خلينا الاول نحط موضوع الفتيس ال dsg على جنب ونتكلم عن السعر هقولك ان مصر مش انجلترا ولا هيه أمريكا ولا مصر هيه الخليج اللي بيجيبو العربيات بأرخص مننا بكتير ولا مصر هيه تركيا والهند مثلا اللي بيشتروها أغلى مننا بكتير. ممكن أقول ان الناس في أمريكا وانجلترا بتدفع ضرايب صح وتقريبا مفيش حد خارج النظام الضريبي انما هنا في مصر مبتعرفش تقفش الزبون وهوه بيعمل القرش بس تعرف تقفشه وهوه بيصرفه عشان كده عندك كوكتيل من الجمارك والضرايب وجشع تجار لعدم وجود رقابه وان السوق مفتوح والحكومه بتفترض ان المشتري عنده الثقافه انه يحمي نفسه من الجشع بس للأسف ده مش صح.
لما نقارن اوكتافيا بسعرها ده بالنسبه للزيادات اللي في السوق من أول السنه نلاقيها طبيعيه ومش شاذه عن الباقي. عربيه جديده بموتور جديد وأوبشن جديد لا يقارن بالفئه السابقه يبقى ده معناه سعر جديد.
المفضلات