الموضوع: لغيت الدفايه والحمد لله

ماسورة ال low لازم تكون ساقعة جدا لدرجة انك متستحملش تمسكها لفترة قصيرة۔
لو غير كدة يبقى عندك مشكلة۔

المشاركة الأصلية كتبت بواسطة amoor89

حاسس بيك لانى مريت بنفس القصة دى وصرفت اكتر من 1500 جنيه على الفاضى ومازال مفيش تكييف بس انت ممكن تكون احسن شوية لانى عربيتى لونها اسود ربنا ما يوريك مغناطيس شمس سونا .... سونا ايه ده فرن متحرك

اكيد بس الاسود لو التكيف بتاعه مظبوط مش هتحس بكده

بس حرام تفقد ميزة التكيف علشان كدها انا بعافر معاه

انتا ايه المشكلة اللى عندك يمكن ربنا يجعل الشفا على ايدينا

المشاركة الأصلية كتبت بواسطة reda elgohary

بصراحة أنا كسبت معلومات مهمة هنا ،،ومتابع باقى الردود.

زى ما اخدت معلومه هات معلومه

المشاركة الأصلية كتبت بواسطة m_elkhishin

ماسورة ال low لازم تكون ساقعة جدا لدرجة انك متستحملش تمسكها لفترة قصيرة۔
لو غير كدة يبقى عندك مشكلة۔

هى فعلآ مش كده يدوبك بارده لكن مش لدرجه انى ما استحملش امسكها علشان كده مستغرب
طب كده يا نجم ممكن تكون التلاجه اللى جوا هى اللى فيها مشكلة ولا الكمبروسيسور

المشاركة الأصلية كتبت بواسطة amoor89

الماسورة لازم يكون عليها تلج غير كده يبقى كبس الكومبروسر ضعيف انا كنت بعرف اذا كان الكومبروسر كويس ولا لا بانى الف الطارة بتاعته واحط صباعى على فتحات الخراطيم واشوف لو شفط صباعى جامد من فتحة السحب وحسيت بقوة طرد فى الفتحة التانية يبقى كده تمام بس مش هاين عليا اقولك ضيع الشحنة عشان تختبر الكومبروسر

اما مشكلتى فللاسف مشكلة ان مفيش حد فاهم عندنا فى البحيرة كله بتاع بطيخ وخسرت 2 كومبروسر بسبب الجهل بان الدورة مسدودة من الاكسبنشن تيوب فمسنى اظبط فلوس وهطلع ام التكييف ده كله بنفسى بره واوديه يتنضف كويس واغير الاكسبنشن واجيب كومبروسر تانى وابقى اروح لحد يفاكيوم الدورة ويشحن
وعمار يا مصر

والله حتى انا مستحرم اضيع الشحنه مع انى عارف انها زفت طب تفتكر ضعف التكيف عندى انى ما عملتش فاكيوم ؟ هل ده ممكن يعمل كده
وكمان الكمبروسيسور عندى بيتكتك ساعات وساعات الاول كان على طول دلوقتى ساعات وساعات ووانا ماشى مش بيكون موجود بيظهر على السلانسيه بس تفتكر ده بلى الكمبروسيسور ولا ده كده بيشيع وسعر الكمبروسيسور كام جديد ومستعمل وافضل نوع لعربيتى هو هو ولا فى حاجه تانيه بدون تغيرات لانى متبهدل تغيرات ودى اكتر حاجه بتبوظ الدنيا انك تركب حاجه مش بتاعت عربيتك فعلآ التعديل لو مش صح يبوظ اى حاجه

وربنا يعوض عليك انتا كمان هى دى مصر بالفهلويه بتوعها

المشاركة الأصلية كتبت بواسطة amoor89

الحقيقة معنديش معلومات عن الكومبروسر بتاعك لكن ممكن تشوف عند بتوع الاستيراد كومبروسر يكون نفس القواعد بتاعتك يعنى انا مثلا الكومبروسر بتاع الاكسنت هو هو بتاعى ويركب بدون تعديل فشوف اكيد فى حاجة فى موديلات المازدا تركب عندك بدون تعديل

هو تقريبآ سعره كام جديد وسعره كام مستعمل

وايه وجه الشبه انا بصراحه ما فكيتش كمبروسيسور قبل كده فا مش عارف

وايه اللى اجربه لما اكون هشتريه مستعمل علشان ما اركبش واحد ويطلع بايظ والبسه والبس معاه شحنة فريون فى الهواء

المشاركة الأصلية كتبت بواسطة amoor89

والله ما اقدرش افتى واقولك سعر بس غالبا الكومبروسر الاستيراد لاغلب الماركات بيتراوح ما بين 300 الى 500 حسب النوع والماركة يعنى انا عندى ب300 جنيه بختبره بانى بلف الطارة بتاعته واحط صباعى على الفتحات اللى بيركب فيها المواسير واشوف قوة الشفط والطرد بتاعته لو بيشفط صباعك جامد وانت بتلف الطارة وبتحس بقوة طرد وصباعك على الفتحة التانية يبقى تمام بس ده اختبار مبدأى لكبسه لكن بقى لو فيه بلى خشن صوت كده مش هتقدر تعرفه غير لما تركبه وتشحن ولازم تفاكيم الدورة كويس الاول وبعدين انت بتتفق مع التاجر على اسبوع تجربه لو فيه حاجة بترجعه تانى
يارب اكون قدرت افيدك

جزاك الله كل خير

بس معلش ليا سؤال اخير انا عارف انى تعبتك معايا معلش

لو انا ولا مره عملت فاكيوم للدوره وكمان لو الفريون ناقص حاجه بسيطه هل كل ده سبب فى اللى عندى

يعنى لو روحت لبتاع تكيف محترم وقولتله يعملى فاكيوم للدوره ويشحن هل ممكن تتحل تفتكر ؟ هل لو ما اتعملش فاكيوم بمعنى اصح يسبب مشكلة فى التكيف فعلآ ؟

وجزاك الله كل خير