الموضوع: عملت حادث بالسيتروين بتاعتي أرجو النصيحة

المشاركة الأصلية كتبت بواسطة aldesha989

قدر الله وما شاء فعل والله يخلف عليك

شكرا لحضرتك و ربنا يسترها معانا كلنا

المشاركة الأصلية كتبت بواسطة sergiooo90

قدر الله و ماشاء فعل ,, قل اللهم آجرني في مصيبتي و اخلف لي خير منها و ربنا يعوضك و إن شاء الله تبعد عنك حاجة اوحش عموما كله يتصلح و أهم حاجة إنتا , و الشباب يساعدوك في موضوع قطع الغيار و أي خدمة

امين و ألف شكر

المشاركة الأصلية كتبت بواسطة buddha

الله يعوض عليك
والف سلامة


اتصل باستاذ كريم منير
وهو هيخلصلك العربية على المفتاح إن شاء الله.... ولا تتعب نفسك خالص

شكرا بوذا و انا كلمت استاذ كريم و فعلا وديت العربية ليه و بدا الشغل شكرا علي النصيحة

المشاركة الأصلية كتبت بواسطة leitosr

حمدلله علي سلامتك,
وقبل ما تشتري الحاجات دي, أنا كنت عامل حادثة زي بتاعتك.
ولما جيت أجيب الحاجة جديدة خصوصاً الأكصدام كان غالي وكان من غير الشبكة لسه ولا الفوجات.
يعني كنت لسه هجيبهم وأركبهم عليه وأرشهم.
ناس نصحتني أنزل وكالة البلح, وهيا فيها قطع غيار أكتر من الحرفين ومش متعبين زيهم ومعظم قطع الغيار هناك أستيراد من عربيات متقطعة أو عربيات عاملة حوادث توتال لوس وبياخدوا منها السليم فيها,

جبت الاكصدام من هناك والرفرف الأتنين بنص سعر الاكصدام الجديد واللي كان أسباني كمان مش أصلي,
لأن الصيني كان عره أووي.
وكان عندي فانوس مكسور, لاقيت حاجات برضة بس كانت قواعدها مكسورة وهما لاحمينها أي كلام كدا, وكان بنص تمن الجديد, دي أبعد عنها, لأن اللي قاعدت ملحومة دا ممكن يتكسر تاني من المطبات الكتير وهيبقي مش مريح في السواقة..

في فوانيس أسمها ديبو مالية السوق, نوعها تايواني تقريباً بتعمل نفس الفوانيس الاصلي وبيبقي أخوه بالظبط, بس عيبة أنة لما جيت اشتريه مكنش فيه الماتور اللي بيعلي ويوطي النور, فعشان كدا مجبتوش,
وفضلت أدور لحد ما لاقيت فانوس كويس وجبته وركبته.

فنصحيتي ليك أنزل بنفسك بص بصة هناك ولف, وإن شاء الله تلاقي كل اللي أنت محتاجة

شكرا ليك. انا روحت الحرفيين و الحاجات موجودة عدا الكبوت و الاسعار يعني.
المهم كلمت واحد في عين شمس اسمه جميل و جبت الحاجات من عنده جديد كله
الكبوت 600 جنيه تايواني أفضل من الأصلي الألومنيوم لما يتخبط ما يتسمكرش
الفانوس depo 600 بالموتور من غير لمبات
الفيبرة اللي ماسك فيها المروحة و كده 275 جنيه
الشبكة الصغيرة اللي في الاكصدام فوق 80 جنيه
السوكة النيكل اللي علي حرف الكبوت بتاعة العلامة سيتروين 100 جنيه
الفيبرة اللي مغطية الكالون فوق 175 جنيه

كدة كل حاجة جبتها فاضل المصنعيات و الدهان دي بقي بتاعة كريم منير نتكلم فيها معاه

اخوتي الأعزاء شكرا ليكم جميعا علي ردودكم و أنا أخذت بآرائكم و كنت محتار فعلا أعمل ايه و أجيب منين و أروح التوكيل ولا لا و نفسي انها ترجع زي الأول تاني و انا روحت فعلا لكريم منير زي ما نصحتوني و جبت الحاجات من واحد في عين شمس و ربنا يسهل في الجاي و ألف شكر و لما أستلم العربية حابقي أقول ايه اللي حصل. هو علي الكلام بتاع احمد قدورة اللي ماسك ورشة كريم منير بيقول الثلاثاء و انا معاهم ليوم الجمعة مش مشكلة المهم ترجع تاني ز ما كانت و العملية كلها في الفيبر و الكبوت و الفانوس لكن العضم و الصاج و الشاسيه و لا الهوا فيهم والخبطة أصلا كانت صغيرة لكن الخسائر كانت في الجون نظرا لهشاشة الكبوت المضروب بتاعها اللي معمول من الألومنيوم و ده لا ينفع معاه سمكرة أو لحام و الفانوس أصلا غالي لأنه بموتور. عموما اسعار قطع الغيار عادية و أرخص من الدايهاتسو سيريون بتاعة مراتي أو التيريوس اللي كانت معايا أو البروتون جين2 اللي كانت معايا قبلها من حيث أسعار القطع او توافرها و دي ميزة تحسب للسي4 بجد و تطمن الواحد مستقبلا لو لا قدر الله احتجت حاجة تانية للصيانة أو خلافه

المشاركة الأصلية كتبت بواسطة ahmed salah90

الف سلامه ليك و إن شاء الله يعوضك خير محدش عارف لو كنت كملت المشوار كان ايه اللي حصل ربنا هو بس اللي عالم بالغيب

فعلا عندك حق بس الواحد بيزعل علي بهدلة العربية و العطلة و الفلوس بتتعوض لكن القلق كله من عدم رجوع العربية لأصلها