الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة abo-yousef

العافشة الامامية بالذات لازم تكون كويسة عشان حمل الموتور وكمان عشان الشاسيه ميفتحش ولا يتكسر

اسعار العافشة الامامية بالكامل كالتالى :

جوز مساعدين المانى جداد 430 جنيه

جوز مساعدين صينى جداد 280 جنيه

ملحوظة : سعر المساعدين الامامى والخلفى واحد

جوز بطاحات المساعدين تركى 40 جنيه

2 فبرة مساعد امامى 4 جنيه

علبة دريكسيون ايطالى 240 جيه

بارات علبة الدريكسيون ايطالى 80 جنيه

جوز مقصات تركى 135 جنيه

جلب مقصات تركى 18 جنيه

جوز كبالن صينى 120 جنيه ( تقريباً ) لانى مغيرتش بصراحة فا مش متأكد من السعر بس هوا تقريبى

جوز كبالن ايطالى 290 جنيه ( تقريباً )

جوز كبالن المانى 350 جنيه ( تقريباً )

كاوتشة كوبلن زيت 18 جنيه

كاوتشة كوبلن شحم 9 جنيه

دى العفشة كلها الامامية وطبعاً مصنعية الصنايعية بتختلف بس التقريبى ان تركيب جوز المساعدين من 50 ل 60 جنيه وتركيب علبة الدركسيون ب 50 والمقصات 30 ..

بالنسبة للفحص ونقل الملكية والتجديد

مصاريف رخصة العربية

ورق فحص ونقل ملكية 25 جنيه
عامل بصمة الماتور 5 اكرامية
شهادة البيانات 5 جنيه
طفاية حريق 111 جنيه استبدال القديمة لو منتهية الصلاحية
شنطة اسعافات 40 جنيه
مثلث 20 جنيه
عامل شباك المرور 20 اكرامية ( من تحت لتحت يعنى عشان يمشى الورق مع ان خسارة فى امه :d )
دمغة 20 جنيه
ضريبة سنة بالدمغة 200 جنيه
تأمين اجبارى 110 جنيه

جمع انت بقى ياباشا وربنا معاك :d وأى خدمة

الف الف شكر ياباشا
بس بعد اذنك سوال اخير
انا دلوقتي مش هاقدر اعمل كل اللي انت كاتبه فوق ده فهل ينفع ابتدي بالمساعدين بس ويكونوا الصيني ولا ما ينفعش

يا رجالة بعد إذنكوا هو انا ليه كل ما اشترى أى مفتاح من مفاتيح التابلوه زى بتاع المروحة أو الإنتظار .. إلخ.

ليه بيكون من غير البرواز البلاستيك اللى حواليه ده؟ باخد الزرار لوحده كدة..

طب انا عايز أجيب الجزء ده .. حد يعرف ممكن ألاقيه فين؟

وألف شكر ليكم جميعاً :))

هو سؤال غريب شوية أنا عارف.. بس هفهمكم السبب ^__^

المشاركة الأصلية كتبت بواسطة aw2100

اهم حاجة تغيرها المساعدين وغير البطاحات كمان اكيد حيكوونوا مقطوعيين وربنا يقويك !!

الف شكر ياباشا علي الرد وربنا يسهل انا هاحاول اعمل كل اللي فيها بس علي مراحل

شكرا

ياجماعه استفسار مهم لو سمحتم هى المروحة اللى موجودة ورا الموتور اللى بتدخل هواء على الصالون ليها لازمة ولا مالهاش اصلها مش شغاله عندى وبفكر اصلحها ايه رايكوا فى الموضوع ده