عشاق ومحبى فيات 128 كل ما يخص سيارة الشعب

**aw2100** · 25-01-2014 09:33 PM

المشاركة الأصلية كتبت بواسطة maged1010

فائدة خرطوم الفايظ؟ ولو شلتة اية اضرارة؟

خرطوم فايظ الزيت مهم قوى لو العربية موتورها سليم والزيت مابينقصش ؟
بيخرج من خرطوم الفايظ ابخرة زيت الموتور بعد مايسخن ويدخل مع البنزين فى غرفة الأحتراق -السلندر - وده بيعمل عملية تزيت للبستم وهو بيتحرك من الداخل وكمان بيعمل طبقة كاربون على السلندر من الداخل وقواعد الصبابات فتعمل احكام قفل للصبابات وشنابر الموتور وبالتالى بتزود القدرة الحصانية للمحرك وصوت المحرك يوطى لكن لو موتور مفوت وبيدخن من خرطوم الفايظ دخنة الزيت الكتير اللى بتدخل الكاربراتير بتوسخ الكاربراتير وتسده وتلخبط الموتور وتخلي سحبة يضعف علشان كده بتشيل خرطوم الفايظ !!!

**aw2100** · 26-01-2014 10:14 PM

المشاركة الأصلية كتبت بواسطة ahmedesmat1987

بسم الله ما شاء الله انا بحس من ردودك انك فاهم جدا فى العربيات ومفيش سؤال ملوش عندك جواب هو حضرتك شغال فى المجال دا ولا مجرد هوايه واستاذن حضرتك انك تشترك معانا فى الرابطه لاننا محتاجينك تفيدنا كتير

https://www.facebook.com/groups/708800399137300/

الله يبارك فيك
بالنسبة لل128 زاستافا عشرة 14 سنه حفظت فيها ترس ترس وكانت مع والدى عربية من سنة 1981 فيات 1100 وانا متخصص فى الالكترونيات والتحكم الالى وبعشق الميكانيكا والأعمال اليدوية وبشتغل فى الفليشيا وقبل منها ال128 بايدى وخصوصا فى الكهرباء وصيانات الميكانيكا البسيطة تيل فرامل -تربيط عفشة
وباتبع مبدء ان الأنسان يجب ان يكون متخصص بمعنى بيعرف كل شئ عن شئ ومثقف بمعنى يعرف شئ عن كل شئ وفية مثل ماليزى بيقول اكثر من الحرف تنجوا من الفقر وسبعة صنايع والحمد لله وان شاء الله حكون فى رابطة الفيس بوك خدمة لزبائن الدكاترة -الميكانيكية - اللى بقوا بيفتوا ويقلبوا الزبائن لوجه الله
تحياتى !!!

**maged1010** · 31-01-2014 09:52 PM

شكرا جزيلا لردك بس سؤال تانى معلش انت بتقول البخار مفيد طب ماهو البخار اللى طالع بتاع الحرق هعرفة ازاى انة بخار مفيد يعنى انت بتقول لو بيدخن قصدك يعنى دخنة زى بتاعت الشكمان وشكرا

**alaaeldineffat** · 01-02-2014 11:20 PM

بقلكو يا رجالة انا اتصلت بالشيخ بتاع قطع الغيار الفي الهرم حاجته رخيصة قوي حد جاب منه حاجة انا سالت علي كربيراتير 2 باب بتاع الريجاتا بالمنافولد ب 300 هل هيفرق لو ركبته مكان ال واحد باب بتاع ال128 هي العربية 128

**Abo-Yousef** · 02-02-2014 06:54 PM

المشاركة الأصلية كتبت بواسطة المستكشف

احمد باشا الف شكر يا برنس انا ان قصدى على تعديل الفوانيس اللى عمله سامح ابو يوسف علشان يثبت الفوانيس فى الشاسيه من غير كلبسات

الموضوع سهل يا حبى ... كل ماعليك تعمله كالاتى .. هتفصل سلوك الكهرباء بتاعت كل فانوس وتخرج الفانوس بره يعنى تخلعه من الكلبسات ... تمام كده لحد دلوقتى .... تفك بعد كده الشاسيه بتاع الفانوس اللى فيه الكلبسات .... كده اصبح الفانوس مش هينفع يركب لان الشاسيه اتفك ... هتجيب اربع مسامير بتاع 8 سم لكل فانوس مقاس 10 يعنى يتربطو بمفتاح 10 ومعاهم اربع صواميل و 8 وردات برضه كبار لكل فنوس و 4 وردات صغيرين خالص مقاس 10 برضه لكل فانوس ... كده معاك المسامير والصواميل والورد .. هتمسك الفانوس وتشيل الكلبس البلاستيك منه وتجيب مسمار وتحط فيه الوردة الصغيرة اوى وتدخله مكان الكليس بس بالعكس يعنى راس المسمار هتبقى من تحت ووظيفة الوردة ان المسمار ميخرجش من الفتحة بتاعت الكليبس وفى نفس الوقت جبناها صغيرة عشان تدخل فى المكان بتاع الكليبس من تحت بسهولة وبعدين تربط صامولة عشان المسمار يبقى ثابت فى الفانوس وبعدين تربط صامولة تانية لحد نص المسمار كده ودى وظيفتها رجلاش يعنى تتحكم بيها فى ارتفاع الفانوس يبقى خارج لبره او داخل لجوه وتحط عليها ورده وطبعا الكلام ده كله بتعمله فى الاربع رجول بتاعت كل فانوس وبعد كده بتدخل الفانوس فى الاربع خروم اللى موجودين فى صاج العربية مكان الشاسيه ولو فيه مسمار مرضيه يدخل عشان ملوش خرم اخرمله خرم بالشينيور ولما المسامير تعدى الناحية التانية حط فى كل واحد وردة واقفل عليها بالصامولة .. وبكدة تكون خلصت الحدوته ... والصور عندك اتفرج عشان تفهم اكتر

**Abo-Yousef** · 02-02-2014 07:00 PM

معلش ياجماعة انا اسف على الغياب الطويل ده بس ده لانى بقيت عالجروب عالفيس باستمرار وطول اليوم وده اللى مخلينى مش عارف ابقى متواصل هنا كمان بس بجد فعلا الجروب بقى ممتاز وهايل وكل حاجة عليه والرد بيبقى فى ساعتها مش محتاج كذا يوم عشان الناس ترد على بعضها ودى احلى حاجة فيه وياريت كله يجي الجروب يبقى معانا فيه

Monster Fiat 128

**mohamed5353** · 05-02-2014 03:47 PM

1-كنت عاوز اعرف افضل نوع لزيت الفتيس وتكلفه كام وازاى اعرف هل العربيه تحتاج تغير الزيت ولا لا .
2-واستفسار اخر بسمع صوت دربكه وانا ماشى فى شارع مكسر شويا ده يكون سببه ايه وكيف اعالجه .
3- كنت عاوز اركب شداد هل هو عملى وسعر الشداد كام الى بيركب على البطاحة من فوق وياريت لو حد يعرف حد فى اسكندرية يكون عنده .
واشكر مروركم الكريم .

**aw2100** · 05-02-2014 09:21 PM

المشاركة الأصلية كتبت بواسطة mohamed5353

1-كنت عاوز اعرف افضل نوع لزيت الفتيس وتكلفه كام وازاى اعرف هل العربيه تحتاج تغير الزيت ولا لا .
2-واستفسار اخر بسمع صوت دربكه وانا ماشى فى شارع مكسر شويا ده يكون سببه ايه وكيف اعالجه .
3- كنت عاوز اركب شداد هل هو عملى وسعر الشداد كام الى بيركب على البطاحة من فوق وياريت لو حد يعرف حد فى اسكندرية يكون عنده .
واشكر مروركم الكريم .

افضل نوع لزيت الفتيس لل 128 زيت شل 140 او اى زيت فتيس 140 اهم حاجة تجيبة من البنزينة ويكون جركن مبرشم بلاش الزيت السايب والزيت لما يقدم بتلاقى فية عضة فى الغيار وصوت ونه فى التروس وممكن تربط العفشة والمقصات والأسكترا علشان الصوت
بالنسبة للشداد اللى بين البطاحتين فى ال128 ممكن يكسر لك الشاسية لو اخدت مطب جامد مانصحكش بتركيبه علشان بيبقى مكتف الشاسية وال 128 الشاسية ضعيف !!