الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة دكتور محمود

الف شكر يا جماعة

ححكي اللي حصل : بعد ما وديتها لاكهربائي قالي البطارية عايزة تتغير ويفضل اغير معاها طقم كهرباء وان عيوب البطارية بيظهر في الشتاء اكتر وبدأت اسخنها في اليوم اكتر من مرة عشان متفصلش.....لحد ما في يوم ماقمتش جبت كهربائي تاني يقومها ويشوفها ....اداني كذا ملحوظة : اول حاجة قاسها على جهاز قالي فيه ربع ضارب في البطارية...تاني حاجة العربية مش بتقوم عشان السلك الكبير اللي متوصل بالموتور مش مربوط كويس وبيهرب فعشان كدة مش مدي عزم ومحتاج يتطول تالت حاجة كانت المياة او الأحماض ناقصة في بدأ يوزع المياه عليهم عشان يتساوا وقالي ممكن اكملك مياه واحماض بس ممكن يكون من غير فايدة

العربية مشيت اسبوع زي الفل بس وبتقوم بس لازم اعد ادي بنزين لغاية ما تقوم ...لحد ما مرة العربية مش عايزة تقوم وركنتها اسبوع واكتشفت ان المشكلة ان السلك اللي قالي عليه فلت ..وصلت السلك العربية قامت بعد اسبوع ركنة !! :)

دلوقتي لازم اغير البطارية اللي تعتبر مشتريها من سنتين ، ولا اروح اطول السلك السميك واغير احماض ومياة البطارية ؟؟؟

تاني حاجة جوز الكبالن بكام ؟؟ في السابع بيتقالي الايطالي ب 230 والصيني ب 140...... هل في اسعار اقل ولو فيه اروح اسأل فيين بالظبط ؟؟

شكرا واسف اني طولت معلش

*أولا غير سلك الأرضى بتاع الموتور والشاسية كمان وربطة كويس وبص على سلك الكهرباء اللى فى المارش بالمرة
*ثانيا حكاية عدم الدوارة بسهولة عاوزك تفك عمة الكاربراتير وتحط شوية بنزين صغيرين ملو غطاء جركن فى الكاربراتير وتدور الموتور لو العربية دارت معاك ورجعت بطلت يبقى فية احتمالين ان الكاربراتير محتاج جوانات وديفرام او طرمبة البنزين الميكانيكية عندك ضعيفة ومابتحضرش بنزين بسرعة فلو فكيت خرطوم البنزين من فلتر البنزين وتدور ولاقيت بنزين بخرج كتير يبقى الطرمبة كويسة لو لاقيت البنزين مابيخرجش او ضعيف لازم تغيرها وال128 اللى بعتها فى الشتاء الثلج كانت بتدور من اول زغدة
*ثالثا بالنسبة للبطارية غير المية واشحنها كويس واديها اخر فرصة لو ريحت تانى غيرها بدون تردد
وربنا يقويك !!!

المشاركة الأصلية كتبت بواسطة ايهاب انور محم

يا جماعة سؤال بسيط هو ايه السلاحين دول عشان انا تحت للسمكرى وقالى نزل متور عشان اللحمات والشروخ ونسحب السلاحين ونقويهم هما ايها السلاحين دول والسمكرى قال هايخد ٥٠٠ جنيه مصنعيه

السلاحين اللى بيتكلم عنهم السمكرى هما علبتين الشاسية اللى راكب الموتور عليها من الجنب اليمين وعلبة البطارية فوقيها من الجنب الشمال ولما بيضعفوا بيخلوا العربية سايبة من بعضها ولما تكون واقف وتهز الدركسيون تلاقى فرق الكبوت مع الرفارف بيفتح ويقفل والعربية تبقى عايمة مهما تظبط زوايا بالنسبة للمصنعية ماعرفش غالية ولا لا واهم حاجة تركب كارتيرة فيبر تحت الرفارف علشان المية تحت الرفارف والغسيل هو اللى بيعمل بارومة وتشريخ فى الشاسية وربنا يقويك !!