يكون فى الكارونة بس اولا غير زيت الفتيس ممكن يكون الزيت وحش او فية مية وحط زيت موبيل من جركن مقفول بلاش الزيت السايب وجيب زيت فتيس 140 تقيل ممكن يقلل معاك صوت الونة !!

هي ال 128 في منها كرونة انا أعرف انها كبالن

**Ahmed sahab** · 08-12-2013 10:20 AM

ياجماعه محتاج مساعدتكم لمعرفة الاسعار العفشة لفيات 128 موديل 76 م كنت عايز اغير العفشة كلها فكنت عايز اعرف الاسعار يعني 1000 جنية يكفي لاني هجيب استيراد مش هعدل حاجة خالص كل شي هيكون اسستيراد فايتري هتدخل فى كام تقربيا

**aw2100** · 08-12-2013 10:04 PM

المشاركة الأصلية كتبت بواسطة المستكشف

هي ال 128 في منها كرونة انا أعرف انها كبالن

كل العربيات لازم يكون فيها كرونة علشان دى فى الملفات بتوقف عجلة والتانية تمشى فالعربية تلف بسهولة بس فى العربيات الجر الأمامى زى ال128 بتبقى جزء من الفتيس بداخلة اما فى الدفع الخلفى بعامود كردان بتبقى راكبة فى العجل الخلفى بين العجلتين زى ال 124 و البيجو 505 !!!

**Ahmed sahab** · 09-12-2013 03:22 PM

عندي عربية 128 موديل 76 الرقم على الحوض مطابق فى الرخصة وموتور سليم وفتيس 5غيار

**Abo-Yousef** · 09-12-2013 05:04 PM

رجالة نايل موتورز .. وحشتونى جداً ... ياراب تكونو كلكم بخير ... عندى كام حاجة كدة عاوز استفسر عنها ... نبدأ بالعافشة : اول حاجة العربية قدام لما بحمل بإيدى عالكابوت كدة عند المساعد الشمال مش بيطلع وينزل بسرعة وحاسه تقيل شوية عن الناحية اليمين او يمكن الاتنين اللى قدام حاسسهم تقال فى الطلوع والنزول كدة عن اللى ورا .هل كدة محتاج اغير المساعدين اللى قدام ... يعنى اجيب جوز مونرو جداد ب450 ولا ليهم حل ممكن يتصلحو ولا حاجة ؟؟؟ وكمان الدركسيون حسيته بقى تقيل اوى عن الاول دلوقتى وأظن ان علبة الدركسيون عندى فيها مشاكل ... هل ليها حشو ولا بتتجاب واحدة جديدة وسعرها يعمل كام ؟؟؟ .. تانى حاجة انا اليومين دول ناوى اشترى طقم كاوتش جديد مقاس 13/70/165 بس محتار ما بين التايلاندى ولا الاندونيسى ( اكليس ) ولا التركى (برليي ) ولا الكورى ( هانكوك ) مش عارف اختار ايه وخصوصاً الأسعار متقاربة يعنى التايلاندى لقيت الفردة عاملة 275 والاندونيسى ( اكليس ) 280 والبرليي 320 والهانكوك مش لاقيه ومش عارف سعره ... المشكلة انى مش عارف اختار ايه بس بشوف نقشات الكاوتش لقيت التايلاندى فيه خطين مفرغين وحاسسهم واسعين يعنى ممكن حصوة صغيرة تخرمه بس الأكليس يعتبر معقول شوية والبريلى التركى برضه نقشته قريبة من نقشة التايلاندى ومش عجبانى وكمان لقيت بريدجستون بس اندونيسى .. استغبرت لان اللى اعرفه انه يابانى ولقيته ب 380 ... شكلى كدة هستقر على الاكليس الاندونيسى سعره معقول وشكله كويس ( متردد برضه ) ايه رأيكم انتو فى الأنواع ... ياريت الاقى رد بسرعة عشان انا هجيب خلال الاسبوع ده او يمكن الناهردة بس مش عاوز استعجل الا اما تردو عليا الاول ... معلش طولت عليكم

على فكرة انا جبت شوية حاجات اليومين اللى فاتو للعربية من التوفيقية وهقولكم برضه عالأسعار للى عاوز يعرف ... جوز مرايات اجناب تركى كهرباء اشارات ب 150 جنيه الجوز .... 2 عتب فبر خارجى لجوانب العربية ماركة الصباحى ب 90 جنيه ... وجبت وش فانوس شبورة بتاع الشاهين مركبه عندى فى الكساحات بدل اللى اتكسر ( العيال الصغيره ولاد ال .... جت فيه طوبة ) ب 8 جنيه ... وجبت مساحة وضهرها فيه سفنجة بتنضف الزجاج زى بتوع البنزينه اللى بيعكولك بيها الازاز وفيها بخاخة ب 10 جنيه بس طلعت زبالة ونص كم محدش يجبها