موضوع مهم جدا بخصوص تليين العربيات خصوصا الجين 2

**Powert** · 29-08-2008 01:16 PM

انا عايز اقولك انك في الالف كيلو الاولى انت مش بتلين الماتور انت بتلين العربية كاملة

بمعنى اي ماتور بيطلع من المصنع بيخضع لاختبارات تشغيل معينة لضمان جودته

ثم بعد ذلك بيتم تشغيل الماتور لوحده بدون اي شيء لغاية لما يحرك عدد معين من لترات البنزين

هنا في مصر لما تعمل عمره لماتور بعديها لازم الماتور يحرق 40 لتر بنزين على الواقف

وبتمشي هادي بلعربية لغاية اول الف كيلو

نفس اللي بيحصل من المصنع بره بعد لما يتم تصنيع الماتور بيحرق عدد معين من اللترات

لتاكد من لنه بيعمل بكفاءة

بس لتأكيد من عدم حدوث مشاكل انت بتكمل التلين لاجزاء العربية كلها مثل العفشة واجزاء الميكانكية الاخرى

**tutankhamoun** · 29-08-2008 03:11 PM

المشاركة الأصلية كتبت بواسطة Powert

انا عايز اقولك انك في الالف كيلو الاولى انت مش بتلين الماتور انت بتلين العربية كاملة

بمعنى اي ماتور بيطلع من المصنع بيخضع لاختبارات تشغيل معينة لضمان جودته

ثم بعد ذلك بيتم تشغيل الماتور لوحده بدون اي شيء لغاية لما يحرك عدد معين من لترات البنزين

هنا في مصر لما تعمل عمره لماتور بعديها لازم الماتور يحرق 40 لتر بنزين على الواقف

وبتمشي هادي بلعربية لغاية اول الف كيلو

نفس اللي بيحصل من المصنع بره بعد لما يتم تصنيع الماتور بيحرق عدد معين من اللترات

لتاكد من لنه بيعمل بكفاءة

بس لتأكيد من عدم حدوث مشاكل انت بتكمل التلين لاجزاء العربية كلها مثل العفشة واجزاء الميكانكية الاخرى

100 %%%%%%%%%%%% يا باورت
و لو أني أشك أن الموتور الجديد في المصنع بيحرق كمية البنزين اللي أنت قلت عليها

هو بيتجرب بس على ما أعتقد
تخيل أنت مصنع كبير زي هيونداي أو تويوتا مثلا
بينتج في اليوم الواحد الاف المحركات
فين المكان اللي هايسيبوه فيه مواتير شغالة لمدة لا تقل عن ساعيتن ثلاثة
دي غير التكلفة و تلويث البيئة
لذلك أعتقد أن التليين كامل هو على عاتق قائد السيارة

و لا يجوز التحميل على المحرك بتشغيل التكييف و هذا هو كلام الخبراء جميعا
و الكلام اللي بيقوله في عز العرب ......... ده بتاع ناس بقالين
العربية لازم تتلين و ليها طريقة معينة في التليين
و شكرا
و تحية خاصة جدا إلى أخي العزيز باورت
و تحياتي للجميع و تقبلوا تحياتي و رمضان كريم

**Powert** · 29-08-2008 04:12 PM

المشاركة الأصلية كتبت بواسطة Victor Alex

الف شكر ليك علي المعلومات دي كلامك مظبوط فعلا وده ياكد انهم بيعملو جزء كبير من تليين الموتور و لما بتتسلم العربيه بيتم تليين الموتور وهوه عليه حمل جر العربيه وكده
ده طبعا غير تليين الجيربوكس والعفشه

شكر ليك يا استاذ.... مش عارف اقول باور تي ولا بورت بس عامة شكر علي توضيح النقطه دي

خلي بالك ان تلين على حمل العربية بيكون برضه المصنع عمله في البداية بس برضه ما بيكونش كامل انت بتكمله

( التلين الكامل وتاخد العربية وتحرق عليها في بعض الموديلات الغالية من بعض الشركات زي فراري و مرسيدس S500 ) دي عربيات بملايين عايز الباشا يلين

لما هو يلين احنا نعمل اية

بنسبه لاسمي مش هيفرق كتير كل واحد بيكتب اي حاجة بعربي

المشاركة الأصلية كتبت بواسطة tutankhamoun

100 %%%%%%%%%%%% يا باورت
و لو أني أشك أن الموتور الجديد في المصنع بيحرق كمية البنزين اللي أنت قلت عليها

هو بيتجرب بس على ما أعتقد
تخيل أنت مصنع كبير زي هيونداي أو تويوتا مثلا
بينتج في اليوم الواحد الاف المحركات
فين المكان اللي هايسيبوه فيه مواتير شغالة لمدة لا تقل عن ساعيتن ثلاثة
دي غير التكلفة و تلويث البيئة
لذلك أعتقد أن التليين كامل هو على عاتق قائد السيارة

و لا يجوز التحميل على المحرك بتشغيل التكييف و هذا هو كلام الخبراء جميعا
و الكلام اللي بيقوله في عز العرب ......... ده بتاع ناس بقالين
العربية لازم تتلين و ليها طريقة معينة في التليين
و شكرا
و تحية خاصة جدا إلى أخي العزيز باورت
و تحياتي للجميع و تقبلوا تحياتي و رمضان كريم

توووت باشا حبيبي واحشني

هو فعلاً في المصنع ما اظنش انه هيحرق ال 40 لتر ( 40 دول لو انت بتعمل عمره هنا في مصر وطبعاً سيادك بتكون دافع تمنهم)

هو فعلاً بيتجرب ووبيخلصوا الاختبارات التشغيل الاولية عندهم وانت بتبدأ التلين

وفعلاً كل الشركات حتى الكبيرة والغالية بتقولك امشي برحة على العربية وممنوع تشغيل التكيف ولازم تنفذ المكتوب في الكتالوج

الكلام اللي بيقوله عز العرب مش من المهندسين بتوع الصيانة

دول البقالين اللي عنده اللي عايزين يبيعوا وخلاص علشان النسبة بتاعتهم

فلازم يقولك العربية تمام وخدها واجري

لو العربية تمام وانت بتاخدها وتجري كان اية لازمته صاينة الالف و 5 تلاف

وشكراً توت

وكل سنة وانت طيب

**densfog** · 03-09-2008 06:26 PM

ايه يا جماعه محدش تفضل ورد على سؤالى ليه ؟؟؟؟

**tutankhamoun** · 03-09-2008 06:36 PM

المشاركة الأصلية كتبت بواسطة densfog

طيب ياجماعة بالنسبة لتليين السيارة الأوتوماتيك التى لا يوجد فيها تحكم فى النقل عند rpm منخفض ... هل نستخدم نقلات العزم بدلا من الوتوماتيك فى فترة التليين؟؟؟؟؟؟؟؟

أنا أجاوبك يا باشا و معلش مأخدتش بالي من الأول

تليين الأوتوماتيك زيه زي تليين المانوال
الفرق أنك في المانوال بتغير بنفسك
الأوتوماتيك العربية هي اللي بتغير
و علشان تدي العربية فرصة للتغيير لغيار أقل أو أعلى
بتزود بنزين أو تشيل رجلك من على البنزين و متخليش عداد لفات المحرك يوصل لأكثر من 3000