الموتور الاستيراد يبقى كويس لو كفاءتة كم ؟

**MarEgypt** · 14-07-2013 03:32 PM

كل سنه وانتوا طيبين

بافكر اشترى موتور استيراد، اكيد طبعاً مش هتكون كفاءته 100% عشان مستعمل قبل كدا.

المفروض كفاءته على الاقل تبقى كم فى الماية عشان يبقى كويس واتوكل على الله واشتريه ؟

ملحوظة: انا بأفكر أشترى m44b19

**fahd_628** · 14-07-2013 05:32 PM

بيتم قياس حاجة اسمها كبس المحرك

و عمر ما العربية الزيرو بيبقى الكبس بتاعها 100%

فا انا فى رأى كبس 85 % يبقى الموتور بحالة جيدة

و على فكرة ال m44b19 بيحتاج طقم دوارة و لازم يدور بالمفتاح بتاعة فقط

لاكن ال m42b18 مش لازملة طقم دوارة

و الموتورين كويسين جدا و معمرين

انا رأى مدام فى e21 خليكى فى m42b18 علشان متخشيش فى موضوع المفتاح و الكلام دة

**MarEgypt** · 14-07-2013 07:30 PM

المشاركة الأصلية كتبت بواسطة fahd_628

بيتم قياس حاجة اسمها كبس المحرك

و عمر ما العربية الزيرو بيبقى الكبس بتاعها 100%

فا انا فى رأى كبس 85 % يبقى الموتور بحالة جيدة

و على فكرة ال m44b19 بيحتاج طقم دوارة و لازم يدور بالمفتاح بتاعة فقط

لاكن ال m42b18 مش لازملة طقم دوارة

و الموتورين كويسين جدا و معمرين

انا رأى مدام فى e21 خليكى فى m42b18 علشان متخشيش فى موضوع المفتاح و الكلام دة

شكرا جدا للرد

واضح ان حضرتك بسم الله ماشاء الله عندك خبره ممتازه جدا

ممكن حضرتك توضح شويا عشان انا معنديش خبره اكتر من القرايه من النت

يعنى ايه طقم دواره وتكلفته حوالى كم ؟

تقصد حضرتك دفيرة الكهربا ولا حاجه تانى ؟

وانه ما بيدورش الا بالمفتاح بتاعه .. تقصد حضرتك عشان الامان ضد السرقة ؟ لو كدا ، مش دى تبقى حاجه كويسه فى ظل الظروف اللى احنا فيها دلوقتى ؟

وال m42b18 محتاج تغير دفيره ولا يركب على طول ؟

وهل فى حجات تانى تتغير زى الشكمان او الكرونه او العفشه او اى حاجه تانى ؟

ملحوظة: انا هاشترى الموتور والفتيس الاتوماتيك بتاعه واسفه على الاطاله

**fahd_628** · 14-07-2013 09:50 PM

المشاركة الأصلية كتبت بواسطة maregypt

شكرا جدا للرد

واضح ان حضرتك بسم الله ماشاء الله عندك خبره ممتازه جدا

ممكن حضرتك توضح شويا عشان انا معنديش خبره اكتر من القرايه من النت

يعنى ايه طقم دواره وتكلفته حوالى كم ؟

تقصد حضرتك دفيرة الكهربا ولا حاجه تانى ؟

وانه ما بيدورش الا بالمفتاح بتاعه .. تقصد حضرتك عشان الامان ضد السرقة ؟ لو كدا ، مش دى تبقى حاجه كويسه فى ظل الظروف اللى احنا فيها دلوقتى ؟

وال m42b18 محتاج تغير دفيره ولا يركب على طول ؟

وهل فى حجات تانى تتغير زى الشكمان او الكرونه او العفشه او اى حاجه تانى ؟

ملحوظة: انا هاشترى الموتور والفتيس الاتوماتيك بتاعه واسفه على الاطاله

بصى كل ال bmw من بعد 1995 كان فيهم المفتاح المشفر

و ال m44 نزل بعد 1995

طقم الدوارة دة هو عبارة عن المفتاح المشفر و حلقة الكونتاكت و كونترول بيقرأ اذا كانت هية دية الشفرة المطابقة ولا لأ

لو مطابقة بيقوم مدى سيجنال لل ecu بتاع الموتور يقولة تمام دور الموتور

لو مش مطابقة الموتور مش حيدور

فا علشان كدة مينفعش تاخدى الموتور لواحدة لازم تاخدية بنظام الدوارة دة يا اما مش حيدور

بالنسبة للتركيب فا لازم يتم تغيير ضفيرة الموتور بواحدة بتاعت ال m44b19 و كذلك ال m44b18

و طبعا لازم الفتيس بالكنترول بتاعة

انا معنديش خلفية عن تركيبة فى ال e21 للأسف لكن عندى عن ال e36

مش عارف الصراحة اذا كان حيركب على طول على ال e21 ولا لأ

بس انتى لو نفع تركبية هتحسى بفرق شاسع ما بين الموتور بتاعك حاليا و الموتور الجديد لو كان بحالة جيدة

و ربنا معاكى

بس نصيحة بلاش تروحى انتى للتجار و الميكانيكية شوفى حد قريبك يظبطلك الموضوع دة علشان التجار و الميكانيكية لو شافو واحدة بنت و مش فاهمة اوى حيعملو عليكى احلى شغل

و علشان الموتور يبقى صوتة مظبوط لازم طبعا الشكمان بتاعة بس حيحتاج يتعدل طبعا علشان يركب على ال E21

و الكورونة معنديش خلفية

بس انتى كدة داخلة على مصاريف جامدة لو حتعمليها صح

ممكن احسن انك تبيعيها زى ما هية كدة و بالفرق دة تجيبى عربية تانية احسن مش لازم BMW

**MarEgypt** · 14-07-2013 11:43 PM

المشاركة الأصلية كتبت بواسطة fahd_628

بصى كل ال bmw من بعد 1995 كان فيهم المفتاح المشفر

و ال m44 نزل بعد 1995

طقم الدوارة دة هو عبارة عن المفتاح المشفر و حلقة الكونتاكت و كونترول بيقرأ اذا كانت هية دية الشفرة المطابقة ولا لأ

لو مطابقة بيقوم مدى سيجنال لل ecu بتاع الموتور يقولة تمام دور الموتور

لو مش مطابقة الموتور مش حيدور

فا علشان كدة مينفعش تاخدى الموتور لواحدة لازم تاخدية بنظام الدوارة دة يا اما مش حيدور

بالنسبة للتركيب فا لازم يتم تغيير ضفيرة الموتور بواحدة بتاعت ال m44b19 و كذلك ال m44b18

و طبعا لازم الفتيس بالكنترول بتاعة

انا معنديش خلفية عن تركيبة فى ال e21 للأسف لكن عندى عن ال e36

مش عارف الصراحة اذا كان حيركب على طول على ال e21 ولا لأ

بس انتى لو نفع تركبية هتحسى بفرق شاسع ما بين الموتور بتاعك حاليا و الموتور الجديد لو كان بحالة جيدة

و ربنا معاكى

بس نصيحة بلاش تروحى انتى للتجار و الميكانيكية شوفى حد قريبك يظبطلك الموضوع دة علشان التجار و الميكانيكية لو شافو واحدة بنت و مش فاهمة اوى حيعملو عليكى احلى شغل

و علشان الموتور يبقى صوتة مظبوط لازم طبعا الشكمان بتاعة بس حيحتاج يتعدل طبعا علشان يركب على ال e21

و الكورونة معنديش خلفية

بس انتى كدة داخلة على مصاريف جامدة لو حتعمليها صح

ممكن احسن انك تبيعيها زى ما هية كدة و بالفرق دة تجيبى عربية تانية احسن مش لازم bmw

انا متشكره جدا جدا لحضرتك
لما باشترى حاجه بابعت اخويا بس هو ملوش فى التدوير فى النت هو ليه فى الفصال والتعامل مع الميكانيكى

فانا بادور واديله المعلومه جاهزه وهو بينفذ

بجد انا مش عارفه اشكر حضرتك ازاى .. حضرتك افتدنى جدا

ممكن من غير ما اتقل على حضرتك .. فكره تقريبيه عن الاسعار

**dr_omzy** · 15-07-2013 01:57 AM

انا كمان بفكر في نفس الحوار ده بس على e36 ممكن يا باشمهندس فهد تفدني فيه انا الموتورعندي اصلا m43b16 لو سقط m42b18 بالفتيس بتاعه هيحتاج مساعدين وسوست ستة سليندر ولا الي فيها يشتغلو ولو تعرف سعره بالفتيس الاوتوماتك اليومين دول افدني بارك الله فيك .

**fahd_628** · 15-07-2013 05:38 AM

المشاركة الأصلية كتبت بواسطة dr_omzy

انا كمان بفكر في نفس الحوار ده بس على e36 ممكن يا باشمهندس فهد تفدني فيه انا الموتورعندي اصلا m43b16 لو سقط m42b18 بالفتيس بتاعه هيحتاج مساعدين وسوست ستة سليندر ولا الي فيها يشتغلو ولو تعرف سعره بالفتيس الاوتوماتك اليومين دول افدني بارك الله فيك .

انت لو عربيتك m43 اعتقد ان هية حتكون موديل بعد 1995

المهم انت ممكن تسقط m44b19 لو عايز و دة احدث و ال m42 ممتاز جدا برضة

المساعدين و السوست و الطنابير زى ما هما مش محتاج تغير حاجة من الحاجات دية

انت محتاج موتور و فتيس و ضفيرة موتور

+ طقم دوارة لو m44

او ممكن سمعت ان فية ناس بتكود مفتاحك على ال ecu بتاع المحرك الى حتغيرة بس مش عارف مين الصراحة

الأسعار تقريبا 6 - 7 الاف جنية بتختلف من تاجر للتانى و الحالة

انا مش متابع اوى الأسعار فا اسأل برضة

**dr_omzy** · 15-07-2013 11:00 PM

لا يا فهد انا عربيتي m43b16 بس مش بعد 1995 عربيتي 1994 بس هي نازلة m43 والمفتاح بتاعها تقريبا مش مشفر ولا حاجة المهم انا سمعت ان ال m42 , m44 كان بينزلو بمساعدين ستة سيلندر مش اربعة سيلندر مش عارف ليه (لو الكلام ده صح اصلا)مع انا عارف ان وزن الموتور ده مش فارق كتير عن ال m43 بتهيالي في حدود 80 او 85 كيلو.هاخد لفة كدة في الحرفيين واسال عن اخر الاسعار اليومين دول