الموضوع: إيفو ولا سيفيك معدله ؟

السلام عليكم ورحمة الله وبركاته
بص ياباشا من خلال بحثى فى موضوع التعديل وكان ليا واحد صاحبى جامد فى الموضوع ده بتكلم معاه فيه
اققدر اقولك ابعد عن السفيك علشان لوحتى كلام حضرتك صح انت متخيل يعنى ايه 280 حصان على كبالن ده هتتفرتك
نيجى للايفو العربيه دى ستوك تقريبا 270 وممكن توصل ل800 حصان والموضوع دة ممكن يفيدك
http://www.nilemotors.net/Nile/165480-a.html
وممكن تسقط فى لانسر موتور مايفك 1.6 وده بيدى 175 حصان بدون تيربو وتسارعوا جميل جدا وهيبقى الاقل تكلفة كنت سالت عليه كان ب9000 على ما اتذكر
بس هاتقطع فى الشاسيه من ورا علشان تركب الكرونه
اما بقى بالنسبة للامبريزا هى اساسا دفع رباعى لا هتقطع فى شاسيه ولا حاجة
وكنت دخلت على موقع اون لاين وكانت الاسعار معدية اوى وهتبقى مالهاش قطع غيار
بالنسبة للبى ام انا شايفها الاختيار الافضل وهتلاقى مواتير كتير تناسبك واسعار قطع الغيار مش غاليه اوى
يا رب اكون عرفت افيدك

المشاركة الأصلية كتبت بواسطة love increaser

لينك جامد ياباشا .. جريت عليه بعنيا بسرعه وحكمله فى البيت علشان انا ماشى من الشغل دلوقتى
بس انا لاحظت إن الموضوع مش مكتمل ؟
أتعبك معايا معلش وتبعتلى لينك بقيت الموضوع :)
بس مشكلة ال evo إن قطع غيارها حراقه أوى
ممكن أفكر فى ال bmw بس إللى عاجبنى فى الهوندا إن مواتيرها ناريه
الإمبريزا لما دورت ودعبست عنها عرفت إنى مش حلاقي قطع غيار ولو لقيت حتبقى برضه نار
شكرا لإهتمامك ياكبير ويارب ألاقيك مشارك معايا على طول :)
كل سنه وإنت طيب :)

وانت طيب وبصحة وسلامة
بالنسبة للموضوع هو كامل بس عشان كان هو بيكتبه وهو شغال فى العربية
فمتقطع على صفحات كتيرة
بس فى واحد جمع معظم المشاركات فى صفحة واحدة
فى واحد اسمة زوزا اسمع عنة ان مللك التسوبيشى وده الفيس بتاعه
https://www.facebook.com/groups/155746547823935/
هو بيكتب اسعار عادى اسئله على اللى انت عاوزه