الموضوع: نقاش حول الفرق مابين الكاتينه الجنزير والكاتينه الكاوتش

الفكرة في السير كانت انه ارخص واخف في التصنيع فبيقلل تكلفة العربية وطبعا ما تستهونش بالمبلغ اللى يتوفر حتى لو كان تافه ، يعنى لو 10 دولار بس اقل في تكلفة العربية الواحدة هتجمع معاهم مليارات .. كمان السيور والفلاتر بتمثل نسبة كبيرة من اكل عيش التوكيلات ومراكز الخدمة ، يعنى كسبان كسبان في الحالتين ، بيريح دماغه في التصنيع ، وانت اللى تلبس في الصيانة بعد كدة ..


موضوع انه انعم وصوته اقل ده غير ملاحظ تماما في المواتير الحديثة وفعلا تكاد تكون اشتغالة ليس الا ، يمكن كانت بتعمل فرق مع المواتير القديمة انما الجديدة في رأيي لا ، بالعكس انا شايف انها بتخلى صوت الموتور لذيذ :d



وفي الفترة الاخيرة الملاحظ ان المصنعين كلهم تقريبا رجعوا للجنزير تانى زي كيا-هيونداى ، نيسان ، جينرال موتورز ، ومن قبلهم تويوتا ..

بس ارجع اقولك كموضوعية برضه في الكلام ، كله ليه ميزاته وعيوبه ، الجنزير حوار ، وتغيير الجنزير بالتروس بالبلف حوار كبير ومصاريف عالية ، وخلى بالك الجنزير برضه مش بيعيش العمر يعنى .. وحساس اوى لنوع الزيت وتغييره في مواعيده ..

والاهم من ده كله ، ان مشكلة قطع السير وكسر الصبابات ، مش محمية تماما في نظام الجنزير ! ميزة الجنزير انه بيعمل اصوات تحذيرية قبل ما يبوظ ، لكنه مش محمى من القطع على ار بي ام عالى ، وساعتها النتايج بتبقى كارثية ، اكتر من السير

المشاركة الأصلية كتبت بواسطة amrelsaqqa

بس ارجع اقولك كموضوعية برضه في الكلام ، كله ليه ميزاته وعيوبه ، الجنزير حوار ، وتغيير الجنزير بالتروس بالبلف حوار كبير ومصاريف عالية ، وخلى بالك الجنزير برضه مش بيعيش العمر يعنى .. وحساس اوى لنوع الزيت وتغييره في مواعيده ..

والاهم من ده كله ، ان مشكلة قطع السير وكسر الصبابات ، مش محمية تماما في نظام الجنزير ! ميزة الجنزير انه بيعمل اصوات تحذيرية قبل ما يبوظ ، لكنه مش محمى من القطع على ار بي ام عالى ، وساعتها النتايج بتبقى كارثية ، اكتر من السير

هو السير الجنزير لازم يتزيت كل فتره ؟؟!!

المشاركة الأصلية كتبت بواسطة hossam_elwani

هو السير الجنزير لازم يتزيت كل فتره ؟؟!!

غالبا بيبقى في مجاري للزيت ناحية وش التقسيمة مع دورة الزيت يعنى ، والحتة دى بيبقى لها مشاكلها في تسريب الزيت وتغيير الاولسيهات كل شوية

في الهندسة عموما مفيش حاجة كلها مميزات 100%
وحاجة كلها عيوب 100%
لازم يبقى فيه tradeoff يعنى مقايضة ، تختار ايه على حساب ايه

يعنى كمثال ، موتور 1 كامة احسن من 2 كامة في حاجات ، و 2 كامة احسن من 1 كامة في حاجات تانية ، وهكذا ...

الكاتينة الجنزير افضل لانها بتعيش اكتر وكمان مبيقطعش فجاة زى الكاتينة الكاوتش وده لو حصل مثلا فى الكاتينة الكاوتش ممكن يسبب اضرار بالغة للمحرك لكن فى الفترة الاخيرة دى ومع تطور صناعة السيارات تطور كبير اصبح هناك كاتينة كاوتش مصنعة من خامات افضل من السابق وبتكنولوجيا افضل عاشن تعيش اكتر .