FM Modulator = Piece of crap.... نصيحه لوجه الله : محدش يشتريه حرام فيه الفلوس

**morabet79** · 30-08-2008 04:39 PM

اجهزة الموديولاتور الصيني تعبانه

والنوع إللي بكابل عمل مع مهندس معانا في الشغل مشكله في كهرباء العربيه

حرق فيوز ، الكهربائي قاله أنا جاتلي كذا عربيه حلص فيها مشاكل كهرباء بسب الجهاز ده

**MohabSaeed** · 31-08-2008 03:10 AM

اخر التحديثات ....
نزلت وسط البلد تانى و بدلت ال Modulator الفاشل بتاع GiGAMAX ب Modulator بس ماركه جامد طحن ...اسمها !!!!!!! اة... اسف الجهاز ملوش ماركه " مكتوب عليه CAR MP3 PLAYER وبس ".... بس الغريب ان صوته انضف بكتير من الجيجا ماكس و شغال استيريو !!! بس الرموت بتاعه بيهيس و خرج الصوت ضعيف نوعا ما .... يعنى جوده الصوت و " البيز و التريبل " معتمد كليا على الساوند سيستم بتاع العربيه ...

اهو اى حاجه تمشى لحد ما ربنا يفرجها و اجيب I pod او CD Changer

المشاركة الأصلية كتبت بواسطة tutankhamoun

أنا عندي جهاز من جمهورية الصين العظمى
بس مش فاكر أسمه
ده بقى فيه 512 ك ب ........ داخلية
يعني مش محتاج كارت و لا يحزنون

المهم الصوت بتاعه أكثر من رائع و عمل لمدة سنة كاملة بدون أي مشاكل و صوته نقي جدا مع الجين 2
و لكن الصوت وحش قوي مع البونتو

----------------------------------------------------------
فيه بقى حل تاني يا مهاب باشا
تشتري أي بود نظيف
و تشتري وصلة ا يو أكس
و هاتأخد صوت .............. و لا أروع ............ و لا أجمل و تقدم و تأخر ملفات الصوت بمزاجك طبعا

" أنا عندي جهاز من جمهورية الصين العظمى "

اهلا بيك يا استاذ توت منور الموضوع بمشاركتك واسلوبك المميز جدا .

ربنا يسهل .. انا بفكر فى كذا حل للموضوع ده ... اجيب اى بود و اوصله بال AUX او بالمديوليتر , ام يى ثرى بلاير و اوصله بال AUX او اجيب سى دى تشينجر .........

المشاركة الأصلية كتبت بواسطة morabet79

اجهزة الموديولاتور الصيني تعبانه

والنوع إللي بكابل عمل مع مهندس معانا في الشغل مشكله في كهرباء العربيه

حرق فيوز ، الكهربائي قاله أنا جاتلي كذا عربيه حلص فيها مشاكل كهرباء بسب الجهاز ده

ربنا يستر ........ العمليه مش ناقصه

**waleedrahmy** · 01-09-2008 02:11 PM

انا جبت واحد من ال فبه ذاكرة داخلية 512 وكان ماركة صيني كويسة وصوته كويس ب195ج و اشتغل معايا 7شهور ثم باظ واشتريت واحد تاني لواحد صاحبي اعدت اجرب 5 Modulator لاغية مالقيت واحد سليم واشتريته ب ج110+فلاشة 1 جيجا ب50ج وشغال معي صاحبي من 3شهور ........... نصيحة بلاش ال Modulator

**madvoodoo** · 02-09-2008 03:01 PM

السلام عليكم
كل عام اوانتم بخير
انا مع راي الاستاذ good wave انا كمان جايب بتاع راديو شاك بقالو 4 شهور وكان نفس العرض وشغال مع كاسيت بيونير وسمعات بيونير وفلاش ميموري 2 جيجا والصوت كويس خالص مفيش اى مشكلة وكفاية انه فيه ضمان حصل خير وربنا يعوضك باذن الله

**madvoodoo** · 02-09-2008 03:02 PM

معلش انا نسيت اقول لحضرتك ان عدم جودة الصوت ديه بتكون من تردد الموجة فحالو تغير التردد وان شاء الله الصوت هيكون كويس

**wael6** · 23-03-2010 03:43 PM

عندى مشكلة فى الصوت خاصة بام بي ثري الولاعه بيفصل عند اى هزه للعربيه والكهربائي بيقولى كهربة العربية عاليه ومش هتنفع معاك هل ده له حل ام لا مع العلم انى جربت 3 ام بي ثري ونفس النتيجه والجديد كمان انى كنت بشغل التلفون على شريط ام بي ثري وبقا بيفصل زى ام بي ثري الولاعه (( هل كهربة العربية ممكن توطى شوية وتتظبط الولاعه وطقم الصوت ولا توطيتها هيأثر على سحبها )) ارجو الافادة

**KHALED AYMAN** · 23-03-2010 03:49 PM

هو البتاع ده انتو بتجيبوه غالى ليه كده؟؟
انا مشترتوش الحمد لله
بس
اعرف واحد صحبى جايبه ب 35 جنيه
و شغال حلو معاه
و موصل جى ام كمان ..
و صب
و سماعات
!!!

**3ateef** · 23-03-2010 04:00 PM

الحمد لله رب العالمين انا جايب ارخص نوع فى السوق وشغال معايا كويس وحاطط فيه فلاشة 1 جيجا وخلاص...

وبالنسبة للاستاذ صاحب الموضوع...اللى انا اعرفه وشفته فى كل موديولاتور..انه فى مكان لكارت ميمورى وفيه مكان لفلاشة,,,يعنى لو معاك كارت بيتحط علطول من غير ريدر او اى حاجة...وفى كمان مكان لسلك لتوصيل mp3...
نصيحة اخوية,,,,وانا بعمل كده...قبل ما تشترى اى حاجة اسأل مجرب
وربنا يعوضك خير...
:)

**wael6** · 25-03-2010 08:23 PM

عندى مشكلة فى الصوت خاصة بام بي ثري الولاعه بيفصل عند اى هزه للعربيه والكهربائي بيقولى كهربة العربية عاليه ومش هتنفع معاك هل ده له حل ام لا مع العلم انى جربت 3 ام بي ثري ونفس النتيجه والجديد كمان انى كنت بشغل التلفون على شريط ام بي ثري وبقا بيفصل زى ام بي ثري الولاعه (( هل كهربة العربية ممكن توطى شوية وتتظبط الولاعه وطقم الصوت ولا توطيتها هيأثر على سحبها )) ارجو الافادة

**Amr Mohamed** · 25-03-2010 09:38 PM

المشاركة الأصلية كتبت بواسطة goodwave

If you pay Peanuts, you get Monkeys

دي حكمة انجليزية ومعناها بالبلدي الغالي تمنه فية!

حضرتك نازل تشتري جهاز لعربية ب 70 جنية صيني ومش معاه ضمان ولا حاجة وزعلان لية؟ ده بختك ياابو بخيت!
كنت ممكن توفر على نفسك وتروح مكان محترم زي راديو شاك او سبينيز وتجيب ماركة محترمة .... ايوة صيني .,.. بس في ضمان !

ال موديلاتور معايا بقالة 7 شهور وبحمد الله وما شاء الله زي الفل شغال على كاسيت العربية ... كنت جايبة من راديو شاك ومعاه كارت ميموري 512 وميموري ريدر ب 120 جنية ومعاه ضمان 6 او 8 شهور.... بس الحمد لله زي الفل .... وبعد كدة جبت له فلاش ميموري 2 جيجا وشغال وعايش حياتي زي الفل

يبقى ما تلومش المنتج ولكن لوم سوء الاختيار

ربنا يعوض عليك بالأحسن

+111111111
والله كلام كلام زى الفل وخده من على لسانى انا مشترى واحد ب 35 جنيه وواحد صاحبه شارى نفس المزبله اللى بتقول عليه وعلى فكره ده 35 مش ب 50
واى نعم هو بختك يا ابو بخييت واحد حلو و 10 لا انا حظى جيه فى الحلوه ده ومحترم ولا بيقطع ولا اى حاجه والى اشتراه بيوش وخنيء وزنه وكل البلاوى اللى حكيت فيها وعلى فكره الكارت الى اشتريته لو شاريه جديد بيجى معاه ضمان 5 سنين ومبرش فى بتاعه بلاستيك كده ومعاه الادابتر بتاعه وبيبقى فى مكان فى الااف ام مديولاتور تحط الاكرت فيه
تحت المكان بتاع الفلاشه
وفعلا انامتفق معاك ان الشركه الى انت حاببها دى شركه زوباله هههههههههههههههه
انا مش بشترى غير سيديهات سامسونج وبتبقى اغلى من السديهات دى بس بقول الغالى تمنه فيه
انا فاكر انا الباكيت الخمسين الجيجا زفت دى ب 28 جنيه س السامسونج بيبقى 36 او 35 مش فاكر اوى بس محترمه بصراحه
وكل الهرى ده عمره ما هايتقارن بسى دى بلاير ولا اف ام مديولاتور ولا هباب ههههههه