الموضوع: بعد تشغيل الانذار عندي مشكلة بسيطة

السلام عليكم ورحمة الله وبركاته ا

الموضوع بالترتيب كلاتي

كان عندي جهاز الانذار فاصل المهم عملته بنفسي وكان فيه زحمة سلك حوالين الانذار ظبطهم وحطيط الجهاز مكانة

المشكلة لما ركب العربية وبلف الدريكسيون اقصي اليسار للاسف سلك من بتاع الانذار لف على البار الحديد بتاع الدركيسيون

لقيت الفيش اللى راكبة فى الكونتكت كلها اتفكت وبعد عدة محاولات دورت العربية وروحت للكهربائي ظبط الفيش وركبها

المشكلة ظهرت بعد كدة وأنا ماشي بالعربية بسمع صوت الكتاوت وكانك مدي اشارة يمين او شمال

وأحيانا لو دوست على زرار الانتظار بلاقي النور بينور وميطفيش تاني ومش كلة مرة بتحصل

وكذلك لما ادي اشارة يمين او شمال الاقي النور نور ومطفاش تاني

ياتري المشكلة من اية



ياريت أكون وضحت لحضراتكم المشكلة

ومنتظر مشاركات الزملاء للاستفادة من خبرتهم

الفليشر عندك اتحرق من تلامس السلك مع جسم الدريكسيون المعدنى عمل شورط قط (قفلة ) بترد على الفليشر بتحرقة فى ثانية اشترى فلشر جديد وفك القديم وركب الجديد بنفس الوضعية واشاء الله مشكلتك تزول....