الموضوع: انا بحبكم اوى ونفسى اكون معاكم

على فكرة يا جماعة الموتور ال 1600 وال 1300 فئة واحد وميفرقوش عن بعض اى فرووق ملحووظة..انا سقت الانسر ال 1600 والفيرنا ال 1600 والياريس 1300 والماتريكس 1600 الصراحة كل العربيات دى بالنسبة للسحب وقوة الموتور قريبين جدا اوى ومفيش فرق يرجح كفة عربية على الاخر

الأستاذ سعداوي ......... كل سنة و أنت طيب و رمضان كريم
بس ممكن بعد اذنك أعلق على الجملة دي

طبــــــــــــــعا
هناك فرق ما بين محرك 1300 و محرك 1600
سحبة الياريس قوية لعدة أسباب
العربية خفيفة
الموتور ناعم في السحب

إنما في السفر و التحميل
أي موتور 1600 يكسب
و ده عن تجربة عربيات كتير 1300 و عربيات 1600
الموتور ال 1600 بيسحب معاك على أي سرعة و أقوى من موتور 1300

يعني لو عربيتين ماشيين على سرعة 100 مثلا
و الأثنين محملين مثلا 200 كجم

و بتاع ال 1600 داس بنزين
هاتلاقي الموتور سحبته أعلى
و مرتاح في السحب

إنما الموتور 1300
هايتأخر شوية في السحب بمقارنته بسحبة ال 1600
و برضه هاتلاقي تعبان في السحب لما تقارنه مع 1600


و متنساش برضه إن المواتير 1600 أكبر في العزم و أكبر في القوة الحصانية
يعني مثلا الياريس 1300
قوتها 84 حصان
الإلنترا 120 حصان
يعني فيه فرق حوالي 35 حصان بحالهم
ده غير فرق العزم اللي أنا مش متأكد منه
و مش الياريس بس اللي أقل ......... لاءة أي عربية 1300 بتبقى أقل في العزم و القوة الحصانية
و برضه بتبقى أوفر في البنزين من 1600 و ده على حساب القوة اللي بتضيع لتوفير البنزين على أساس صغر قوة المحرك اللي بيحرق بنزين أقل على اد القوة اللي بتتطلع من العربية

و الفرق بيبان قوي لما تحمل العربية

و تحياتي لكل و للجميع و رمضان كريم على نايل موتورز