الموضوع: مشكلة فى فتيس الاتوماتيك a4 والحمدلله اتحلت

أنا غيرت الزيت والقديم كان ناقص وزودته, وبرضه الرزعة والنتشة لسه موجودة,
موضوع تغير الفالف أنا أعرف ناس كتير غيرته ومحلش المشكلة معاهم ورجعت تاني,
أخر حاجة سمعتها من الحلول هوا الكولر, والقربة.!

وأنا كنت خلاص هغير الكولر بس كدا الكولر لو علي كلامكم بيأخر النقلة في كل الغيارات, يبقي مش العيب ممكن يكون مش منه عندي, مع العلم أني بتكلم علي بيجو أوتوماتيك مش سكودا,
لأن العربية مش بتاخد الغيارات متأخر, بس لما بقف بيها مش بتاخد أول خالص ولازم تطلع برزعة. :\

المشاركة الأصلية كتبت بواسطة samiazab

وهو انت هتغير الكولر من نفسك من غير ما تكشف عليه ولا ايه لازم تكشف عليه الاول ولو مكتوم غيره اما لو سليم هتغيره ليه واهم حاجة متحطش مية عادية فى الردياتير لان هى اللى بتبوظ الكولر

أنا مش بغيرة من نفسي, الكولر هوا اللي بيبرد الفتيس,
والمشكلة اللي عندي مش بتحصل غير لما الفتيس بيسخن ودرجة حاراة العربية تعدي ال 70
واللي هيا بتبقي دراجة الحرارة الطبيعية, ما بين 70 ل 90.
وكذا واحد قالوي لي طالما المشاكل بتاعت التنتيش والرزعة دي بتحصل مع سخونية العربية تبقي في الغالب كوولر, لأني لما بطلع من جوة البلد وأمشي علي السريع شوية وأقف لمطب أو كارتة الفتيس مش بيرزع ساعتها, لأن بيكون فيها كتير داخل للعربية من تحت وبيبر الفتيس والموتور.
والرادياتير عمري ما حطيت فيها مية حنفية, وعايز أنضف الدورة قريب وأغير المية بتاعته بمية حمرا جديدة قبل ما أشوف العيب من الكولر ولا من حاجة تانية.

تمام دي معلومة ممتازة, بس أخليه يضرب بالخرطوم أزاي فيه وهوا التنضيف كله من فتحات الموتور اللي فوق اللي واصلة للرادياتير بس,
والكولر تحت, ممكن توضح لي هيوصلة أزاي ويضرب الخرطوم فيه ؟